Ձգտելով լինել Հիսուս Քրիստոսի հավատարիմ աշակերտ

Ցույց տվեք Հիսուսի նկարը, երբ Նա լվանում է Իր առաքյալների ոտքերը, և խնդրեք մեկ կամ երկու ուսանողների կիսվել, թե ինչ կզգային, եթե Փրկիչը լվանար իրենց ոտքերը։

Ցուցադրեք հետևյալ հարցերը և հրավիրեք ուսանողներին մի րոպե խորհել դրանց շուրջ:

• Ի՞նչ կարող եմ սովորել Փրկչի հատկանիշների մասին` Իր աշակերտների հանդեպ ունեցած Նրա գործողություններից: Ինչպե՞ս կարող եմ ավելի լավ ընդօրինակել այդ Քրիստոսանման հատկանիշները:

Բացատրեք, որ այդպիսի հարցեր մենք կարող ենք ուղղել ինքներս մեզ, մինչ ձգտում ենք Հիսուս Քրիստոսի ավելի լավ աշակերտներ լինել: Քրիստոսի աշակերտն այն անձն է, որը հետևում է Փրկչին և ապրում Նրա ուսմունքներով (տես Վարդապետություն և Ուխտեր 41․5)։ Իր առաքյալների ոտքերը լվանալուց հետո Փրկիչը ավելին ուսուցանեց նրանց աշակերտության մասին:

Հրավիրեք ուսանողներին վերանայել Հովհաննես 13.14–17, 34–35, 14.15 և լրացնել հետևյալ միտքը. Հիսուս Քրիստոսի աշակերտը …

Հրավիրեք մի քանի ուսանողների կիսվել իրենց լրացրած նախադասություններով, որոնք կարող են ներառել այնպիսի արտահայտություններ ինչպիսիք են «ծառայում է ուրիշներին», «սիրում է ուրիշներին», և «պահում է Նրա պատվիրանները»: Երբ ուսանողներն արձագանքեն, դուք կարող եք տալ ստուգող հարցեր ինչպիսիք են.

• Ո՞վ է սուրբ գրություններից կամ ձեր անձնական կյանքից այդպիսի աշակերտության օրինակ հանդիսանում: Ինչպե՞ս է նրա օրինակը ազդել ձեզ վրա:

Կարող եք ցուցադրել կամ ուսանողներին տրամադրել հետևյալ ինքնագնահատման մի օրինակ:

Աշակերտության ինքնագնահատում

Հիսուս Քրիստոսը և Նրա հավիտենական ավետարանը. Ուսուցչի նյութ. Դաս 25

Բացել PDF-ը

Հետո, երբ ուսանողները հատկացված ժամանակում գրի առնեն իրենց պատասխանները, առաջարկեք նրանց մի քանի րոպե հատկացնել և խորհել, թե ինչ սովորեցին այդ ինքնագնահատումից:

Կիսվեք ուսանողների հետ, որ Փրկիչը հրավիրեց մի հարուստ երիտասարդ կառավարչի՝ անելու իր սեփական ինքնագնահատումը: Հրավիրեք որևէ ուսանողի ամփոփել այդ երիտասարդ մարդու պատմությունը (տես նախապատրաստական նյութի բաժին 2-ը), կամ կարող եք դիտել «Christ and the Rich Young Ruler» (2:26) տեսաֆիլմը:

2:28

• Ի՞նչն է կարևոր .«Էլ ի՞նչ բանով եմ պակաս» հարցի մեջ: (Մատթեոս 19.20) Ինչո՞ւ է կարևոր, որ Հիսուս Քրիստոսի բոլոր աշակերտները տան այս հարցը:

Հրավիրեք ուսանողներին կարդալ Մարկոս 10.21հատվածը` փնտրելով, թե Մարկոսը ինչպես է նկարագրել Փրկչի զգացմունքները այս հարուստ երիտասարդ կառավարչի հանդեպ:

• Ինչպե՞ս կարող է Փրկչի սիրո զգացողությունն օգնել ձեզ, երբ հայտնաբերում եք ինչ-որ բան, որը պետք է փոխեք:

• Ի՞նչ է նշանակում՝ ձեզ վրա «վերցնել [ձեր] խաչը» և հետևել Հիսուս Քրիստոսին: (Գուցե կամենաք վերանայել Ջոզեֆ Սմիթի Թարգմանությունը, Մատթեոս, 16.25–26-ը [Աստվածաշնչի հավելվածում] և Երեց Ուլիսես Սոարեսի խոսքերը նախապատրաստական նյութի բաժին 2-ից:)

Ապա դուք կարող եք ուսանողներին հանձնարարել վերանայել Երեց Լարի Ռ. Լորենսի խոսքերը նախապատրաստական նյութի 2-րդ բաժնում): Ապա ցուցադրեք հետևյալ հարցերը և հրավիրեք ուսանողներին գրի առնել իրենց մտքերն այն հարցի վերաբերյալ, որն առավել կարևոր են համարում.

