7 Wāween ko n̄an Itok-limo ilo Al ko Rōkairujruj

Pija jān David Green

Ilo aolepān iien kein, al in nebar ear m̧ōttan eo eaorōk n̄an kabun̄jar n̄an rikaļoor ro an Jisōs Kraist.

Elōn̄ al in sam ko ilo Kallim̧ur Mokta rej al ko kōn nōbar Irooj. Kallim̧ur Ekāāl ej reko̧o̧te ke Jisōs im Rijilōk ro An, m̧okta jān aer etal n̄an Gethsemane, rekar al juon al in jar ippān doon (lale Matu 26:30). Im al in jar ko rōkauun̄ kipden iien kabun̄jar kein ad ilo kwelo̧k in kwojkwoj ko rainin.

Jerbal in kōm̧m̧ane pok in al in jar eo ekāāl ekalimomo ilo an wōnm̧aanļo̧k wōt, im kim maron̄ reim̧aanļo̧k n̄an al in jar ko rekāāl ilo an jerbal in em̧m̧akūt m̧aanļo̧k. Ak al in jar ko rejjab ede kein kain al eo emaron̄ kōm̧akūt kōj. Church’s Gospel Library eo im Sacred Music app ko elōn̄ kain al ko roktak jen doon n̄an katak jāni, jān al in kuwaer ko etto n̄an piit in al ko rōkairujruj, al ko etto im reban m̧or (kwoj jab aikuj juon jodikdik n̄an itok-limoim kōn Strive to Be albums eo!). Ilowaan app kein komaron̄ loe men ko remman, relewaj lōm̧ņak ko rem̧m̧an, elōn̄ wōt iaer epād pepa ko emōj je al ko ie komaron̄ kōjo̧i ak al ippam make.

Errein jet iaan lōm̧ņak ko n̄an jipan̄ eok kobaiki al ko rōkaitoktok limo ilo am kabun̄ jar ilo m̧weo —men̄e ejjeļo̧k am̧ kar kamminene kin kōm̧m̧an al.

• Ron̄jake reko̧o̧t ko kōn al in jar ko im al ko jet rōkairujruj ilowaan wiik eo. Men kein maron̄ loi ilo Gospel Library eo ak Sacred Musis app ko ak ilo Music Library eo ilo website eo an Kabun̄ in.

• Etali bwebwenato ko kōn al in jar ko im ekkatak ta eo rekar itok kareel er.

• Al al in jar ko im ekkatak m̧ōttan ko roktak ilo kōjerbale Interactive Sheet Music ej pād n̄an kālet Sacred Music app eo ak website eo an Kabun̄ in.

• Ron̄jake Tabernacle Choir eo ak Strive to Be ilo karōk jikin ron̄jake eo am̧ em̧m̧antata ippam (āinwōt ilo YouTube, Spotify, Apple Music, Pandora).

• Ekkatak kōjan̄i al in jar ko im al ko jet rōkairuj eo̧k ilo piano eo ak papa eo ek kwaļok kilen kōjerbal kūta ak chord ko ibendoon ilo Gospel Library app eo ak ilo website eo an Kabun̄ in.

• Katak im ļōm̧ņak ippān naan ko ilo al eo kōn al in kōketak ko im al im jar ko.

• Ļoor ippān ļo̧k ippān naan ko ilo al eo ilo am ron̄jake n̄an m̧akūtkūt ko renaj waļok jān Tabernacle Choir eo ilo Temple Square. Makūtkūt ko naaj loi ilo channel eo an choir eo ilo YouTube.