Elder Wan-Liang Wu

Ni se qai yabaki 10 o Elder Wan-Liang Wu, eratou a toki na nona matavuvale mai Taiwan ki Bolivia. E kea eratou sotavi rau kina na daukaulotu na ganena mai vei ira na itokani. A tekivu sotavi rau na daukaulotu ka papitaiso ni se qai yabaki 11.

A ibolebole vua me vakamatautaki koya kina nodratou itikotiko vou, ia a vakavinavinakataka na nodratou toki na nona matavuvale. “Au vakayalia e dua na ka meu rawata kina na veika vinaka cake ena sala vinaka cake ni Turaga,” e kaya o koya.

A sucu o Wan-Liang Wu mai Taipei, Taiwan, ena ika 22 ni Tiseba, 1970, na luvedrau gone duadua o Chang Yung Wu kei Bao Guey Lin. E tolu na ganena kei na dua na tacina.

Ni oti na nodratou toki na nona matavuvale ki Santa Cruz, Bolivia, eratou a toki ki Buenos Aires, Argentina, ni se qai yabaki 14. Ni oti na nona veiqaravi ena Tabana ni Kaulotu ni China Hong Kong, a vakamautaki Marcela Beatriz Castellani ena ika 17 ni Maji, 1995, ena Valetabu na Buenos Aires Argentina. E tolu na luvedrau.

E taukena ka qarava vata kei Marcela na nona sitoa ni voilitaki kakana ni matavuvale e Buenos Aires. Sa cakacaka oti ena Lotu vakatekivu mai na 2007, taumada ena Tabacakacaka ni iYauqaqa ni Valenilotu ka tarava sara, ena 2016, me laki manidia ni cakacaka kei na veika me maroroi ni iWasewase ni Ceva kei Amerika.

A rawata o Elder Wu e dua na diqiri ni bejila ni liutaki ni bisinisi mai na Universidad Argentina de la Empresa ena 2014 kei na dua na masita ni veiliutaki vakabisinisi mai na Universidad del CEMA mai Buenos Aires ena 2020.

Ena gauna a kacivi kina, a veiqaravi tiko o Elder Wu vaka-peresitedi ni Kaulotu ni Chile Antofagasta. Sa veiqaravi oti talega vakaperesitedi ni iteki, daunivakasala ena mataveiliutaki ni iteki, bisopi, peresitedi ni kuoramu ni italatala qase, daunivakasala ena mataveiliutaki ni kuoramu ni italatala qase, ka liganicakacaka vakalotu ni valetabu.