Դաս 6․ Ուսուցչի նյութ․ Խորհրդանիշների միջոցով ավելի լավ հասկանալ Քրիստոսի քավող զորությունը

«Դաս 6․ Ուսուցչի նյութ․ Խորհրդանիշների միջոցով ավելի լավ հասկանալ Քրիստոսի քավող զորությունը», Հիսուս Քրիստոսը և Նրա հավիտենական ավետարանը․ Ուսուցչի նյութ (2023)

«Դաս 6․ Ուսուցչի նյութ», Հիսուս Քրիստոսը և Նրա հավիտենական ավետարանը․ Ուսուցչի նյութ

Դաս 6․ Ուսուցչի նյութ

Խորհրդանիշների միջոցով ավելի լավ հասկանալ Քրիստոսի քավող զորությունը

Սուրբ գրությունները լի են Հիսուս Քրիստոսի և Նրա ավետարանի վերաբերյալ խորհրդանիշներով։ Նույնիսկ իր ծնվելուց առաջ Փրկիչն օգնում էր Իր ժողովրդին հասկանալ, թե ով է Ինքը, և նրանք ինչու ունեն Իր կարիքը։ Այս դասը կբացահայտի սուրբ գրությունների խորհրդանիշները, որոնք կարող են ամրացնել Հիսուս Քրիստոսի և որպես մեր Քավչի՝ Նրա դերի հանդեպ մեր հավատքը։

Ուսուցման առաջարկներ

Տերը ներկայացնում է կենդանիների զոհաբերությունը՝ վկայելով Իր քավիչ զորության մասին

Գրատախտակին նկարեք կամ ցուցադրեք սրտի որևէ պատկեր (կամ մեկ այլ տարածված նշան): Խնդրեք ուսանողներին բացահայտել, թե ինչ կարող է խորհրդանշել սիրտը: Նշեք, որ սուրբ գրություններն օգտագործում են խորհրդանշականությունը՝ Հիսուս Քրիստոսի մասին վկայություն տալու համար (տես 2 Նեփի 11.4): Կարող եք նաև հանձնարարել, որ ուսանողները բացահայտեն խորհրդանիշների մի քանի օրինակներ, որոնք ուսուցանում են Քրիստոսի մասին:

Համառոտ կրկնեք կամ հանձնարարեք ուսանողներից մեկին ամփոփել Ադամի և Եվայի ուղեկցող նկարի համատեքստը: Հրավիրեք ուսանողներին վերանայել Մովսես 5.4–8 հատվածները և բացահայտել այս նկարի խորհրդանիշները:

Որպեսզի օգնեք ուսանողներին ավելի լավ հասկանալ այս նկարի խորհրդանշականությունը, տվեք հետևյալ հարցերը.

Հիսուս Քրիստոսի մասին ի՞նչ կարևոր ճշմարտություններ են ուսուցանվում՝ գառան, զոհասեղանի և արյուն թափելու խորհրդանիշների միջոցով: (Դուք կարող եք վերանայել երեց Ջեֆրի Ռ. Հոլլանդի հայտարարությունը նախապատրաստական նյութի 1-ին բաժնում։) Օգնեք ուսանողներին բացահայտել որևէ նմանատիպ ճշմարտություն. Անդրանիկ գառան զոհաբերությունը խորհրդանշում էր Հիսուս Քրիստոսի քավող զոհաբերությունը:)
Ի՞նչ խորհրդանիշներ ենք մենք օգտագործում այսօր, որոնք մեզ հիշեցնում են Փրկչի Քավության մասին:

Նշում. Եթե ձեր ուսանողները անհանգստություն են ցուցաբերում կենդանիների զոհաբերության սովորույթի վերաբերյալ, հիշեցրեք նրանց, որ Հին Կտակարանի մարդկանց մեծ մասն ապրում էր հովվական հասարակությունում, որտեղ սովորական երևույթ էր կենդանիներ պահելը և դրանք սննդի համար սպանելը: Նշեք, որ Տերը հիմնվում էր մարդկանց ամենօրյա փորձառությունից՝ Իր քավող զոհաբերության մասին հզոր դասեր տալու համար:

Սուրբ գրությունները պարունակում են բազմաթիվ խորհրդանիշներ, որոնք վկայում են Հիսուս Քրիստոսի աստվածային առաքելության մասին

Նշում. Այս բաժինը պարունակում է ուսուցման երկու տարբերակ: Որոշեք, թե որ տարբերակն է լավագույնը ձեր ուսանողների համար: Տարբերակ 1-ը տրամադրում է ավելի առաջնորդվող ուսուցման փորձառություն։

Տարբերակ 1. Զատիկի խորհրդանիշը

Կախված ձեր ուսանողների գիտելիքներից՝ գուցե համառոտ վերանայեք այն իրադարձությունները, որոնք տեղի են ունեցել Զատիկից առաջ, այնուհետև միասին կարդացեք Ելից 12.3–13 հատվածները: Կամ կարող եք դիտել «The Passover» (3:08) տեսանյութը:

3:7

Որպեսզի ուսանողներին հնարավորություն ընձեռվի քննարկել Զատիկի խորհրդանիշների իմաստը, կարող եք նրանց հանձնարարել աշխատել փոքր խմբերով և լրացնել կամ քննարկել «Զատիկի խորհրդանշականությունը» աղյուսակի «Հնարավոր իմաստները» բաժինը, որը գտնվում է նախապատրաստական նյութի 2-րդ բաժնում: Կամ կարող եք յուրաքանչյուր խմբին հանձնարարել մեկ խորհրդանիշ և խնդրել նրանց կարդալ աջակցող սուրբ գրությունները, գրի առնել իրենց խորհրդանիշի հնարավոր իմաստը, այնուհետև դասարանի հետ կիսվել, թե ինչ են սովորել:

Երբ ուսանողները իրենց պատկերացումներով կիսվեն Զատիկի խորհրդանիշների մասին, տվեք ամփոփիչ հարցեր, որոնք կօգնեն նրանց կիրառել այդ խորհրդանիշների իմաստն իրենց կյանքում: Ամփոփիչ հարցերը կարող են սկսվել հետևյալ կերպ.

