“Jerbal in Jipan̄ Āinwōt Kraist Ekar Kōmeraik Bōro ko, Ekar Kōpeļļo̧k Aor ko ilo Corsica,” Liaona, Jān. 2026.

Jerbal in Jipan̄ Āinwōt Kraist Ekar Kōmeraik Bōro ko, Ekar Kōpeļļo̧k Aor ko ilo Corsica

By Shaun Stahle

Māākijiin ko an Kabun̄ in

Leļo̧k jipan̄ n̄an ro rej jokwe ijo ilo jabdewōt wāween rej maron̄, mijenede ro n̄an Mediterranean island kar kije n̄an karuwaineneik armej ro n̄an itok n̄an Kraist.

Mayor eo an Bastia ekar kanooj jeļā bwe mijenede ro rej jutak im̧aan mejān raar rilikin. Etke, ekar ļōmņak, likao rein raar itok jān laļ ko jet im jipan̄ armej ro an ioon ān en Corsica?

Ālkin bōjrak jidik, ekar bōk jipan̄ eo aer im idajon̄jon̄e er n̄an etal ilo jibbon̄ tata raan eo tok juon n̄an unoik hotel jidikdik eo an.

M̧ool n̄an kallim̧ur eo aer, likao ro raar tōparļo̧k ilo 7:00 jibbon̄, kijerjer im pojak n̄an kadedeļo̧k hotel eo an Mayor eo ioon ānin ekan̄ōltok ilo m̧alo in France ilo Mediterranean Sea.

Ke mayor eo ekar itakļo̧k ilo hotel eo tokālik ilo raan eo ekar lo an mijenede ro kab de jerbal ium̧win det, “ekar bwilōn̄ n̄an loe kōm ijo,” Jake Lowry ekar ba, juon iaan mijenede ro ekar jerbal ilo iien eo.

Ļo̧kjen an kōn m̧ōņōņō eo aer n̄an kōm̧m̧ane jerbabl eo epen n̄an jijpan̄ armej ro rekar jab jeļā kajjier, mayor eo ekar meraļo̧k an kapen būruōn im “kar kajjitōk ippām n̄an jijet im ba n̄an e ta eo kōm kar aikuji,” Brother Lowry ekar ba.

Mijenede ro rekar kwaļo̧k gospel eo im kwaļo̧k ekōjkan an jibadbad eo aer kar kōjeraam̧m̧an armej ro ilo ānen Corsica. Rekar bar keememej apan̄ ko aer ilo kappukot juon jikin jokwe kōnke armej ro ijo jokwe ie raar m̧ōk kōn rilikin ro. Jejjo allōn̄ ko im̧aanļo̧k, aolep mijenede ro raar kōm̧akūt er jān āneo kōn wūn ko ikkijien jokane. Bōtaab elder rein rekar kiiō bar kōpeļļo̧ke n̄an jerbal in mijenede.

Mayor eo eaar ron̄jake elder ro. “Ilo jibbon̄ōn eo tok juon,” Brother Lowry ekar ba, “ļein ekar lo juon jikin jokwe em̧m̧an n̄an jokwe n̄an kōm im kar je juon naan jouj”

Joteen eo, ālkin am deļo̧n̄e jikin jokwe eo am ekāāl, “ruo rijerbal ro em̧m̧an idieer jān opiij eo an mayor raar bōjraktok n̄an iak-iakwe kōm im jiron̄ kōm bwe kōm kar ruwainene im jokane ilo jikin kweilo̧k eo,” Brother Lowry ekar ba.

Juon men ekar waļo̧k ilo juon tōre ejjab to, mayor eo im lio pāleen raar jino kobatok ilo kweilo̧k ko ilo Jabōt ippān branch eo, ekar em̧m̧an ippāerro al alin jar ko. Ejjab to lio ippān mayor ekar peptaij.

Epojak Bwidej eo

Jān ijjino kein repidodo ilo 1900 ko, Kabun̄ in ekar ijino ioon ānin ebun̄bun̄ āinwōt jikin ļotak eo an Napoleon Bonaparte. Jerbal in mijenede ejjab to ekar jebar. Ālkin jilu allōn̄ ko, elōn̄ļo̧k jān 40 armej ro raar etal n̄an iien jar ko ilo Jabōt ilo juon jikin kweilo̧k eo aiboojoj kar karōke jān mayor eo.

