Bwebwenato ko an Ijo Jokwe Ie
E eaar jilkintok Tahaa n̄an jerbal n̄an ro nejin
Elder im Sister Baehrel, jān Montpellier Ward ilo Toulouse Stake, France, rej kiiō jerbal āinwōt ripālele ro rej jerbal in mijenede ilo Tahiti. Raar kwaļo̧k en̄jake ko rem̧m̧an im reim̧we kōn iien ko aer ilo meļaaj, im bwebwenato in ej kwaļo̧k iien ko rejenoļo̧k.
Jaar bōk juon en̄jake em̧m̧an āinwōt m̧ōttan humanitarian būroojāāk ko am̧.
Brother Eric Graffle, eo ej jipan̄ kōm kōn būroojāāk ko am̧, eaar jiron̄ kom̧ kōn jōrrāān in dānin in daak eo ilo aelōn̄ in Tahaa. Kōm kar m̧ōkaj in video kweilo̧k ippān Madame Patricia Amaru, Mayor eo an Tahaa.
Kōn bwilōn̄ eo am̧, liin ear jinoe kōn jar. Innem kōm kar kajjitōk ippān ta men ko jinointata ej aikuji. Kōn dānin kōmjallaļ ilo mejen, ekar kwaļo̧k: “Komij bōlen uwaak eo n̄an jar ko ad, bwe inne wōt ekar wōr juon ammim jorrāān eo eļap aikuji. Im ejjeļo̧k aō kajoor n̄an ņa mejļan.”
Liin ekar etal wōt im kōmeļeļeiki bwe dānin idaak ko renana, ekōm̧m̧an bwe en pen n̄an jipan̄lo̧k dānin idaak ko n̄an jikin ko rellap ilo āne eo.
Kōn menin kōm kar etal n̄an Tahaa n̄an lale ta menin aikuj eo. Āinwōt an dān juon men eo eļap aikuj ilo humanitarian būroojāāk in, kōm kar ļōmņak in likūt ippān jidik kajjitōk n̄an jilkinļo̧k n̄an opiij eo an būreejtōn. N̄e etōprak, būroojāāk in enaaj kōjeraam̧m̧an mour ko an elōn̄ļo̧k jen 2,000 armej ro.
Ke ej m̧ōj am̧ loļo̧k m̧wiin, Madame Amaru eaar iak-iakweik kōm, ilo an aikuj in pād ilo juon kweilo̧k, “ippān juon ļaddik jān m̧ōnjar eo am̧ eo ej etal n̄an mijen”.
Em̧ool ekar juon iien em̧m̧an ilo an eo ej pojak in mijenede kar kōpeļļo̧k kūr eo an. Kōm kar kajjitōk ippān n̄e ekar e juon membōr in baam̧le eo an. “Ejjab!” ekar uwaak. “Ak ij etal jabdewōt jikin eo rej kūr eō.”
“Innām kōm kar lukkuun m̧ōņōņō kōn kobatok ippam̧!”
Ke kōmij itaakļo̧k, kōm kar lo an obrak m̧ōnjar in kōn iakwe n̄an mijenede in edik eo eaar mej jinen iiō eo ļo̧k. Bar ta, ej e eo jinointata mijenede jān branch in …enan̄in 40 iiō remootļo̧k!
Branch būreejtōn eo ekar kajjitōk ippān mayor eo im ļeo ippān n̄an kwaļo̧k jidik naan. Erro jim̧or kar leļo̧k naan in rōjan̄ n̄an “jemen” n̄an kōperan e n̄an kautiej im pokake, n̄an kōttāiki, im eļaptata en jab pād wot ilo (Salt Lake City Mission) ālkin mijen eo.
M̧okta jen am̧ em̧m̧akūt, kōmij kab jeļā ke ripālele rein, ro relukkuun epaake armej ro ilo jukjukin pād in aer, rekar pād ilo kōjeraam̧m̧an eo an m̧ōnjar eo. Bar ta, ium̧win allōn̄ ko jiljilimjuon in jerbal in ekkal eo, raar karuwaineneik aolepen branch eo n̄an m̧weeo im̧weer (ejjab im̧ōn jerbal eo, ak m̧weeo im̧weer) n̄an kōm̧m̧ani kweilo̧k ko ilo Jabōt!
Ekar jet bōro ko robrak kōn iakwe im kam̧m̧oolol kōn kain jouj rot in ippān armej ro rōttā me kōm naaj etal jen er.
Ilo ejjeļo̧k kajjitōk, jej kwaļo̧k bwe Jemedwōj Ilan̄ ej lukkuun iakwe ajri ro Nejin im bwe E eaar jilkintok kōm n̄an Tahaa n̄an jerbal n̄an er, im bwe Kabun̄ in ej unleplep in an menin naaj kar dedeļo̧k.