Ang Akong Panaw diha sa Dalan sa Pakigsaad

Bisan og ako aktibo sa akong tinuohan nga Katoliko, gibati nako nga dunay butang nga kulang sa akong kinabuhi. Sa edad nga 16 anyos nakaimbestigar ako og walo ka lain- laing simbahan samtang nangita ko sa kamatuoran nga makahatag og kahulogan ug direksyon sa akong kinabuhi.

Akong nadiskobrehan nga ang akong higala nga si Clint usa ka miyembro sa Ang Simbahan ni Jesukristo sa mga Santos sa Ulahing mga Adlaw, ug siya mipaila kanako ngadto sa mga misyonaryo. Gitudloan ko nila og daghang butang: Nakat-on ko unsaon sa pag-ampo, ug ako gitudloan bahin ni Propeta Prophet Joseph Smith. Gibasa nako ang Basahon ni Mormon ug nag-ampo kon tinuod ba kini ug kon ang Simbahan iya ba gayod sa Dios. Wala ko masayod nga ang Espiritu Santo kadto apan gibati gayod nako ang katinuod ingon og ako mibati og kainit sa akong dughan.

Nabunyagan ko niadtong Marso 13, 2012, ug hingpit nakong gidawat ang pamaagi sa kinabuhi sa Santos sa Ulahing mga Adlaw. Mitambong ko sa mga tulumanon ug mga kalihokan sa Simbahan, miserbisyo ug miboluntaryo sa sakong panahon, ug mibati gayod sama sa usa ka tinuod nga disipulo ni Jesukristo.

Human sa duha ka tuig, naaghat ko nga mag-andam nga moserbisyo og misyon uban ni Clint ug duha ka laing higala. Nalipay mi sa pahibalo nga nagpaubos sa edad sa misyon ngadto sa 18 nga gihatag duha ka tuig na ang milabay, ug gibati namo nga takos ug andam nga moserbisyo.

Naaghat ko sa usa sa akong mga tumong sa pagdala sa akong pamilya ngadto sa Simbahan ug sa umaabot maselyo sa templo uban nila. Mao nga ako mipadayon ug miserbisyo og misyon bisan sa daghang oportunidad sa edukasyon nga akong makuha. Dihay mga tanyag nga pagka-eskolar ug mga higala sa pamilya nga nagtanyag nga mo- sponsor sa akong edukasyon, apan nakahukom ko sa pag-una sa Ginoo ug moserbisyo Kaniya. Salamat kay ang akong amahan misuporta sa akong desisyon bisan og siya wala pa mabunyagi.

Nagserbisyo ko sa Philippines Tacloban Mission ug mibati og gugma sa mga tawo sa Tacloban ug Samar. Daghan kaayo mi og nakat- onan sa akong mga higala, ug bisan nagserbisyo kami sa lainlaing mga misyon, gisuportahan namo ang usag usa ug gibati namo tanan nga gibantayan kami sa Ginoo.

Nasinati nako ang problema sa matag msiyonaryo: Gimingaw ko sa akong pamilya ug gusto nga makita sila inig pauli nako, apan nalingaw ako pag-ayo sa pagserbisyo nga dili ko gusto nga mobiya sa akong misyon... Ang akong pamilya nalipay nga nakakita nako, apan sa wala madugay ang temporal nga mga kabalaka nga among giatubang nagsugod sa paghatag nako og kabug-at.

Kinahanglan ko nga maoy mobayad sa akong edukasyon ug motabang sa mga panginahanglan sa among pamilya, ug sa wala madugay ako na ang nagbuhi sa pamilya.

Mitrabaho ko sa fastfood nga restawran, sa kontruksiyon, mitrabaho og bisan unsa, ug midawat og bisan unsa nga tanyag nga makatabang aron adunay pagkaon diha sa lamesa.

Gimingaw kog sugod sa Simbahan, ug ang akong mga higala nga RM mobisita ug mopahinumdom nako sa akong mga pakigsaad.

Nakaamgo ko kon unsa ka lisod ang kinabuhi kon dili nako unahon ang Ginoo, mao nga nakigsulti ko sa akong bishop, ug mitabang siya nako sa akong proseso sa paghinulsol. Nagsugod ko sa pagsabot sa tinuod nga paagi sa gahom sa Pag-ula ni Jesukristo.

Ang tanang emosyonal ug espirituwal nga sakit nawala, ug ako napanalanginan tungod kay sa dihang mibalik ko sa Simbahan ang akong duha ka manghod miapil usab sa Simbahan. Mibati nga mas nalig-on sa espirituwal nga paagi, ang akong tinguha nga minyoan ang akong uyab didto sa templo naglambo usab.

Nahimamat nako ang akong asawa niadtong 2011 ug sa edad nga 15 medyo nahibaloan nako nga siya ang alang kanako. Mapailubon akong naghulat ug nagpabilin nga usa ka maayong higala, naglambo pagdungan diha sa ebanghelyo. Kami sa kataposan naminyo sa templo niadtong Disyembre 15, 2022. Usa kadto ka yanong kasal tungod kay hapit na kita makalingkawas gikan sa pandemya, apan ang kalinaw ug kamaya nga among gibati dili ikatandi.

Niadtong Nobiyembre 11, 2023, ang akong amahan sa kataposan nabunyagan. Ang akong damgo sa among tibuok pamilya nga maselyo sa templo sa kataposan natinuod.

Nasayod ko nga batan-on pa ko ug aduna pay taas nga dalan nga pagalakton samtang ako mopanaw subay sa dalan sa pakigsaad, apan ang akong kinabuhi hangtod karon nakatudlo nako og daghan kaayo nga mga leksiyon nga karon naggiya ug nagtabang nako. Bisan unsa ang mga problema nga atong atubangon, ang pagpabilin diha sa dalan sa pakigsaad mao gihapon ang labing luwas nga paagi sa pagpakabuhi sa atong mga kinabuhi.