Նպատակ և ուրախություն գտնել Տիրոջ արարչագործություններում

Դասը սկսեք՝ ցույց տալով ուղեկցող նկարը և հրավիրեք մի քանի ուսանողների կիսվել, թե ինչ մտքեր, զգացմունքներ կամ հարցեր են նրանք ունեցել գիշերային երկնքում աստղերին նայելիս: Կամ կարող եք ցույց տալ այն լուսանկարները, որոնք ուսանողները գուցե բերել կամ ուղարկել են ձեզ: Խնդրեք նրանց կիսվել իրենց մտքերով, թե ինչն է նրանց ոգեշնչում նկարներում:

Հիշեցրեք ուսանողներին, որ Մովսեսը մի ուշագրավ տեսիլք ունեցավ, որտեղ նա տեսավ Աստծո արարչագործությունների հսկայական շրջանակը: Որպեսզի օգնեք ուսանողներին ավելի խորը մտածել Արարչի և Նրա արարչագործությունների մասին, հրավիրեք նրանց աշխատել փոքր խմբերով և տրամադրեք հետևյալ թերթիկը:

Մովսեսը Արարման մասին կարևոր ճշմարտություններ է սովորում

Հիսուս Քրիստոսը և Նրա հավիտենական ավետարանը․ Ուսուցչի նյութ․ Դաս 4

Նշում. Դուք կարող եք որոշել, որ ուսանողները փոքր խմբերով կիսվեն դասարանի հետ: Կամ, եթե կարծում եք, որ խմբային քննարկումները բավականաչափ լուսաբանել են թեման, կարող եք պարզապես անցնել դասի հաջորդ մասին:

Դուք կարող եք ավարտել դասի այս մասը՝ ընդգծելով կամ վկայելով, որ Երկնային Հոր ղեկավարությամբ, Հիսուս Քրիստոսը ստեղծեց անթիվ աշխարհներ: Դուք կարող եք նաև վկայել, որ երկրի ստեղծումը Երկնային Հոր ծրագրի անհրաժեշտ մասն է, որպեսզի իրականացնի Իր զավակների անմահությունն ու հավերժական կյանքը։

Դուք կարող եք սկսել դասարանի քննարկման այս մասը՝ հարցնելով.

• Որո՞նք են Տիրոջ արարչագործություններից մի քանիսը, որոնց համար դուք առավել երախտապարտ եք: Ինչպե՞ս եք արտահայտել ձեր երախտագիտությունն Աստծուն այս արարչագործությունների համար:

Այնուհետև դուք կարող եք հիշեցնել ուսանողներին, որ Աստված հանգստացավ յոթերորդ օրը և տեսավ, որ «բոլոր բաները, որոնք [Նա] արարել էր … բարի էին» (Մովսես 3․2)։ Ապա, Նա «օրհնեց յոթներորդ օրը, և սրբացրեց այն» (Մովսես 3․3)։ Եվ ժամանակակից աշխարհում Փրկիչը հիշեցնում է մեզ, որ երբ մենք հարգում ենք հանգստության օրը, «երկրի լիությունը» կլինի մերը (տես Վարդապետություն և Ուխտեր 59.9–16):

Միասին կարդացեք Վարդապետություն և Ուխտեր 59.16–20-ը, և հրավիրեք ուսանողներին փնտրել բառեր կամ արտահայտություններ, որոնք նկարագրում են, թե Տերն ինչպես կցանկանա, որ մենք զգանք Իր ստեղծագործությունները: Այդ բառերի և արտահայտությունների նշանակությունը (հատկապես հատված 20-ում) քննարկելուց հետո օգտակար կլինի ցույց տալ հետևյալ ճշմարտությունը. Տիրոջ արարչագործությունները մեր օգտի և վայելքի համար են և չպետք է չարաշահվեն անարդար նպատակների համար:

Որպեսզի օգնեք ուսանողներին խորապես մտածել այս ճշմարտության մասին, դուք կարող եք տալ հետևյալ հարցերից մի քանիսը.

• Ինչո՞ւ է կարևոր պարբերաբար ժամանակ հատկացնել Տիրոջ արարչագործություններում ուրախություն գտնելու համար: (Դուք կարող եք հետևողական լինել «Գործեք» հրավերին՝ նախապատրաստական նյութի 2-րդ բաժնում): Ի՞նչ է ձեզ անհրաժեշտ փոխել ձեր առօրյա կյանքում, որպեսզի համոզվեք, որ դուք կանոնավոր կերպով ժամանակ եք տրամադրում՝ վայելելու Տիրոջ արարչագործությունները: (Օգտակար կլինի ուսանողներին ժամանակ տրամադրել՝ իրենց մտքերն ու տպավորությունները գրի առնելու համար:)

• Ինչպե՞ս եք օգուտ քաղել երկրից ստացվող բարիքներից: Ինչպե՞ս կարող եք Տիրոջն ավելի շատ երախտագիտություն ցույց տալ այս բաների համար:

• Ձեր կարծիքով, ինչո՞ւ մեր մարմինները կարելի է անվանել Աստծո արարման պսակ: (Տես նախագահ Գորդոն Բ. Հինքլիի հայտարարությունը նախապատրաստական նյութի 2-րդ բաժնում:) Մենք ի՞նչ եղանակներով կարող ենք հարգել մեր և ուրիշների մարմինների սրբությունը: Ի՞նչն է օգնել ձեզ ավելի շատ գնահատել ձեր սեփական մարմինը:

Կարող եք ուսանողներին ցույց տալ «Our Home» (1:34) տեսանյութը և հրավիրել նրանց խորհել այն մասին, թե ինչ կարող են անել, որպեսզի ավելի լավ տնտեսներ լինեն մեր տան՝ երկրի վրա:

1:35

Դասի վերջում մի քանի րոպե հատկացրեք, որպեսզի վկայեք և հրավիրեք ուսանողներին վկայել մեզանից յուրաքանչյուրի հանդեպ Արարչի սիրո մասին։