Ekkal Ioon Ejm̧aan eo: Kemour Lukkuun Piktokin Armej eo Kōn Kwojkwoj eo

“Iien ko jekar jab jeļā kaki rej kūr jon̄ak ko jekar jab jeļā kaki.”

Ilo juon laļ eo obrak kōn jab lukkuun jeļā kake, naan ko an Būreejtōn Nelson rej deblo̧ke anikien ko rekawaron̄ron̄ āinwōt meram. Ekar leibjerjere kōj n̄an bōk eļapļo̧k bun̄tōn ko n̄an kōkajoorļok pedped in jetōb ko ad, jon̄an ko me jejjan̄in kar būki m̧okta. Kōnke n̄e mour ej lim̧ajiņoņo, jej aikuji eļapļo̧k jān jibadbad ko rem̧m̧an, jej aikuji juon pedped eo ej ekkal ioon Jisōs Kraist.

Hilamōn 5:12 ej kakeememej kōj:

“Keememej, keememej bwe ej ioon ejm̧aan in ad Ripinmuur, eo ej Kraist, eo Nejin Anij, bwe kom̧ij aikuj kalōk pedped ko ami; bwe n̄e devil enaaj jilkintok kōto ko an rekajoor, aaet, m̧ade ko an ilo aire, aaet, n̄e aolep wōt dekā im lan̄ rekajoor an renaaj bun̄it eok, enaaj ejjeļo̧k an kajoor ioom̧ n̄an kinōōrļo̧k laļļo̧k eok n̄an ron̄ in būrom̧ōj im wo ejjeļo̧k jem̧ļo̧kin, kōnke ejm̧aan eo kom̧ ar ekkal ioon, eo ej pedped em̧ool, pedped eo eļan̄n̄e armej rej ekkal ioon rej jamin bun̄.”

Keememej naan eo: “aikuj kalōk.” Pedped eo kar jab letok n̄an kōj; ej aikuj kijejeto, jibadbad, im jet iien, juon oktak ekkōmetak kōn ia eo jej jutak ie.

Jān m̧ool—kōto ko rekōmmetak. Rej itok ilo jekjek ko kōn inepata ikkijien jāān, nan̄inmej, jemjera ko rōjorrāān, pere ko kōn katak, ikūm̧kūm̧, im inepata. Rej kakkure kōj kōn kajoor ko āinwōt kajoor in hurricane im eļan̄n̄e jejjab emjak n̄an Kraist, remaron̄ kinōōr laļļo̧k kōj n̄an ron̄ in būrom̧ōj im wo ejjeļo̧k jem̧ļo̧kin.

Kiin̄ Benjamin ekar katakin:

“Bwe armej ilo lukkuun biktokin ej rikōjdat n̄an Anij, im eaar jān wōtlo̧k eo an Adam, im enaaj, indeeo im indeeo, m̧ae an naaj kōtļo̧k e n̄an karreelel ko an Jetōb Kwōjarjar, im utūkļo̧k armej eo ilo lukkuun biktokin im erom juon rikwōjarjar kōn pinmuur eo an Kraist Irooj, im erom āinwōt juon ajri, ettā, ineem̧m̧an, ettā bōro, kem̧m̧aanwa, obrak kōn iakwe, m̧ōņōņō in ajeļo̧k e n̄an aolep men ko Irooj ej lo ekkar n̄an kaddoik ņa ioon, em̧ool āinwōt juon ajri ej ajeļo̧k e n̄an jemān” (Mosaia 3:19) (italics kar kobaiktok).

Ej lukkuun tariņae eo ilo mour in: ejjab n̄a ņae Setan, ak ej rikwojarjar eo ilo n̄a ņae armej ilo lukkuun piktokin eo ilowaō. Āinwōt an Liai kar katakin (2 Nipai 2:16), jej po jān rejet ko jim̧or. Jimettanū ej iakwe meram, eo juon—armej ilo lukkuun piktokin—ej jum̧ae.