“Erreilikļo̧k, jemaron̄ in loe bwe pein Irooj ekar kein kam̧ool eo ilo iien in im wun ko kōn kajutak Kabun̄ in ilo ānen Corsica,” Richard W. Thatcher ekar ba, kar mijen būreejtōn eo an France Marseille Mission, kiiō ej France Lyon Mission.

Bōtaab ilo jino in pukot tōprak eļap ilo jerbal in mijenede ioon ān in ekar jab pidodo. Kijejeto ko im̧aan tata n̄an likut mijenede ro kar jelm̧ae kōn jum̧ae im kamijak in kauwōtata. “Ekar wōr jidik en̄jake in anti-France jān armej in Corsican ro ekar ļapļo̧k ilo jino in 1990 ko,” Brother Thatcher ekar ba.

Lukkuun armej in Corsica ro raar kwaļo̧k aer jab m̧ōņōņō kōn rilikin ro kōn aer kōm̧m̧an baam̧ ko jen m̧ōko n̄an kakkure pejnej ko im men ko m̧weien rilikin ro. “Ejjab ekkā an waļo̧k, kar Elder Darin Dewsnup ekar ba, “n̄an ron̄ elōn̄ kein kabbokļo̧k ko aolep raan ilo jikin kweilo̧k eo. Kōm kar jab armej in France, bōtaab kōm bar jab armej in Cosica.”

Kar kakkōl mijenede ro kōn kauwōtata ko, im ke juon baam̧ ekar bōkkoļo̧k ilo peļaak ko aer, emen mijenede ro raar pād ioon ān in raar etal n̄an bar juon m̧ōttan mijen eo ilo eoon āne in France.

“Mijenede ro am raar jab bar pād ioon aelōn̄ eo,” Brother Thatcher ekar ba, bōjrak jidik in ekar juon iien em̧m̧an n̄an katak im eddōkļo̧k.

Jerbal in Jipan̄ Āinwōt Kraist Ekar Uwaak eo

N̄an em̧m̧anļo̧k meļeļe kōn jibadbad ko an lan̄, mijenede ro raar kallim̧ur n̄an ekkatak kōn mour eo im jerbal in karejar eo an Rilo̧mo̧o̧r n̄an katak em̧m̧anļo̧k iaļ ko An. Raar ekkatak kōn m̧akutkut in jerbal in jipan̄ ko An im meanwōd eo, eo ekar kitbuuj naajdik im kemour im iakwe. Raar ba bwe jerbal in jipan̄ ekar aorōk n̄an bōk lōke eo an armej ro im jerbal ilo wāween eo an Irooj.

Kōn juon bar mije ekāāl n̄an jerbal, kar jilkinļo̧k jilu mijenede ro n̄an bar kōpeļļo̧k jerbal eo ilo Corsica M̧aaj in 1992 eo. Ilo iien in, kar jikinļo̧k er n̄an ān eo kein karuo ļap tata jikin kweilo̧k, Bastia. Ijōņ raar ņa mejļan n̄an kweilo̧k ippān armej ro ilo juon wāween em̧m̧an ijello̧kin kōļļaļļaļ ilo kōjām ko, eo jet iien ekar kōm̧m̧an an armej ro jokwe ilo mijak.

Jar ko Am Rekar Uwaak. Kōm kar kile bwe jerbal in jipan̄ emaron̄ kwaļo̧k m̧ool eo ad n̄an jukjuk in pād eo im kōmeraik buruōn armej ro me raar jum̧ae rilikin ro,” Brother Thatcher ekar ba.

Mijenede ro rekāāl raar kwaļo̧k kadkadier make n̄an armej ro ilo leļo̧k jipan̄ ilo jabdewōt wāween remaron̄e. Rekar kalbwin ine in jikin kallib ko an baam̧le, kōm̧m̧ane wa ko, im n̄an jipan̄ Mayor eo, rekar uooke hotel eo an. Rekar bar kōm̧m̧an jemjerā ko, im kar kam̧m̧oolol kōn kijejeto ko aer. Raar iien otemjej kajitūkin er n̄an jijjet im idaak “limonata” (lemonade) im n̄an “kwaļo̧k n̄an kōm kōn kabun̄ eo ami,” Brother Thatcher ekar ba. Ejjab etto, “m̧weie ko ad raar lukkuun oktak.”