• Ի՞նչն է ձեզ խանգարում հոգևորապես աճել:

• Ինչպե՞ս կարող եք ցույց տալ Տիրոջը, որ կամենում եք վերցնել ձեր խաչը և հետևել Նրան:

• Կա՞ մի բան, որը, ձեր կարծիքով, պետք է զոհաբերեք այս պահին` Հիսուս Քրիստոսի ավելի լավ աշակերտ լինելու համար:

Ցուցադրեք Առաջին Նախագահությունից նախագահ Ջեյմս Ի. Ֆաուստի հետևյալ խոսքը, և հրավիրեք ուսանողներին փնտրել այն օրհնությունները, որոնք խոստացված են նրանց, ովքեր պատրաստ են վճարել աշակերտության գինը.

Շատերը մտածում են, որ աշակերտության գինը խիստ թանկ է և խիստ ծանր: Ոմանց համար դա ներառում է շատ բաներից հրաժարվելը: Բայց խաչը այնքան էլ ծանր չէ, ինչպես այն թվում է: Հնազանդության միջոցով մենք ձեռք ենք բերում ավելի մեծ ուժ` այն տանելու համար:

«Ինձ մոտ եկէք, ամեն վաստակածներ եւ բեռնաւորուածներ, եւ ես հանգիստ կտամ ձեզ:

Ձեզ վրա առեք իմ լուծը և ինձանից սովորեցեք. որովհետև ես հեզ եմ և սրտով խոնարհ. և ձեր անձերի համար հանգստություն կգտնեք:

Որովհետև իմ լուծը քաղցր է, և իմ բեռը` թեթև» (Մատթեոս 11.28–30): (Ջեյմս Ի. Ֆաուստ, «Որտե՞ղ կարող եմ ամրացնել իմ դիրքը», Լիահոնա, նոյեմբեր 2006, 22):

Դուք կարող եք խնդրել ուսանողներին աշխատել ընկերակցի կամ փոքր խմբերի հետ և խնդրել նրանց վերանայել Հռովմայեցիս 8.16–18, 28, 35, 38–39. Հրավիրեք նրանց որոնել ճշմարտություններ, որոնք կարող են օգնել նրանց, երբ բախվում են աշակերտության մարտահրավերներին: (Ուսանողները կարող են բացահայտել հետևյալ ճշմարտությունները. Եթե մենք հավատարիմ աշակերտներ ենք, մենք կարող ենք դառնալ Հիսուս Քրիստոսի ժառանգակիցները և փառավորվել Նրա հետ: Եթե մենք սիրենք Աստծուն, բոլոր բաները միաժամանակ կգործեն մեր բարիքի համար:)

Երբ ուսանողները կիսվեն իրենց բացահայտած ճշմարտություններով, տվեք հետևյալ հարցերը.

• Մենք կարող ենք Հիսուս Քրիստոսի ժառանգակից դառնալ. հավատալով այս գաղափարին, ինչպե՞ս կարող ենք օգնել մեզ մնալ հավատարիմ աշակերտ: (Դուք կարող եք կրկնել 2 Նեփի 9.18: Կարևոր է նշել, որ ժառանգակիցը հավասար ժառանգություն է ստանում մյուսի հետ [տես Վարդապետություն և Ուխտեր 76.50, 55–59, 84.38]:)

• Ինչպե՞ս է ձեր սերը Աստծո հանդեպ և Նրա սերը ձեր հանդեպ աջակցել ձեզ, երբ աշակերտության ճանապարհը դժվար է եղել:

Ավարտեք այս դասը՝ բերելով ձեր վկայությունը դասարանում քննարկած աշակերտության սկզբունքների մասին: Կամ կարող եք դիտել այն ժամանակ Առաջին Նախագահությունից նախագահ Դիտեր Ֆ․ Ուխդորֆի հետ «Living the Gospel Joyful» (1:40) տեսաֆիլմը:

1:40