Elder Kevin G. Brown

Ni se qai yabaki 12 o Kevin Brown, a bolei koya e dua na marama daukaulotu me wilika na iVola i Momani. O koya gona, ena veimataka e dau masu, wiliwili, ka masu tale. Ena masu yadua, e dau taroga vua na Tamada Vakalomalagi kevaka e dina na iVola i Momani.

E nanuma lesu o koya ni dua na mataka ni masu tiko, a “sega mada ga ni via taroga tale. A yaco mai na isaunitaro ni Turaga ena dua na sala bibi sara.” A vakila ni tukuna vua na Turaga: “Au kilai iko, kau lomani iko. O iko na luvequ.”

Vakasauri ga, sa vakadeitaka vua na Yalo Tabu: “Oqo na dina ni Kalou. Na iVola i Momani e dina. E parofita o Josefa Simici.” Na veika a sotava oqo a veisautaka na nona bula.

E vakavinavinakataka o Elder Brown na nona veivakauqeti na marama daukaulotu oya kei ira tale eso ena vanua sa yacova tu oqo. Mai na gauna e se gone kina, a vakauqeti mai vei ira na lewe ni Lotu era a vukei koya—mai vei nona peresitedi ni tikina kivei ira na qasenivuli ni Lalai, mai vei ira na daukaulotu gone kina daukaulotu qase, ka vakabibi na watina, o Nadine, ka sa veivaqaqacotaki vakalevu duadua vei ira kece vakavo ga mai vua na Turaga.

A sucu o Kevin G. Brown ena ika 18 ni Me, 1976, mai Manchester, Jamaica, vei rau o Desmond Holness kei Patsy Williams Brissett. A vakamautaki Nadine Lezanne Carter ena 1999. E lima na luvedrau.

A rawata o Elder Brown e dua na diqiri ni bejila mai na University ni Technology, e Jamaica, ena 2008. A rawata e dua na diqiri ni masita ena veiliutaki kei na lawatu raraba mai na University ni West Indies ena 2012. Vakatekivu mai na 2001 sa cakacaka tiko o koya ena Semineri kei na Inisitute ni Lotu.

Ena gauna a kacivi kina, a veiqaravi voli o Elder Brown vaka-Vitusagavulu ni iWasewase o Utah.