Elder B. Corey Cuvelier

Ena gauna sa kacivaka kina o Elder B. Corey Cuvelier ni sa biuta na nona cakacaka me laki peresitedi ni kaulotu ni Lotu i Jisu Karisito ni Yalododonu Edaidai, era taroga na nona itokani, “O sa lialia?”

E kaya o Elder Cuvelier ni dredre vei ira na nona itokani me ra kila na vuna e biuta kina na nona cakacaka vuavuai vinaka me tolu na yabaki. Ia na nodra taro era madigi, e kaya o koya, “me wasei na vuna eda cakava kina na ka eda cakava kei na vuna eda vakabauta kina na veika eda vakabauta kei cei eda vakabauta. O ya o Jisu Karisito.”

A sucu o Brian Corey Cuvelier ena 12 ni Janueri, 1969, mai Los Angeles, California, na vanua a susu ka tubu cake kina. O tamana, o Heinz Joachim Cuvelier, e a ovisa. O tinana, o JoAnn Leslie Jarnecke Cuvelier, a veiqaravi tu ga e vale. O koya na ulumatua ni va na gone.

Ni se cauravou daukaulotu, a veiqaravi o Elder Cuvelier ena Tabana ni Kaulotu na Brazil São Paulo South. A tauri ivola mai na Brigham Young University ena 1994 ena diqiri ni veimaliwai raraba. A laki cakacaka ena Shell Oil Company ena 1996, ka cakacaka kina ena vica na tabana ni bisinisi ena Vualiku kei Amerika.

A vakamautaki Wendi Sue Manwaring o Elder Cuvelier enai ka 18 ni Julai, 1992, ena Valetabu e Los Angeles, California. Erau itubutubu ni lewe va na tagane. Erau a veiqaravi vaka-iliuliu ni kaulotu na Cuveliers ena Tabana ni Kaulotu na Brazil Curitiba South mai na 2016 ki na 2019 ka rau vakaitikotiko mai Katy, Texas, ena gauna a kacivi kina.

E liu, a veiqaravi vaka-Vitusagavulu ni iWasewase ena iWasewase ni Ceva kei Amerika o Elder Cuvelier, peresitedi ni iteki, daunivakasala ena mataveiliutaki ni iteki, lewe ni matabose e cake, bisopi, daunivakasala ni matabisopi, ka peresitedi ni Cauravou ena tabanalevu.