“Eo M̧ōttam̧ Itok, Ļoor Eō,” Liaona, Jān. 2026.
Eo M̧ōttam̧ Itok, Ļoor Eō
Kein katak eo an iiō in ej kobaik juon pija kāāl im ej kam̧wilaļļo̧k kōļmenļo̧kjeņ ko am̧ kōn Kallim̧ur M̧okta.
I Will Surely Deliver Thee [Em̧ool Inaaj Lo̧mo̧o̧ren Eok], jān Eva Timothy, maron̄ jab kape
En kar ke em̧m̧an eļan̄n̄e, ilo am̧ riiti jeje ko rekwojarjar, ej aolep iien wōr juon m̧ōttam̧ eo ej jijet turum̧, pinniki eok? Bōlen juon eo me ej iakwe jeje ko rekwojarjar im ej kanooj in elem̧ōņōņō bwe kwoj riiti er, emaron̄ juon eo eban dāpij an ellowetak. Jān iien n̄an iien eo m̧ōttam̧ ej ba men ko āinwōt, “ta m̧ōttan jab eiō ejjab kabwilōn̄lōn̄ ke?” “Ta am̧ ļōmņak kōn eoon ko?” “O, ekwe in̄ak, ejja āinwōt mour ko ad, kwoj ke ļōmņak?” Eļan̄n̄e kwar bōjrak ak pok kōn juon eoon epen, eo m̧ōttam̧ emaron̄ in ba juon men āinwōt, “Ekwe, en̄in juon wāween n̄an kalimjōke. Ejipan̄ ke?”—men̄e emaron̄ jab kanooj kwaļo̧k jabdewōt meļeļe ko rejipan̄. Ej juon m̧ōttam̧, wōt.
Itok, Ļoor Eō ej āinwōt eo m̧ōttam̧. Jibadbad eo an ej n̄an jipan̄ eok bōk juon en̄jake ekabwilōn̄lōn̄ riiti jeje ko rekwojarjar. Emaron̄ kwaļo̧k n̄an eok eoon ko me renaaj jipan̄ eok kalōk tōmak eo am̧ ilo Jemādwōj Ilan̄ im Jisōs Kraist—innām emaron̄ jipan̄ eok kobaik eoon ko n̄an men ko me rej waļo̧k ilo mour eo am̧. Emaron̄ jipan̄ eok kōn kajjitōk ko ewōr ippam̧, bōtaab emakijkijļo̧k, Itok, Ļoor Eō enaaj kajjitōk ippam̧ kajjitōk ko ijello̧kin uwaaki—kōnke eo m̧ōttam̧ elukkuun em̧m̧an ejjamin ko̧o̧te jān eok em̧m̧an eon lo m̧ool ko ilo jetōb n̄an kwe make.
Itok, Ļoor Eō emaron̄ kōm̧m̧ane aolep men kein rem̧m̧an jabdewōt iien kwoj riiti jeje ko rekwojarjar. Aaet, jekdo̧o̧n ilo am̧ riiti Kallim̧ur M̧okta ilo iiō in.
Ilo kakkobaba n̄an kam̧wilaļļo̧k kajjitōk ko am̧ im ļōmņak ko an m̧akūtkūt, kwonaaj lo kein jipan̄ ko jet rejipan̄ ilo Itok, Ļoor Eō. Erkein rej jejjo:
Tukadu in Kallim̧ur M̧okta
Epaakeļo̧k jino in 2026 ko Itok, Ļoor Eō, kwonaaj lo tukadu in meļeļe eo ilo juon kein alooj kōn Kallim̧ur M̧okta. Ej āinwōt juon laajrak in iien me ekitbuuj etan rikanaan ro, kiin̄ ro, im men ko jet raorōk. Menin ekanooj jipan̄ kōnke bok ko ilo Kallim̧ur M̧okta rejjab aolep pād ilo juon karōkan eo ejetjet. Tukadu in meļeļe eo emaron̄ kwaļo̧k n̄an eok, n̄an waanjon̄ak, ia eo jeje ko an rikanaan ro ko āinwōt Aiseia im Jeremia rej jejjet n̄an bwebwenato eo an Aelōn̄ in Kiin̄ eo an Juda. Kwomaron̄ lo ilo bwebwenato ko an Daniel im Ester rejejet n̄an pija ko ilo reļļapļo̧k an Kallim̧ur M̧okta. Eļan̄n̄e kwonaaj en̄jake am̧ tarpok ilo Kallim̧ur M̧okta, oktakļo̧k n̄an “Tukadu in Meļeļe ko an Kallim̧ur M̧okta” n̄an kajim̧we eok.
Pija Kāāl
Jon̄oulruo pija ko rekāāl kar kōm̧m̧ani n̄an iiō in Itok, Ļoor Eō. Jet m̧ōttan ko rōm̧m̧an ekoba:
-
Enoch Sees the Meridian of Time [Inōk ej Lo Io̧ļapļap in Iien eo], jān Jennifer Paget, juon kakōļļeen in visōn eo an Inok kōn katok eo an Rilo̧mo̧o̧r (lale Moses 7).
-
Stand as a Witness [Jutak āinwōt juon Kam̧ool], jān Kwani Povi Winder, m̧ōttan eo em̧m̧an “leddik ri kamakoko” eo me naan in kam̧ool eo an ekar tōl ļo̧k n̄an juon kabwilōn̄lōn̄ eļap (lale 2 Kiin̄ Ro 5).
-
I Have a Great Work to Do [Ippa Ewōr juon Jerbal Eļap n̄an Kōm̧m̧ane], jān Tyson Snow, pija in Nihimaia an kōttōpar n̄an bar kalek oror ko an Jerusalem, mekarta jum̧ae jān rikijdat ro an (lale Nihimaia 4).
-
I Will Surely Deliver Thee [M̧ool Inaaj Lo̧mo̧o̧rōm̧], jān Eva Timothy, juon pija in Jeremaia ke kar bōklōn̄tak e jān juon ro̧n̄ jān Ebedmelek, juon ri Itiopia (lale Jeremaia 38–39).
“Ļōmņak ko n̄an Kōļmenļo̧kjeņ kake”
En emakijkij jān iien n̄an iien, laajrak in iien eo an ekkatak unin tōl eo an wiik otemjeļo̧k ej Itok, Ļoor Eō ej bōjrak n̄an “Ļōmņak ko n̄an Kōļmenļo̧kjeņ kake.” Errein rej ekkatak ko repidodo kōn unin katak ko āinwōt bujen ko, katok, aiintok Israel, im bwebwenato ko ilo Kallim̧ur M̧okta. “Ļōmņak ko n̄an Kōļmenļo̧kjeņ kake” ej letok kobban bwebwenato ko, kejekļo̧kjeņ ko raan kein āliktata, im ļōmņak ko rōm̧m̧an me remaron̄ kōm̧m̧an aer pidodo n̄an bōk tōmak ilo wāween ekkatak Kallim̧ur M̧okta.
Āinwōt ilo iiō ko lo̧k, Itok, Ļoor Eō ejjab juon men bajjōk n̄an am̧ ekkatak. Ej juon m̧ōttam̧ eo ejipan̄ ilo am̧ ekkatak naan an Anij ilo jeje ko rekwojarjar. En̄in ej ta eo ro m̧ōttad rej āinwōt.