Juon armej eo kar jakeļo̧k im̧aan tata ekar tōlļo̧k n̄an peptaij eo an Lota baam̧le, eo ekar tōlļo̧k n̄an bar juon armej. Ke mijenede ro raar deļo̧n̄e m̧weoim̧ōn rikkatak eo, jinen baam̧le eo, eo im etto an jar n̄an jeļā m̧ool eo, “kar bukwelōlō im jan̄ im kam̧m̧oolol Irooj kōn an uwaake jar ko an.”

Kakobaik juon Kōtaan

M̧okta jān aer jerbal ilo Bastia, mijenede ro raar jipan̄ ilo lukkuun aujpitōļ eo an Catholic, ijoke monsignor eo ej eddoin aujpitōl eo ekar makoko kōn jerbal in jipan̄ eo aer ke ekar jeļā kōn kabun̄ eo aer. Ekar jab kōņaan bwe ri Christian ro reoktak tōmak ko aer ren jipan̄ ilo aujpitōl eo.

Jet allōn̄ tokālik, ilo Māe 1992, juon jikin ilo juon ian jikin ikkure soccer eo ekar jorāān ilo juon iien ikkure in kapok champion, 19 armej ro rekar jako im kar bokļo̧k taujin armej ro rekar lukkun joreen n̄an aujpitōl.

Rijerbal in aujpitōl ro rekar jab maron̄ e jon̄an armej ro. Rialooj ro rekinejnej raar kobrak ruum̧ ko im aolepen jikin diwōj deļo̧n̄ ko. Jet rekar kelo̧k n̄an mainland France n̄an taktō. Monsignor eo, eo ekar lukkuun aikuj jipan̄, kar kemeemej e juon kaat mijenede ro raar likūti im ekar call e er n̄an jipan̄.

Ilowan 36 awa remootļo̧k, mijenede ro rej ettōr to ettōrtak jen tebōl n̄an tebōl, jipan̄ elōn̄ kain jerbal in jipan̄ an emergency, āinwōt katoto IV, leļo̧k kein jerbal ko n̄an kabōjrak bōtōktōk, karreo ruum̧ ko, im leto-letak ro rejoreen. Rekar leļo̧k kōjeraam̧m̧an ko an priesthood n̄an membōr in branch eo raar ikinejnej ilo joreen eo.

Ke monsignor eo ekar loe kijejeto ko an mijenede ro, ekar kur er ippān doon im tōl er ilo aolepān im̧ōn taktō eo, jiron̄ rinan̄inmej ro bwe mijenede raar em̧m̧aan in Anij im kōm̧m̧an bwe ren leļo̧k kōjeraam̧m̧an ko n̄an ro rekar joreen.

Brother Thatcher ekar ba: “Kōm ekar bōk nebar im kautiej jen juon eo eutiej an bukwōn eo im juon mālim an kabun̄ in eaorōk ikijen jerbal in jipan̄ eo ad.” Ekar kemeraik bōro ko im kar jipan̄ joļo̧k makoko ilo jukjukinped eo, ļeo ear ba. “Eaar lukkuun aorōk n̄an tōprak in jerbal in ito-itak im kwalo̧k eo ad.”

Jason Soulier, būreejtōn eo an Franch Lyon Mission ilo 2024, ekar ba: Rainin, kabwilōn̄lōn̄ kōn eddōkļo̧k ej wōnmaanļo̧k wōt ilo Corsica, jekdoon abulōn̄lōn̄ ko. Ilo 2024, 14 membōr in Bastia Branch rekar ito-itak n̄an Paris France Tampeļ eo n̄an kōm̧m̧ane elōn̄ raan ko in jerbal in tampeļ, kurup eo ekileptata n̄an etal jān aelōn̄ in Mediterranean n̄an juon tampeļ. Kōn jipan̄ eo an mijenede ro rerūtto rej jerbal aolep raan im ļalem elder im sister ro, Irooj eaar wōnmaanļo̧k wōt in kōjeraam̧m̧an aelōn̄ aiboojoj in kōn ro rekāāl rej oktak tok.”