“Elmen Aō Maron̄ Ellotaan?,” Liaona, Jān. 2026.
Pija ko kōn Tōmak
Elmen Aō Maron̄ Ellotaan?
Em̧m̧akūt eo kein kemān am āinwōt juon baam̧le ejipo̧kwe ekar eo ekanooj pen. Ak kōm kar dāpij wōt aen in dāpdep eo kōn juon jeļā bwe Irooj ej kōm̧akūt kōm̧ m̧aanļo̧k n̄an juon jekļaj eo em̧m̧anļo̧k.
Ilo fall in 2019 eo, iaar tōkeāktok ilo Spain ippān ajri ro nejū, Aaron 8 an iiō im Jorge 17 an iiō, eo ewōr an nan̄inmej in autism. Kōn ejjeļo̧k m̧weiū ippa, ikar jirok dim n̄an Anij im lukkuun lōke E.
Juon ri Sameria eo em̧m̧an ekar karuwaineneik kōm n̄an m̧weo im̧ōn, ijo kōm kar pād ie iuwm̧win ruo wiik. Bōtaab kōm̧akūt Jorge jān ijo eminene kake ekar jab pidodo. Kōnke kōn jekjek eo an, ej ļoor iminene ko rein juon. Bon̄ōn ko jinoin, ekōn no dipin m̧weo, im ekōn m̧ōkaj aō jerkak n̄an bōbrae an karuj ro jet. Iaar bukwelōlō iturin im jar, keememej Aiseia 41:10: “Kwōn jab mijak, bwe N̄a ippaṃ; kwōn jab lōḷn̄ọn̄, bwe N̄a aṃ Anij; Inaaj kakajoor eok, aet, Inaaj jipañ eok; aet Inaaj bọur eok kōn pein anmooṇōn wānōk eo Aō.”
Ilo jem̧ļo̧kin wiik eo kein karuo am̧ ilo Spain, kōm kar tōkeākļo̧k ilo m̧ōnjar eo ke ej pojak in jem̧ļo̧k kweilo̧k in kwojkwoj eo. Iaar jibadekļo̧k juon jiron̄ eo ekar pād ippān ajri in Būraimere ro im ikar kōmeļeļeik bwe ikar juon membōr in Kabun̄ in ak jaje kajjien jabdewōt. Liin ekar kwaļo̧k kajjiem n̄an membōr ro jet.
Raan eo juon city council eo an Zaragoza ekar bōk kōm āinwōt rijipo̧kwe ro im kar kōdeļo̧n̄ kōm ilo juon abaatmen eo ejjeļo̧k dān ak jarom. Bisoprik eo, Doulul eo an Kōrā ro, im doulul eo an em̧m̧aan ro jān ward eo kōmij jar ie raar itok n̄an jipan̄ kōm kōn ko̧o̧j meņeņ ko, m̧ōn̄ā ko me rejjab aikuj kōmāāņeņ, nuknuk in m̧ōļo ko, im menin aikuj ko jet.
Ajri ro nejū raar jino jikuuļ, im iaar jino juon kooj in kamminene. Awa in m̧ōn̄ā ko rekar apan̄ n̄an Jorge, eo ekkā an m̧ōn̄ā ilo raelep leplep. Tutor eo an ekar ba n̄an eō ke jekdo̧o̧n wōn eo ej rūkaki, n̄e ejjejjet raelep, enaaj bōk m̧ōn̄ā eo kijen im jino m̧ōn̄ā.
“Inaaj Bar Jitlo̧k”
Em̧m̧akūt eo kein kemān am ekar āinwōt juon mālijjon̄ ekanooj pen. Iaar jar bwe in kajoor wōt bōtaab ekar ekkā aō lo aō make jan̄. Ium̧win wiik ko, iaar kiki ruo ak jilu wōt awa ko ilo juon bon̄. Ālkin jet raan in kappok jerbal, iaar jeraam̧m̧an n̄an lo juon jerbal in kōjparok n̄an juon kōrā em̧m̧an ded eo ewōr an terminal brain cancer. Ālkin kajjojo iien jerbal, ikar ektake ajri ro nejū, kar jipan̄ er kōn katak ko aer, innām kōm̧m̧ani homework in kamminene ko aō.
Iaar kōjparok kōrā in em̧m̧an ded ium̧win juon iiō, m̧ae iien liin ekar mej ke ej 48 an iiō, jako jān ajri ro ruo nejin reddik. Jekjek eo an ekar im̧we eō n̄an kajjitōk ippan make, “Elmen aō maron̄ ellotaan?” Kōjparok e ekar kabwe aikuj ko am im kar kobrak aolepān aō kōn kam̧m̧oolol n̄an Jemādwōj Ilan̄.
Kajjojo raan ilo m̧weo kōmij riiti jeje ko rekwojarjar, jar, im ejaake iminene ko n̄an em̧m̧an eo an Jorge. Ilo jinoin 2024 eo, kōm kar jino m̧aanjabpopo n̄an etal n̄an Madrid Spain Tampeļ. N̄an epaakeļo̧k Jemādwōj Ilan̄, ikar en̄jake bwe kōmij aikuj jitlo̧k āinwōt juon baam̧le. Aaron ekar errā, im jibbon̄on eo tok juon Jorge ekar ba n̄an eō, “M̧am̧a, rainin inaaj bar jitlo̧k.” Ekar juon iien eo ekam̧ōņōņō.
“N̄an epaakeļo̧k Jemādwōj Ilan̄ ke kōm kar jino m̧aanjabpopo n̄an etal n̄an Madrid Spain Tampeļ, ikar en̄jake bwe kōmij aikuj in jitlo̧k āinwōt juon baam̧le,” Yesmin ekar ba. “Jorge ekar ba n̄an eō, ‘M̧am̧a, rainin inaaj bar jitlo̧k.’ Ekar juon iien eo ekam̧ōņōņō.”
Jān tōre eo kōm kar loļo̧k tampeļ eo, ekar kanooj in em̧m̧anļo̧k an Jorge mour. Eļapļo̧k an pidodo an ļoor jikejuuļ eo an. Ilo Jadede ko ej kōpooj nuknuk ko an bwe en maron̄ pojak n̄an ajije kwojkwoj eo ilo Jabōt. Ekar barāinwōt kanooj ļapļo̧k an eddōkļo̧k ilo ekaktak ilo jikuuļ.
Rainin kōmij kake aikuj ko am make, rie jān juon Jemādwōj Ilan̄ eo em̧m̧an. Jisōs Kraist ekar kotak kōm jān bwidej in upaaj (lale Aiseia 61:3). Jān kōļļā juon m̧ōttan jon̄oul eo am, kōm kar bōk ebooļ kōjeraam̧m̧an ko. Kōmij dāpij wōt aen in dāpdep eo (lale 1 Nipai 8:24, 30; 11:25; 15:23) kōn jeļā bwe kōmij wōnm̧aanļo̧k n̄an juon jekļaj eo em̧m̧anļo̧k.