Հետևել Հիսուս Քրիստոսի հնազանդության օրինակին

Կիսվեք հետևյալ սցենարով.

• Ի՞նչ հնարավոր թյուրըմբռնումներ կարող է ունենալ Լուկասը խոնարհության և հեզության հատկանիշների վերաբերյալ:

• Եթե Լուկասը անտեսի եպիսկոպոսի խորհուրդը, ինչպիսի՞ առաջնորդ կարող է նա դառնալ:

Ցուցադրեք խոնարհության և հեզության հետևյալ սահմանումները՝ տրված երեց Դեյվիդ Ա. Բեդնարի կողմից, և քննարկեք, թե ինչպես են դրանք վերաբերում մեր կամքը Աստծուն ենթարկելուն.

Հեզությունը, ընդհանուր առմամբ, նշանակում է ունենալ կախվածություն Աստծուց և Նրա առաջնորդության և աջակցության մշտական կարիքը:

Հեզությունը … առանձնանում է արդարացի արձագանքով, պատրաստակամ հնազանդությամբ և ուժեղ ինքնավերահսկողությամբ։ («Հեզ և սրտով խոնարհ», Լիահոնա, մայիս 2018, 32)

Ցուցադրեք նկարը, որտեղ Հիսուս Քրիստոսն աղոթում է Գեթսեմանիի պարտեզում։ Հանձնարարեք ուսանողներին կարդալ Ղուկաս 22.39–44 հատվածները և փնտրել, թե այդ հատվածներն ինչ են ուսուցանում մեզ հնազանդության մասին: Կարող եք նաև հարցնել.

• Որո՞նք են Փրկչի կյանքի այլ օրինակները, որոնք ուսուցանում են մեզ խոնարհության, հեզության և հնազանդության մասին: (Եթե դա կօգնի ուսանողներին, դուք կարող եք ցուցադրել լրացուցիչ նկարներ Փրկչի կյանքից, որոնք վերաբերում են հնազանդությանը: Կարող եք նաև կրկնել և քննարկել երեց Դեյվիդ Ա. Բեդնարի հայտարարությունը նախապատրաստական նյութի բաժին 1-ում:)

• Ինչպե՞ս ենք մենք բոլորս օրհնվել, քանի որ Հիսուսն Իր կամքը ենթարկեց Հորը: (Կարող եք ցուցադրել հետևյալ ճշմարտությունը. Հիսուս Քրիստոսը «ենթարկվեց Հոր կամքին, բոլոր բաներում, ի սկզբանե» (3 Նեփի 11:11):)

• Ինչպե՞ս կօրհնվեք դուք և ձեր շրջապատի մարդիկ, եթե ավելի հնազանդ լինեք Աստծո կամքին: (Դուք կարող եք հրավիրել ուսանողներին մի քանի րոպե հատկացնել՝ մասնավոր կերպով բացահայտելու և գրի առնելու մի բան, որ նրանք կարող էին անել՝ ավելի շատ հնազանդվելով Աստծո կամքին:)

Օգտակար կլինի հակիրճ վերանայել Լուկասի մասին սցենարը և հրավիրել ուսանողներին կիսվել, թե Լուկասը և նրա քվորումը ինչպես կարող են օրհնվել, եթե նա հետևի եպիսկոպոսի խորհրդին՝ լինելու խոնարհ և հեզ ղեկավար:

Ուսանողները կարող են կրկնել նախագահ Ռասսել Մ. Նելսոնի հայտարարությունը նախապատրաստական նյութի 3-րդ բաժնում և համառոտ քննարկել պատրաստակամ բառի կարևորությունը: Դուք կարող եք վկայել, որ մենք դառնում ենք Տիրոջ ժողովուրդը, երբ պատրաստակամորեն թույլ ենք տալիս, որ Աստված տնօրինի մեր կյանքում:

Որպեսզի օգնեք ուսանողներին մտածել, թե ինչպես կարող ենք թույլ տալ, որ Աստված տնօրինի մեր կյանքում, դուք կարող եք ցուցադրել հետևյալ հրահանգները կամ տրամադրել դրանք թերթիկով:

Թող Աստված տնօրինի

Հիսուս Քրիստոսը և Նրա հավիտենական ավետարանը․ Ուսուցչի նյութ. Դաս 10

Բացել PDF-ը

Երբ ուսանողները բավարար ժամանակ ունենան նախապատրաստվելու համար, հրավիրեք նրանց կազմավորել փոքր խմբեր: Խմբի չափը պետք է արտացոլի դասին մնացած ժամանակի քանակը: Որքան կարճ է ժամանակը, այնքան փոքր է խումբը: Դա կօգնի ապահովել, որ բոլոր ուսանողները կարողանան կիսվել իրենց մտքերով:

Նախքան դասի ավարտը դուք կարող եք ուսանողներին տրամադրել մի քանի րոպե՝ հանգիստ խորհելու և գրառելու իրենց մտքերը այս հարցի վերաբերյալ, որը գտնվում է նախապատրաստական նյութի 3-րդ բաժնում. Ձեր կարծիքով, դուք ինչ պետք է սկսեք անել կամ դադարեք անել, որպեսզի Աստված լիարժեք տնօրինի ձեր կյանքում: