Savali o le Eseta a le Au Peresitene Sili

O Le Afio Ae o Iesu, na saunia e Harry Anderson

Ao o atu ma le faanoanoa Maria le Makatala ma ana soa i le Tuugamau Togalaau, sa faaali atu agelu e toalua ia i latou ma faasoa mai le valaau manino o le faaKerisiano uma:

“Se a le mea tou te saili ai le ua soifua i e ua oti?

“E le o iinei o ia, a ua tu” (Luka 24:5–6).

O lenei vaitau o le Eseta tatou te molimau atu ai foi ma le olioli i lenei lava upumoni e tasi e faavavau—Ua toetu Iesu Keriso. O loo soifua o Ia! Sa faasatauroina le Faaola o le lalolagi ma, i le aso lona tolu, na toetu mai mai le oti, “o uluai fua o e na momoe” (1 Korinito 15:20). O Lona Toetu ua mafai ai e tagata uma ona toetutu, ma e ala i Lona alofa tunoa, ua mafai ai ona tatou maua le filemu “lea e sili atu i mea uma e manatu i ai” (Filipi 4:7) ma ”faaatoatoaina ia te ia” (Moronae 10:32).

Matou te valaaulia outou taitoatasi i lenei vaitau o le Eseta e “saili lenei Iesu ua tusia e perofeta ma aposetolo” (Eteru 12:41). A o e faia lena mea, matou te molimau atu o a outou faafiafiaga faamanatuina o le Eseta e mafai ona faamalosia ai lou lava faatuatua ma le molimau faapea “ua faatoilaloina le oti; e saoloto le tagata. Ua manumalo Keriso” (“Ua Toetu o Ia!,” Viiga, nu. 112).

O Le Au Peresitene Sili