Baraca Sean R. Dixon

Ni sa kila tiko o Baraca Sean R. Dixon na domo e vuqa era veisisivi tiko me ra kauwaitaki ira na itabagone, sa nuitaka tiko o Baraca Sean R. Dixon nira na raici ira na parofita kei na apositolo ni gauna oqo ka nuitaka ka muria na nodra veidusimaki.

“Era na liutaki ira vei Jisu Karisito,” e kaya o koya. “E sega ni icavacava ni takete na parofita [Peresitedi Russell M. Nelson]; sai koya na iVakabula. Ia na parofita e dau rai tu vua na iVakabula, kevaka era na muri Koya, era na vakarau tu kina veika era na sotava ena nodra bula.”

A sucu o Sean Romney Dixon ena ika 5 ni Me, 1970, mai Provo, Utah, na luvedrau tagane o Donald Romney Dixon kei Diane Scott Dixon. A laki kaulotu tudei ena tabana ni kaulotu mai Canada Toronto Mission. E muri a qai vakamautaki M’Shelle Lundquist ena 14 ni Me, 1992, ena Valetabu e Salt Lake. Erau nodratou itubutubu e lima na gone.

A rawata o Baraca Dixon e dua na diqiri ni bejila ni vakadidike ni matavuvale mai na Brigham Young University kei na dua na diqiri ni master ni vuli mai na Phoenix University. Sa cakacaka oti o koya ena vica na ilesilesi ena Semineri kei na Inisitute ni Lotu me 30 na yabaki, ena gauna oqo sa dairekita tiko ni Utah South Institute Region, ka raica raraba tiko na inisitute mai Orem ki St. George. E liu, a qasenivuli tu ni semineri ena Utah County ka dairekita ni Utah Valley Institute of Religion.

Ena gauna a kacivi kina, a veiqaravi tiko o Baraca Dixon vaka-peresitedi ni iTeki na Spanish Fork Utah East. A peresitedi taumada ni Kaulotu na California Redlands, daunivakasala ena mataveiliutaki ni iteki, bisopi, daunivakasala ni matabisopi, ka peresitedi ni Cauravou ena tabanalevu.