Ke Lan̄ Ekar Letok Ek

Eta in Peteru Momoe (Elder Birita), im ikōņaan kwaļo̧k juon bwebwenato me ekar katakin eō ekōjkan an Jemādwōj Ilan̄ uwaaki jar ko—ejjab baj wōt n̄an kōj, ak kōn kōj.

Juon raan, jikin kakkoņ m̧ōn̄ā eo am ekar epaak an maat kobban. Ekar wōr kijem rice, bōtaab ebar ejjeļo̧k jabdewōt. Ikar bukweļōlō ilo jar im kajjtōk ippān Jemādwōj Ilan̄ n̄an kakke aikuj ko am. Eļap tata, ikar kajjitōk kōn ek - eļem waan bōtaab ekauun̄ dikpen n̄an m̧ōn̄ā eo kijem. Ikar lōke bwe E enaaj kar kakke, bōtaab ejjeļo̧k aō jeļā ekōjkan An naaj kar kōm̧m̧ane.

Tokālik ilo raan eo, ke ikar jijet inam̧ōj in m̧weo im̧ōm, juon em̧m̧aan ekar etetal tok turu ineek juon pāāk eobrak kōn ek. Lio pāleō ekar kwaļ kōnno ko epaakeļo̧k oror eo ke, ejidimkij, pāāk eo ekar potak im ekar wōtlo̧k ek ko n̄an ioon bwidej. Em̧m̧aan eo ekar alikkar an inepata, bōtaab lio pāleō ekar mōkaj an leļo̧k n̄an lein juon pāāk kāāl. Kam̧m̧oolol kōn jouj in an liin, lein ekar lōke liin kōn ek ko ke ekar ilo̧k in pukot būratōr ro an n̄an jipan̄.

Ke em̧m̧aan eo ekar ro̧o̧ltok, ekar leļo̧k n̄an lio pāleō ruo ek eļļap āinwōt juon kakōļļe in kam̧m̧oolol. Jekar lukkuun m̧ōņōņō! Ekar jab wōt wōr kijem ek n̄an m̧ōn̄ā eo kijem, ak ekar bwe n̄an am ajej. Ikar en̄jake im̧we n̄an bōk jidik in ek eo n̄an juon m̧ōtta eo ekar ejjeļo̧k an jerbal im ekar kakkōt n̄an kakke n̄an baam̧le eo an. Ke ikar jikrōkļo̧k ilo m̧weo im̧ōn, ikar lo bwe lio pāleen im ajri ro raar pād ilo aujpitōļ, im ekar jar kōn juon wāween n̄an naajdik er.

Māj ko mejān eo m̧ōtta raar obrak kōn kōmejaaļaļ ko ke ekar bōk ek eo. Ekar jiron̄ eō bwe lio pāleen ekar kōm̧at kadede mā n̄an m̧ōn̄ā eo kijier, ak kiiō remaron̄ naaj kobaikļo̧k ek n̄an e. Tokālik, ikar ron̄ bwe lio pāleen ekar ajeji jidik in ek eo ippān juon eo emej ļeo pāleen im ajri ro ruo nejin renan̄inmej ilo aujpitōļ. Liin emej ļeo pāleen ekar barāinwōt jar kōn m̧ōn̄ā, im Anij ekar uwaake jar eo an kōn jouj eo an ro jet.

Ke ikar kōļmenļo̧kjeņ kōn kōllaajrak in iien ko, ikar lutōkļo̧k kōn iakwe eo an Jemādwōj Ilan̄. E ekar jab uwaake wōt jar ko aō kōn ek ak ekar barāinwōt kōjerbal eō n̄an uwaake jar ko an eo m̧ōtta im lio emej ļeo pāleen. Ekar juon kakeememej ekajoor bwe Anij emakijkij an jerbal ilo kōj n̄an kōjeraam̧m̧an ro jet. Ilo naan ko an Rilo̧mo̧o̧r, “N̄an eo raar likūt elōn̄ ippān, renaaj korļo̧k aer kajjitōk ippān” (Luk 12:48).

En̄jake in ekar katakin eō bwe iakwe eo an Anij ejjab wōr jon̄an n̄an aikuj ko ad kajjojo. E ej lo pija eo ekilepļo̧k im kōjerbal kōj āinwōt kein jerbal ko ilo Pein n̄an kōjeraam̧m̧an ajri ro Nejin. Jān kar raan eo, ikar kōm̧m̧ane juon imminene n̄an jar ejjab wōt kōn aikuj ko aō make bōtaab n̄an aikuj ko an ro ipeļakū. Em̧ōj aō kar lo ekōjkan an Anij bōk juon jar eļem waan—āinwōt kajjitōk eo aō kōn ek—im ukōte n̄an juon kabwilōn̄lōn̄ me ekar jipan̄ elōn̄ mour ko.

Ij kam̧ool bwe Jemādwōj Ilan̄ im Jisōs Kraist rej jeļā kōn apan̄ ko ad im aikuj ko ad. Rej ron̄ jar ko ad, im Rej uwaaki ilo wāween ko me ej kōkajoorļo̧k tōmak eo ad im kōjeraam̧m̧an ro jet. Jen aolep iien m̧ōņōņō in jerbale im̧we ko jej būki, jeļā bwe jemaron̄ in kein jerbal ko ilo pein Anij n̄an kwaļo̧k iakwe eo An n̄an ajeji m̧weiuk ko ippān ro ipeļaakid.

Elder im Sister Birita rej kiiō jerbale juon mijen an rūtto ilo Nabeina Branch, Nabeina North Tarawa, Tarawa, Kiribati Island.