Այս խորհրդանիշն ի՞նչ է ուսուցանում մեզ ․․․ բարության մասին։
Ինչպե՞ս կարելի է այս խորհրդանիշի իմաստը կիրառել …
Ե՞րբ եք դուք տեսել ․․․

Ձեր քննարկումից հետո հրավիրեք ուսանողներին գրի առնել այն, ինչ նրանք Զատիկի խորհրդանիշներից սովորել կամ զգացել են Փրկչի կամ Նրա հետ իրենց հարաբերությունների մասին: Հրավիրեք նաև մի քանի ուսանողների կամավոր կիսվել իրենց մտքերով։

Հղումներ ուսուցչի համար

Զատիկի խորհրդանիշները

Հատված	Խորհրդանիշ	Հնարավոր իմաստները	Աջակցող սուրբ գրություններ*
Հատված 3	Խորհրդանիշ Յուրաքանչյուր տուն զոհաբերեց մեկ գառ	Հնարավոր իմաստները Հիսուս Քրիստոսի քավիչ զորությունը բոլորի համար է:	Աջակցող սուրբ գրություններ* 2 Նեփի 26․25–28, 33
Հատված 5	Խորհրդանիշ Անարատ արու գառ	Հնարավոր իմաստները Փրկիչն Աստծո Գառն էր՝ կատարյալ և առանց մեղքի:	Աջակցող սուրբ գրություններ* Հովհաննես 1․29, Եբրայեցիս 5․8–9
Հատված 7	Խորհրդանիշ Յուրաքանչյուր տան դռան սյունին արյուն էր քսվում	Հնարավոր իմաստները Ուխտի միջոցով մենք կարող ենք կիրառել Քրիստոսի արյունը՝ հոգևոր մահը հաղթահարելու համար: Քրիստոսի արյունը փրկում և պաշտպանում է մեզ:	Աջակցող սուրբ գրություններ* Մոսիա 4․2, Ալմա 5․21
Հատված 8	Խորհրդանիշ Բաղարջ (հաց՝ առանց խմորիչի, որը փչացնում կամ բորբոսեցնում է հացը)	Հնարավոր իմաստները Հիսուսը կյանքի հացն է։ Նա անմաքրություն չունի։	Աջակցող սուրբ գրություններ* Հովհաննես 6․35, 48, 57–58, Ա Կորնթացիս 5․7–8
Հատված 8	Խորհրդանիշ Լեղի խոտեր	Հնարավոր իմաստները Մենք ապրում ենք անկում ապրած աշխարհում և ենթակա ենք մեղքի դառնությանը։	Աջակցող սուրբ գրություններ* Ալմա 41․11, Վարդապետություն և Ուխտեր 19․18
Հատված 11	Խորհրդանիշ Գոտիները մեջքին, կոշիկները ձեռքերին, շտապելով ուտել	Հնարավոր իմաստները Քրիստոսի քավիչ զորությունը պետք է կիրառվի անհապաղ:	Աջակցող սուրբ գրություններ* Ալմա 34․32-33

Տարբերակ 2. Քրիստոսի խորհրդանիշները Հին Կտակարանում

Հանձնարարեք որևէ ուսանողի բարձրաձայն կարդալ երեց Բրյուս Ռ. Մակքոնկիի հայտարարությունը նախապատրաստական նյութի բաժին 3-ում: Ապա հարցրեք.

Հիսուս Քրիստոսի խորհրդանիշների բացահայտումն ինչպե՞ս է ամրապնդել, կամ ինչպե՞ս կարող է ամրապնդել ձեր հավատքը Նրա հանդեպ:

Վկայեք, որ մենք կարող ենք ավելին սովորել Հիսուս Քրիստոսի մասին, երբ հասկանանք այն պատկերները, տեսակներն ու խորհրդանիշները, որոնք վկայում են Նրա մասին:

Միասին վերանայեք Հին Կտակարանի չորս հատվածները նախապատրաստական նյութի բաժին 3-ում: Հրավիրեք ուսանողներին փոքր խմբեր կազմել այլ ուսանողների հետ, ովքեր ցանկանում են քննարկել այն նույն հատվածը, որն իրենք են ցանկանում քննարկել: Այնուհետև յուրաքանչյուր խմբի հրավիրեք միասին կարդալ իրենց ընտրած հատվածը և քննարկել ուսումնասիրության հարցերը, որոնք գտնվում են բաժնում 3-ում:

Իմաստալից քննարկման համար բավարար ժամանակ հատկացնելուց հետո հրավիրեք մի քանի ուսանողների կիսվել, թե ինչ են սովորել կամ զգացել Հիսուս Քրիստոսի մասին իրենց փոքր խմբային քննարկման արդյունքում:

Հաջորդ անգամ

Հաջորդ դասից առաջ կարող եք հաղորդագրություն ուղարկել ուսանողներին և հարցնել. Երբևէ մտածե՞լ եք, թե ինչպես համաձայնեցնել Աստծո արդարադատությունը Նրա սիրո և ողորմության հետ: Երբ կարդաք 7-րդ դասի նախապատրաստական նյութը, մտածեք արդարադատության, ողորմության և սիրո աստվածային հատկանիշների միջև կապի մասին: