Elder Pedro X. Larreal

Ena ikava ni vula ni nona kaulotu tudei o Elder Pedro X. Larreal, a veisiko yani kina o Peresitedi Gordon B. Hinckley (1910–2008) kina Tabana ni Kaulotu e Venezuela Caracas.

E nanuma lesu o Elder Larreal, “A vakayacora vei keimami e dua na veisureti vakasakiti me baleta na vakatabui: ‘Kevaka mo vakanamata tiko ena 100 na pasede, au yalataka ni na ciqoma na veivakalougatataki na nomu matavuvale mai muri.’”

Ni oti o ya, a vola o Elder Larreal e dua na ivola me rau sa veitawasei kei na nona itokani yalewa mai na nona vanua. “Au gadreva meu biuta na veika kece ena icabocabo ni soro baleta niu gadreva meu vakanamata vakalevu cake.”

Ni rai lesu, e raica o koya e vuqa na veivakalougatataki—na vuli yaga, cakacaka rawa-ka—e tubu mai ena vakararavi kina yalayala vakaiapositolo o ya.

“Nida muria na nona veidusimaki e dua na parofita, daurairai, ka dauvakatakila, eda na rawata na veivakalougatataki ena noda bula,” e kaya o koya. “Au sa yalataka.”

A sucu o Pedro Xavier Larreal Noguera ena ika 6 ni Julai, 1976, mai Valencia, Venezuela, vei rau o Duilio Antonio Larreal Romero kei Haydee Maria Noguera De Larreal. A vakamautaki Sariah Alvarez Campos ena Valetabu e Caracas Venezuela ena ika 25 ni Okosita, 2001. Erau nodratou itubutubu e tolu na gone.

A rawata o Elder Larreal e dua na diqiri ni bejila ni veiliutaki mai na Simón Rodríguez University, e dua na diqiri ni masita ena vakadidike ena vuli mai na Santa Maria University, kei na dua na masita ni veiliutaki vakabisinisi mai na Brigham Young University. A cakacaka vakakodineita ni Semineri kei na Inisitute ni Lotu ka cakacaka ena Nature’s Sunshine Products Inc. vakamanidia raraba ka dairekita ni iwasewase kei Mexico, Amerika e Loma, kei na Dominican Republic.

Ni bera ni kacivi o Elder Larreal me dua na Vakaitutu Raraba, a veiqaravi tu vakaperesitedi ni Tabana ni Kaulotu na Texas McAllen. Sa veiqaravi oti vaka-Vitusagavulu ni iWasewase ena rua na iwasewase, peresitedi ni iteki, daunivakasala ena mataveiliutaki ni iteki, lewe ni matabose e cake, sekeriteri liu ni iteki, ka bisopi.