Kalōk juon Pedped Ekāāl

Ilo 18 Juļae 2023 eo, ekar jako armej eo aorōk tata ilo mour eo aō. Jinō ekar aō kajoor, aō joor, bōtaab barāinwōt aō m̧ōjņo. Ilo iien jab in, ekar jako aō etal n̄an jar kōnke ikar jerbal aolep raan, ekoba Jabōt ko im raan in kakije ko an kien, im ward eo aō ekar kweilo̧k ilo 8:00 jibbon̄. Juon iien, bar juon . . . im ekar erom juon jekjek enana.

Ke jinō ekar mej, ikar kile ikar jan̄in de koortokjān iien ko aō kar ippān. Ikar jino ajļo̧ke aō kar jab joļo̧k jerbal eo aō n̄an joļo̧k eļap iien ippān mama ālkin stroke eo an ilo M̧aaj 2020 eo. Liin ekar bar mour jilu iiō ko, ak jān iien eo ekar emakijkij pād ilo jerbal, ij en̄jake bwe āinwōt ikar jab lukkuun kaorōk iien ko an āliktata. Juon en̄jake in bōd ekar kalibubu eō. Ilo ļōmņak eo aō, ikar pād ilo juon jekjek in jerbal: jerbal, iien taktō ko, kaoik jinō, kiki, im bar āliji. Ekar ejjeļo̧k ruum̧ n̄an bar juon men.

Ej iien eo ikar meļeļe m̧ool eo: Ekar jab bwe aō lōke Anij. Ikar kaorōkļo̧k aikuj ko aō ilo kanniōk jān kō aō ilo mour in jetōb.

Ijo ke jako eo an jinō ekar kepaakeļo̧k eō n̄an Irooj bar juon alen. E ekar erom aō jipan̄. Ilo E, ikar lo aenōm̧m̧an im iakwe eo ikar aikuji n̄an ņa mejļan būrōm̧ōj. Ikar idajon̄jon̄e eō 2024 eo n̄an jino etal n̄an kweilo̧k in kwojkwoj eo aolep iien.

Kōn kōketak eo an boss eo aō, ikar kobaļo̧k ilo Puurai ward eo ilo jino in 2024 eo. Ijo, kar karuwaineneik eō kōn jouj im aolep iien ettōn̄ dikdik an membōr ro. Ekar erom jikin kone eo aō aolep Jabōt. An ļapļo̧k aō kar etal, ekar ļapļo̧k aō en̄jake iakwe eo an Jemādwōj Ilan̄ kajoorļo̧k. Ekar iien eo ikar jino lukkuun bar ļōmņak kōn men ko raorōk tata ilo mour eo aō.

Aaet, jej aikuj jerbal im wōņāād n̄an mour, bōtaab ikar jino in en̄jake m̧ōk ilo en̄jake, ānbwin, im ļōmņak. Ej iien eo bisop eo aō ekar jiron̄ eō kōn Sister Tararaina Mana, juon mijenede ej jerbal in jipan̄ im career coach ilo ward eo am. Ekar ba imaron̄ kweilo̧k ippān eļan̄n̄e ikar kōņaan. Ekar m̧ōkaj an itok limoū Ikar jerak iaļļap im jab jeļā ta eo n̄an kōm̧m̧ane.

Ilo Jabōt, 2 raan in Juun 2024 eo, ikar kōm̧m̧ane coaching session eo aō ippān liin. Kweilo̧k eo im̧aan tata ekar lukkuun oktak jān ta eo ikar kōtmene. Ikar ļōmņak enaaj kar āinwōt raan eo jinoin tata ilo jikuuļ ijo kwoj bōk juon jerbal pedped ioon degree ko am̧, bōtaab ekar lapļo̧k jen jon̄an in! Ej kab kein kajuon, juon ekar jiron̄ eō kajjitōk ko me raar lukkuun kōn n̄a. Eļapļo̧k jān academic background eo aō, coach eo aō ekar pedped ioon aikuj ko aō, kōtmene ko aō—n̄an, baj likiti.

Kōm kar jino kaminene ko me ekar jab bwe aō meļeļe ilo jino in. Kōm kar jino kōn “Etke.” Kam̧m̧oolol n̄an kamminene ko, ikar jino kam̧wilaļ aō ļōmņak kōn kōttōpar ko aō im visōn eo aō kōn mour. Ikar bar lo eō make. Ikar katak n̄an ron̄jake eō make, n̄an jeļā eō make, n̄an lōke eō make. Ikar kile bwe ikar meļo̧kļo̧k wōn eo kar n̄a. Ikar kōtļo̧k bwe n̄a make in obrak kōn aikuj ko an kanniōk im kōtmene ko an jukjuk in pād.

Jukjuk in pād ekar kwaļo̧k juon jekjek ilo kōj: ekkatak, diploma, jerbal em̧m̧an, em̧, waan ettōr, innām baam̧ļe. Bōtaab m̧ool eo eļapļo̧k an lāj. Mijak, pere, im inepata kōn aikuj jiddik ko kar bōk jān eō eddōkļo̧k in jetōb eo aō.

Rainin, oktak eo ikōtaan wōn kar n̄a tōre eo im wōn n̄an kiiō eļap an oktak. Jān Jeptōba 2024 n̄an Eprōļ 2025, ikar bōk elōn̄ jerbal jiddik ko n̄an wiaik aikuj dikdik ko aō ilo coaching eo letok n̄an eō ellowetak im kar katakin eō kipel. Ikar kōņaan ejaake iien ko rem̧man n̄an n̄a make, kōn menin ikar rejijtōr n̄an jilu exam ko rooktak jān doon: rilale kalbuuj, professional tourism qualification, im SEFI (juon local employment agency) kaminene būrookraam̧

Kam̧m̧oolol n̄an tōmak eo aō ilo Anij, kijin̄en̄e eo aō, im coaching session ko aō, ij kiiō kabwijer juon professional qualification ilo tourism. Ikar pass entry exam ko n̄an eddo an rilale kalbuuj im ij kiiō pād ilo "Business Creator and Manager" kaminene eo, juon būrookraam̧ epen um̧win jilu-allōn̄ ko. Iien ko rem̧m̧an rej peļļo̧k n̄an n̄a!

Ilo juon jekjek aō make, ij kiiō kejekļo̧kjeņ kōn pukot eo m̧ōtta indeeo, juon eo n̄an kalōk baam̧le eo aō indeeo ippān. Likūt Kraist ilo ioļapļap in mour eo aō ekar erom juon kāālet alikkar im make.

Coaching ewōr juon an jelet ekajoor ilo mour eo aō. Ilo an kar jab kōm̧m̧an session ko, imaron̄ kar jebwābwe wōt - po ilo mijak, pere, im jabwe lōke ilo n̄a make. Rainin, ijeļā ta eo ikōņaan. Ij pojak in wōnm̧aanļo̧k. Im āliktata imaron̄ ba bwe eutiej būruō kōn n̄a im iaļ eo ikar etetal ie, jekdo̧o̧ņ n̄e ekar obrak kōn mālijjon̄.

Kōn an Irooj pād ituru im im̧we armej ro āinwōt coach eo aō, ijeļā ia eo ij jibadōkļo̧k. Ilukkun kijooror n̄an an wōr juon aō jerbal bwe in maron̄, kōro̧o̧lļo̧k im kam̧m̧oolol ro raar jipan̄ eō ke ekar ejjeļo̧k jabdewōt ippa. Elukkuun in aorōk menin n̄an n̄a.