Ստանալ Փրկչի շնորհի աստվածային պարգևը

Հրավիրեք ուսանողներին առանձին գրի առնել իրենց մեծագույն կարիքներն ու ցանկությունները Աստծո օգնության համար: Օրինակ, նրանք կարող են թվարկել գայթակղությունները կամ մեղքերը, որոնք ցանկանում են հաղթահարել, թուլությունները, որոնց հետ նրանք պայքարում են, մարտահրավերները կամ որոշումները, որոնց բախվում են, որևէ մեծ առաջադրանք, որն իրականացնելու համար անհրաժեշտ է օգնություն, կամ Քրիստոսանման հատկանիշներ, որոնք նրանք ցանկանում են զարգացնել: Խրախուսեք նրանց իրենց մտքում պահել այդ ցանկությունները, մինչ նրանք դասարանում կքննարկեն Հիսուս Քրիստոսի շնորհը։

Ուսանողների՝ շնորհի ըմբռնումը գնահատելու համար դուք կարող եք հրավիրել նրանց բացատրել, թե ինչպես են նրանք հասկանում Հիսուս Քրիստոսի շնորհը և պարզել, թե արդյո՞ք նրանք հարցեր ունեն: Եթե հնարավոր է, ցուցադրեք հետևյալ սահմանումը.

Կարող եք ցուցադրել խաղողի որթի հետևյալ պատկերը: Բացատրեք, որ Հիսուս Քրիստոսն ուսուցանեց ճշմարիտ խաղողի որթի առակը, Իր Քավությունը իրականացնելու համար Գեթսեմանիի այգի գնալուց ոչ շատ առաջ:

Հրավիրեք ուսանողներին վերանայել Հովհաննես 15.1–8-ը փնտրելով, թե որթատունկի, ճյուղերի և մրգի խորհրդանիշներն ինչ կարող են սովորեցնել մեզ Փրկչի աստվածային շնորհի մասին

Կարող եք նրանց տալ հետևյալ հարցերը, որպեսզի օգնեք ուսանողներին զգալ կապը խաղողի ճշմարիտ որթի առակի և շնորհի միջև:

• Ի՞նչ կարող են խաղողի որթի, ճյուղերի և մրգի խորհրդանիշները ներկայացնել։ Ի՞նչ կարող են դրանք ուսուցանել մեզ Փրկչի շնորհի մեր կարիքի մասին: (Կարող եք օգնել ուսանողներին բացահայտել նմանատիպ մի սկզբունք. Երբ մենք կենում ենք Հիսուս Քրիստոսում, մենք կարող ենք ստանալ Նրա շնորհը`բարի գործեր առաջ բերելու համար:)

• Ի՞նչ է նշանակում կենալ կամ մնալ Քրիստոսում: (Գուցե կամենաք կրկնել երեց Ջեֆրի Ռ. Հոլլանդի հայտարարությունը նախապատրաստական նյութի բաժին 1-ում:) Ի՞նչն օգնեց ձեզ կապված մնալ Փրկչին: Ի՞նչ կարող է անել մեկը, ով զգում է Հիսուս Քրիստոսի և Նրա շնորհի պարգևից հեռացած:

Դուք կարող եք նաև հրավիրել, մեկ կամ երկու ուսանողների կիսվել իրենց զգացումներով Փրկչի շնորհի պարգևի վերաբերյալ: Կարող եք կիսվել ձեր անձնական վկայությամբ:

Կարող եք ցույց տալ ընծայի և վճարի նկարները, որոնք գտնվում են նախապատրաստական նյութի բաժին 2-ում: Հրավիրեք ուսանողներին բացատրել, թե ինչ գիտեն Քրիստոսի շնորհի մասին, արդյոք դա պարգև է, թե վաստակված մի բան: (Ուսանողները կարող են հատկացնել մի քանի րոպե՝ կրկնելու բաժին 2-ը, կամ անհրաժեշտության դեպքում «Ցանկանո՞ւմ եք իմանալ ավելին» նյութից որևէ բան: Եթե նրանք արդեն բացատրել են այդ գաղափարները դասի սկզբում, դուք կարող եք պարզապես շարունակել հետևյալ սցենարներով):

Ցուցադրեք և բարձրաձայն կարդացեք հետևյալ սցենարները.

Հրավիրեք ուսանողներին կիսվել, թե ինչպես կարձագանքեին Սակուրային, Տոբիասին և Ելենային: Մտածեք, թե հետևյալ հարցերից որը կկամենայիք տալ` օգնելու ձեր ուսանողներին խորացնել իրենց սովորածը:

• Ի՞նչ սխալ պատկերացում կարող է այդ անձնավորությունն ունենալ Փրկչի շնորհի պարգևի մասին:

• Ինչպե՞ս կարող է այդ թյուրըմբռնումը խանգարել նրան հասանելի լինել կամ ապավինել Փրկչի շնորհին:

• Փրկչի շնորհի հետ կապված ինչ ուսմունքով կամ սկզբունքով կարող եք կիսվել այդ անձնավորության հետ:

Կարող եք գրատախտակին գրել ուսանողների կողմից բացահայտված ճշմարտությունները: Ուսանողները կարող են բացահայտել նմանատիպ ճշմարտություններ․ Շնորհը պարգև է, որը մենք չենք վաստակում, բայց ստանում ենք, երբ հավատք ենք գործադրում առ Հիսուս Քրիստոս և ջանում ենք ապրել ավետարանով: Մենք կարող ենք ստանալ Տիրոջ շնորհը մեր լավագույն ջանքերը գործադրելուց առաջ, ընթացքում և հետո:

Հիշեցրեք ուսանողներին, որ նախապատրաստական նյութի 3-րդ բաժնում նրանց հանձնարարվել է ուսումնասիրել սուրբ գրքից մի պատմություն, որը ցույց է տալիս, թե ինչպես Տիրոջ շնորհը կարող է գործել մեր կյանքում։ (Կարող եք ուսանողներին ժամանակ տրամադրել՝ իրենց ընտրած սուրբ գրքի պատմությունը վերանայելու համար։) Ուսանողներին բաժանեք փոքր խմբերի: Հրավիրեք ուսանողներին բացատրել իրենց հատվածը և կիսվել երեք հարցերի իրենց պատասխաններով նախապատրաստական նյութի 3 բաժնում:

Կարող եք դասն ավարտել հրավիրելով ուսանողներին կրկնել դասի սկզբում իրենց գրած անձնական կարիքներն ու ցանկությունները։ Ժամանակ տրամադրեք, որ նրանք աղոթքով մտածեն և գրի առնեն, թե ինչ կարող են անել ավելի առատորեն հրավիրելու Տիրոջ շնորհը իրենց կյանք, առաջ շարժվել հավատքով և ավելի լիովին ապավինել Նրա աստվածային զորությանը: