Elder James E. Evanson

A tubu cake o Elder James E. Evanson ena dua na iteitei ni sugar beet ena koro lailai o Barnwell, ena tokalau kei Lethbridge, Alberta, mai Canada.

E dua na kawa ni ivuvu yalodina, a susugi cake o Elder Evanson ena dua na vuvale ka “vakavulici ka bulataki kina na kosipeli.”

Ni se qai yabaki 10, a wilika taucoko na 16 na voliumu ni iVola i Momani vakaiyaloyalo ni matavuvale kei na italanoa ni itukutuku makawa ni Lotu ka nanuma me muria na ivakaraitaki nei Josefa Simici. Ni curu malua yani kina dua na veikau veibasai ni gaunisala e nona vale, a tekiduru, masu, ka ciqoma na veivakadeitaki mai vua na Yalo Tabu ni o Jisu Karisito na nona iVakabula, o Josefa Simici e parofita dina, ka dina na iVola i Momani.

Na nona dinata oqori sa vakauqeta e dua na bula taucoko ni veiqaravi yalodina ena Lotu, oka kina vaka-Vitusagavulu ni iWasewase, peresitedi ni iteki, ka peresitedi ni Tabana ni Kaulotu na Utah Orem. Ena gauna a kacivi kina, a veiqaravi tiko vaka-iliuliu ni itaviqaravi ni Yaloqaqa o Elder Evanson ena nona tabanalevu e Lethbridge.

A sucu o James Eugene Evanson mai Taber, Alberta, ena ika 16 ni Okosita, 1968, e dua vei iratou na walu na luvedrau o Dale Eugene kei Phyllis Tanner Evanson.

Ni oti na nona kaulotu tudei e Tempe, Arizona, a vakamautaki Jody Karil Zobell o Elder Evanson ena ika 20 ni Tiseba, 1989, ena Valetabu e Salt Lake. Erau nodratou itubutubu e lima na gone ka 11 na makubudrau.

A rawata o Elder Evanson e dua na diqiri ni bejila kei na dua na diqiri ni vuniwai ni veisele ni bati mai na University e Alberta ka cakacaka vaka-vuniwai ni bati vakaitaukei me 26 na yabaki.