Batan-Ong Lalaki Midala sa Iyang Pamilya Ngadto sa Templo

Ang mga Prayoridad sa Philippines Area nag-awhag nato sa “Pagpalig-on sa Nagtubo nga Henerasyon” pinaagi sa pag-andam sa kabatan-onan ug pagsuporta kanila sa pagserbiyso og full-time nga misyon. Apan usahay, makita nato nga ang maisugon nga mga batan-on mao ang nagpalig-on sa ilang mga pamilya. Mao ang sitwasyon sa 17 anyos nga si Serjohn Rebalde sa Bacolod.

Ang iyang mga ginikanan sila si Sonny ug Shiela mibalhin gikan sa Isabela, Negros Occidental ngadto sa Bacolod niadtong 2018, mibilin kaniya ug sa iyang manghod nga lalaki nga si Jeston nga giatiman sa ilang apohan nga babaye. Sila si Sonny ug Shiela nakakita og trabaho isip usa ka drayber sa tricycle ug usa ka kawani sa restawran, ug sila naningkamot sa pagtrabaho aron sila makapahiluna ug makapadala sa ilang mga anak.

Si Serjohn miapil sa iyang mga ginikanan niadtong 2020, ug nagsugod sila sa pagpaminaw sa mga panaghisgotan sa misyonaryo. Nabunyagan siya uban sa iyang inahan niadtong Marso 2021, ug ang iyang amahan misunod paglabay sa duha ka bulan. Sa pag- abot ni Jeston sa ulahing bahin sa 2021, ang pamilya sa kataposan nakompleto didto sa Bacolod. Ang pamilya nakompleto diha sa Simbahan sa dihang si Jeston nabunyagan niadtong Oktubre 2022.

Sa unang duha ka tuig sa iyang pagkamiyembro, si Serjohn naglisod sa pagpahaom sa iyang bag-ong kinabuhi isip usa ka tin-edyer diha sa bag-ong siyudad. Gamay ra siyag nailhan nga mga tawo ug nakahibalo og gamay kaayo nga Hiligaynon. Apan ang mga lider sa Simbahan ug ang iyang isig ka batan-onan mitabang ug mihimo kaniya nga mobati nga giabi-abi. Mitambong siya sa 2023 nga Komperenisya sa Kabatan-onan ug nakaamigo og daghan. Misunod ang kanunayng pagtambong sa Simbahan, ug nakwalipikado siya nga moapil sa biyahe ngadto sa templo sa Cebu niadtong Mayo 2023.

Ang kasinatian sa templo dugang nakapalig- on sa pagpamatuod ni Serjohn. Gibati niya pag- ayo ang Espiritu ug gusto niya nga ipakigbahin ang makapasanap nga kamaya ngadto sa uban sa iyang pamilya. “Atol sa among family home evening, gipakigbahin nako ang usa ka leksiyon mahitungod sa templo ug nagpamatuod ngadto sa akong pamilya.

Giawhag nako sila sa pag-adto sa templo ug gipakigbahin kanila kon unsa ka nindot ang sulod sa templo, unsa kamalinawon ug kakalma ang bation. Gihagit nako sila sa pag- andam ug magpakatakos sa pagsulod sa templo,” gipakigbahin ni Serjohn.

Tungod sa iyang pag-awhag, ang mga ginikanan ni Serjohn nakigkita sa bishop ug nagsugod sila sa pagtambong sa klase sa Pagpangandam alang sa Templo. Diha sa panimalay, ang pamilya naghimo og sinemana nga mga home evening, kanunay nga mga sesyon sa pagtuon sa Dali Sunod Kanako, ug nag-uban sa pag-ampo kanunay. Mitambong sila sa mga tulumanon sa Dominggo ug sa ubang mga kalihokan sa Simbahan, miserbisyo sa mga calling, ug nakig-uban sa mga misyonaryo.

Apan ang dalan padulong sa templo dili sayon kanunay. Ang mga hagit sa panalapi nakapadaot sa relasyon sa pamilya ug ang mga ginikanan ni Serjohn maglalis usahay kon wala silay igong kwarta nga ibayad sa ilang mga balayranan. “Apan wala kami mawad-i sa among panglantaw sa among tumong,” nahinumdom si Serjohn. “Gitutokan namo ang pagsunod sa ebanghelyo ug nangalagad sa uban. Mitambong ko sa Seminary, ug ang akong mga ginikanan matinud-anong mitambong sa ilang mga klase sa Pagpangandam alang sa Templo.”

Ang tanang paningkamot miresulta ra sa dihang ang pamilya sa kataposan naselyo sa Cebu Philippines Temple niadtong Nobiyembre 21, 2023.

Pipila ka adlaw human sa ilang pagkaselyo, naghimo sila og family home evening ug mihatag og pasalamat ngadto sa Ginoo sa pagtabang kanila nga makwalipikado alang sa ordinansa sa pagselyo sa pamilya diha sa templo. “Ang akong mga ginikanan misulti nako nga ang templo mao ang labing matahom nga dapit ug mibati sila og hilabihan nga kalinaw didto,” pakigbahin ni Jershon. “Malipayon kaayo ko nga sa kataposan nasinati nila unsa ang akong nasinati ug mituo na sila karon sa mga butang nga akong gisulti mahitungod sa templo.”