O Tagata aoga o le Iunivesite o loo Fesoasoani i Tua i le Polokalama o le Tulafono Faavaomalo ma Tapuaiga

O tagata aooga o le Iunivesite a Polika Iaga mai Provo, Iuta ma Laie Hawaii, o loo fesoasoani i sui usufono i le Fonotaga faaletausaga lona 32 i Tulafono Faavaomalo ma Tapuaiga i le Aoga Faaloia a le J. Reuben Clark i le BYU i le taufaaiuiuga o le 2025.

O lea fono e aumaia faatasi taitai tau faigamalo, aoaoga, ma faalelotu mai vaega eseese o le lalolagi e talanoaina mataupu faavae o saolotoga tau tapuaiga.

Ae e le na o sui usufono lea e mafai ona manuia ai le fonotaga, o tagata aooga e tuuina ni taumafaiga i tua atu o vaaiga.

O tagata aooga BYU mai le Saolotoga Tautapuaiga ma Fuafuaga i le Mamalu o le Tagata na omai ia avea le fonotaga ia lelei ma manatua pea mo tagata aooga ma sui usufono.

Ina ia tulaga ese i latou mai tagata aooga o le BYU Provo, sa laeiina e tagata aooga o le BYUH ula kukui. O nei ula o faailoga o le poto ma le tuputupu a‘e, o se mea e faamoemoe tagata aooga e ausia i lenei fonotaga. I Hawaii, o fatu kukui e susunuina e pei o se moli gao, e saunia ai se punaoa o le malamalama i taimi pogisa, o se tasi o faailo taua o le ula kukui.

E tusa ai ma le toatele o sui usufono, o tagata aooga volenitia o vaega taua ia o le fonotaga. Latou te auauna atu o ni tagata autu tau fesootaiga a sui usufono, taliina fesili, taitaia i latou, ma lagolagoina le fonotaga. I le aluga o tausaga, e toatele sui usufono e faafetaia tagata aooga mo lo latou agalelei ma le malamalama.

“O le tulaga lena o loo matou taumafai e avea ai, o le malamalama o Keriso,” na saunoa ai Kala Haverly, o se tagata aoga mai Hawaii.

O le tagata aoga i e Aoga o le Tulafono a le BYU, Elle McConkie, sa auauna atu o se Taitai mo le Faatulagaina o Taimi mo le Fonotaga. Fai mai a ia e ui o le faasusuluina atu o le malamalama o Keriso e lei faailoa manino o se taulaiga i le taimi o sauniuniga ma le fuafuaina o le fonotaga, ae na sau i se tulaga masani a o galulue ai i le fonotaga.

“Ou te manatu e ala atu i fegalegalea‘iga ma sui usufono—ina ua matou fesoasoani atu ia i latou, taliina a latou fesili, faaauai i talanoaga, ma faafaigofieina se aafiaga lelei mo i latou—ua matou fesoasoani e faalautele atu le alofa ma le malamalama o Keriso,” na saunoa ai McConkie.

I le faaiuga o le konafesi, na tuuina atu ai e tagata aooga o le BYUH ia ula kukui i sui usufono sa latou fesootai i ai ma valaaulia i latou e auai i le Fuafuaga o le Saolotoga Tau Tapuaiga ma le Mamalu o le Tagata i lo latou lava laumua ia Aperila, lea o le a i ai le taulaiga i se tapuaiga patino.

O Riji Levaci mai Fiti e taitaia le fuafuaga a le BYUH. Fai mai o ia o le fatuina o se sootaga umi o se taulaiga autu. O le tausaga ua te’a, na taulai atu ai le fonotaga a le BYUH i le faaitulagi o le Pasefika, faatasi ai ma le silia i le 100 tagata aooga volenitia mai atunuu o le Pasefika na auai.

“E le gata o lo o fausia ai a latou sootaga ma isi sui usufono, e uunaia ai foi i latou e see atu i lea itu, o le avea ma loia po o e aafia ai i saolotoga tau tapuaiga ma le mamalu tau le tagata,” na fai mai ai Levaci.

Sa fai saofaga foi le eria o le Pasefika i le fonotaga a le ICLRS, fausia no sootaga ma tagata aooga ma isi sui usufono a o faasoaina a latou vaaiga.

Sa lagona e McConkie o leo o le Pasefika e taua. “E taua le iai o leo mai le Pasefika i le laulau lea o lo o talanoaina ai nei mataupu taua.”

I nei taimi o vaevaega, na lagona e McConkie o le vaega aupito taua o le fonotaga mo ia lava ma isi, o le atiina’eina o sootaga. “O le konafesi o se manava o se ea fou aua sa leai se matou faasaga ia latou.” O le sootaga faaletagata i le fonotaga sa ofoofogia.” na fai mai ai McConkie.

O tagata mai talaaga eseese, manatu, ma aafiaga o le olaga e omai faatasi ma faaopoopoina uma le lelei i le talanoaga. E galulue tagata ia malamalama i vaaiga ia atonu e le o suia lautele ma faasoa o latou manatu e faaleleia atili ai le malamalama ma le faaaloalo.

“Matou te mananao i tagata uma ia iloa e tusa lava po o a a latou tapuaiga po o talitonuga, e taua uma i latou ma e taua tele ma malamalama,” na fai mai ai Neelima Mungamur, o se tagata aoga mai Initia.