Elder Brik V. Eyre

E vakatoka o Elder Brik V. Eyre na veika a sotava ena tolu na yabaki vakaperesitedi ni Tabana ni Kaulotu na Arizona Phoenix me “sega ni vakabauti rawa.”

Ena nona veiqaravi vata kei watina, o Susan, a kaya, “Drau sa vakaivua vata kei na nomu itokani, .ka keirau sa veiqaravi vata kina.” Kei na nona veiqaravi vata kei ira e drau na daukaulotu tudei, a tomana, “Au sega mada ga ni kila meu vakamacalataka rawa na veivakalougatataki vakaitamera meu vakayagataka e veisiga vata kei ira na mata vakadonui i Jisu Karisito me tolu na yabaki.”

A sucu o Brik Vern Eyre ena ika 17 ni Janueri, 1964, mai Logan, Utah, vei rau o Vern Bingham Eyre kei Emma Rae Anderson Eyre. E lima na ganena qase cake kei na vica na tubuna qase e liu ena kedra maliwa na lewe taumada ni Lotu.

A veiqaravi o Elder Eyre ena Tabana ni Kaulotu e Guatemala Guatemala City. A vakamautaki Susan Zari Rahimzadeh ena Valetabu e Logan Utah ena ika 27 ni June, 1987. O tamai Sisita Eyre e kawa Muslim, kei tinana e kawa ni Yalododonu Edaidai. Oi rau na Eyre, ka rau a vakaitikotiko mai Park City, Utah, ena gauna a kacivi kina, e lima na luvedrau qase cake.

A rawata o Elder Eyre e dua na diqiri ni bejila ni daunivika vakailavo mai na Brigham Young University kei na masita ni veiliutaki vakabisinisi mai na University e Tulsa. Sa cakacaka oti o koya ena tabana ni veiqaravi vakavuniwai, oka kina na Baxter International me ivukevuke ni peresitedi qase ka peresitedi ni iwasewase ni kabani e Amerika, ka se qai oti toka ga oqo me lewe ni matabose ni HemaSource.

Ena gauna a kacivi kina o Elder Eyre, a veiqaravi voli o koya vaka-Vitusagavulu ni iWasewase. Sa veiqaravi oti talega vakaperesitedi ni iteki, daunivakasala ena mataveiliutaki ni iteki, lewe ni matabose e cake, bisopi, peresitedi ni Cauravou ena tabanalevu, ka qasenivuli ni semineri ena mataka lailai.