Ilo tōre ko etto mennin mour ko kar bōktok n̄an tampeļ āinwōt jortak ko tūli. Ij lo menin āinwōt juon kakōļļe eo bwe jej aikuj bōk mennin mour eo ilowad. Āļkin Pinmuur eo An, Rilo̧mo̧o̧r ekar ba:

“Katok ko ami im katok kijeek ko ami naaj kōjjem̧ļo̧k i. . . . Im kom̧ naaj ajetok āinwōt juon katok n̄an Eō bōro e rup im jetōb ettā. Im jabdewōt eo ej itok n̄an Eō kōn juon bōro e rup im jetōb ettā, e Inaaj peptaiji kōn kijeek im kōn Jetōb Kwojarjar . . .” (3 Nipai 9:19–20)

Jibadbad eo an Pacific Eria 2025 ej karuwaineneik kōj n̄an kobaļo̧k n̄an kain̄i in kwojkwoj eo. Ej juon en̄jake ekwojarjar im ekemour ijo jej kōtoorļo̧k im kalbwin armej ilo lukkuun piktokin eo. Jar ko an kwojkwoj eo rej kakeememej kōj bwe pilawe eo im dān eo rej kōjeraam̧m̧an im kōkwojarjar n̄an jetōb ko ad ilo ad pokake kien ko an Jemād Indeeo.

Jejjo iiō ko remootļo̧k, lio pāleō im n̄a kar kakkōt ippān juon iaan YSA ro nejim. Juon tōre in iien ko rekar kōm̧m̧an bwe en maat am maron̄ ilo en̄jake. Ij keememej ilo ajļo̧k ke ikar ba, “Ejem̧ļo̧k n̄a. Ij bōjrak jān en̄jake eo an ‘ij kea,’” Ium̧win jejjo raan ko, ekar em̧m̧anļo̧k aō mour, jab eļļo̧k, dik aō inepata im ikar ļōmņak em̧ōj aō lo aenōm̧m̧an.

Bōtaab Jabōt ekar itok.

Ejjab to ikar riiti kōnono eo an Elder Peter F. Meur ilo 2016 Kweilo̧k eo eļap, “Kwojkwoj Eo Emaron̄ Jipan̄ Kōj Erom Kwojarjar.” Ekar letok ļalem wāween ko n̄an kam̧wilaļļo̧k kabun̄-jar eo ad:

1. M̧aanjabpopo

2. M̧ōkajļo̧k

3. Al im katak jān al in kwojkwoj ko

4. Bōk koņaam ilo jar ko

5. Keememej Jisōs n̄e letok letak kakōļļe ko

Ikar kajjion̄ kōjerbal katak ko, bōtaab būruō ekab de kar eddo wōt. Innām kar itok iien eo em̧m̧an n̄an katak jān al in kwojkwoj eo, eoon ruo ekar im̧we būruō.

“Ilo an ļōmņak ko ad etale raan ko ļo̧k, jejeļā jej aikuj ukweļo̧k. Iaļ eo n̄an e ej jim̧we, iaļ eo mour eo am̧ ekar joļo̧k n̄ane. Jeorļo̧k bōd ej juon menin letok jān kwe, kōmij kappukote kōn jibadbad erreo.”

Ejjab to būruō ekar oktak ejjab wōt n̄an Rilo̧mo̧o̧r, ak n̄an ajri eo nejū. Jetōb eo ekar unoojdikdik n̄an eō, call e ļaddik eo im jiron̄ e kwoj joļo̧k am̧ bōd, ba n̄an e kwoj iakwe e.

Ālkin kweilo̧k eo, ikar jejeļo̧k: “Inaaj call waj kiin eraelep, ij aikuj in kōnono ippam̧. Jouj uwaak, ij kallim̧ur iban luuk eok.” Ikar call e im ba, “Ij iakwe eok nejū, jouj joļo̧k aō bōd.” Ijo ekar wōr juon iien ikōn̄, innām ainikien: “aw, ede in men ke? Aolep men rem̧m̧an, ij iakwe eok barāinwōt. Joļo̧k aō bōd, ejet am̧ pād rainin?”

Iien jab in ekar ekwojarjar. Ekar kemour, ekar lo̧brein pein Rilo̧mo̧o̧r im ekar itok kōnke ikar kajjion̄, jekdo̧o̧n ta jab wānōk eo, n̄an ekkal ioon ejm̧aan eo.

Ejjeļo̧k jon̄an n̄an ekkeke eo An n̄an jipan̄ eok. An Pinmuur ejjeļo̧k jem̧ļo̧kin ej n̄an kwe, E enaaj jeorļo̧k am̧ bōd, E enaaj kemour eok im E enaaj ļōn̄aj eok.

Kōn menin bōk am̧ iien n̄an bōjrak im bar ļōmņak. Kōm̧m̧an bwe kwojkwoj eo en am̧ jikin kōppād, kōm̧m̧an bwe Rilo̧mo̧o̧r en am̧ kajoor im n̄e lan̄ ko rej itok, āinwōt em̧ool renaaj itok, kwojjamin naaj wōtlo̧k, kōnke kwoj ekkal ioon ejm̧aan eo, eo ej Jisōs Kraist.