Elder Eduardo F. Ortega

Ena veiyabaki ni veiqaravi ena Lotu, sa vulica kina o Elder Eduardo F. Ortega e dua na lesoni yaga sara. Ena veikacivi cava ga, se vaka e dua na bisopi se dua na tacida dauveiqaravi, kei na noda kila ni da matataka tiko na Turaga ena vakarawarawataka na veikacivi o ya.

“Kevaka eda vakasamataka na sala ena cakava kina o Koya, ena rawarawa sara,” a kaya, ni cavuta tiko na Jekope 5:71–72 ena iVola i Momani. “Au sa vakila na Turaga ni veiqaravi tiko e yasaqu ena vuqa na gauna ena vuqa na veikacivi baleta ni oqo na Nona were ni vaini, sega ni noda.”

A sucu o Eduardo Franciso Ortega mai Godoy Cruz, Mendoza, Argentina, ena ika 10 ni Julai, 1977, vei rau o Fernando Daniel Ortega kei Irma Elvira Endstorfer. A vakamautaki Gabriela Alejandra Cappi Franzia ena Valetabu e Montevideo Uruguay ena ika 13 ni Sepiteba, 2002. Erau itubutubu ni lima na gone ka rau vakaitikotiko mai Mexico City, Mexico, ena gauna a kacivi kina.

A rawata o Elder Ortega e dua na diqiri ni bejila ni buli vale mai na John F. Kennedy University, Argentina, ena 2008 kei na dua na diqiri ni masita mai na University e Belgrano ena 2016. Ena 2017 a ciqoma e dua na dipoloma ni veiliutaki mai na Harvard Business School. A cakacaka vakamanidia ni cakacaka ni taravale, taumada ena SBA Company qai tarava ena tabana ni Village Roadshow Entertainment Group e Argentina. A yaco o koya me dairekita ni iyauqaqa ni American Express Company ena 2014, lewe ni matabose ni Arch Royale Projects Ltd. ena 2023, ka lewe ni matabose ni CorNet Global ena 2024.

Ena gauna a kacivi kina o Elder Ortega, a veiqaravi voli o koya vaka-Vitusagavulu ni iWasewase. Sa veiqaravi talega vakadaunivakasala ena mataveiliutaki ni iteki, bisopi, daunivakasala ni matabisopi, peresitedi ni kuoramu ni italatala qase, iliuliu ni ilawalawa ni bete levu, ka daukaulotu tudei ena Tabana ni Kaulotu e Colombia Cali.