“Baraca David J. Wunderli,” Liaona, Me 2025.
Baraca David J. Wunderli
iMatai ni Daunivakasala ena Mataveiliutaki Raraba ni Cauravou
Sa dau kila tu ga o Baraca David J. Wunderli ni bula tiko o Jisu Karisito.
“Au kalougata niu vakila na Nona iserau ena kena balavu au se bau nanuma rawa,” e kaya o koya. “E dau tu ga vei au e dua na yalo vakabauta.”
E sega ni kena ibalebale oqori ni se bera ni sotava na bolebole, “ia na noqu vakanananu vakatitobu e dau gole ga meu kila ni tiko na kena isau mai Vua.”
E vinakata o Baraca Wunderli mera vakila na itabagone ena Lotu nira sa okati tiko ka kila nira tiko na nodra lewe ni timi ena veimatanitu kecega ka kilai ira ena yacadra o Jisu Karisito.
A sucu o David John Wunderli mai Salt Lake City enai ka 22 ni June, 1961, vei rau o Fredric Theodore Wunderli kei Bernardine Lyman Wunderli. A sotavi Diane Robins ena nona toki mai Kenada o Robins kina tabanalevu nei David. Rau qai vauci vata ena Valetabu e Salt Lake ena 1984 ka susuga cake na luvedrau e va mai California ka tarava yani ki Alpine, Utah.
A veiqaravi o Baraca Wunderli ena Tabana ni Kaulotu na Brazil Rio de Janeiro ka rawata e dua na diqiri ni bejila mai na Univesiti e Utah ena akaude kei na diqiri lailai ena vosa vaka-Potukali. A cakacaka vakaveiliutaki ena Easton Sports ka peresitedi ni OGIO International. Sa veiqaravi talega o koya ena vica na matabose ni kabani kei na veiqaravi raraba.
Ena gauna a kacivi kina, a veiqaravi tiko ena matabose ni veivakasalataki raraba ni Cauravou. E veiqaravi o Sisita Wunderli ena matabose ni daunivakasala raraba ni Lalai. Mai na 2020 kina 2023, rau a veiqaravi vaka-iliuliu ni Tabana ni Kaulotu e Cape Verde Praia. Sa veiqaravi talega o Baraca Wunderli vakaperesitedi ni iteki ka bisopi ni itabagone qase cake, daunivakasala ena mataveiliutaki ni tabana ena koronivuli ni veivakarautaki kina kaulotu, ka peresitedi ni Cauravou ena tabanalevu.