Imaron̄ Ke Lukkuun Lōke Tōl eo an Rikanaan eo?

Jān Savanna Cummings

Iaar aolep iien kāālet n̄an ļoore rikanaan eo, bōtaab imaron̄ ke lōke ilo iien in wōt?

Ke ikar tōbar kūr eo me inaaj maron̄ kar em̧m̧akūt jān mijen eo aō, iar inebata im pok.

Jejjo allōn̄ ko m̧okta kar aikuj kar jo̧o̧r, Būreejtōnji eo Kein Kajuon ear peke n̄an jilkinļo̧k eō im jet iaan mijenede n̄an ijoko jikūm kar pedped ioon ta eo iar ļōmņak rar naan in bwebwenato ko kōn maron̄ aitwerōk ko ipeļaakin laļ in. Ear ejjeļo̧k jabdewōt kein kam̧ool ke elōw men eo enaaj waļo̧k.

Ikar jab ļōmņak ewōr men eo ij aikuj inepata kake.

Kajjitikin Ellowetak

Ikar aolep iien ikdeelel n̄an jerbale mijen eo im naaj kar kate eō jerbal n̄an kōttōbrak kōttōbar in. Jāān ear aban̄, ak iar loe juon jerbal me ear jipan̄ eō kōm̧m̧an ebwe jāān n̄an kōļļāiki mijen eo aō. Ke iar kōppeļo̧ke leta in kūr eo aō, en̄jake eo aō ejejjet, im iar jeļā ekar itok jān Anij.

Innām, kōn wōt COVID-19 pandemic eo, kar bar jitōn̄ eō n̄an juon mijen ilo Utah ilo ratimjuon allōn̄ ko m̧okta jān aō tōbar lal ko ilikin n̄an lukkun mijen eo kar jitōn̄ eō n̄ane. Ikar mera ļo̧k im le jān m̧oņōņō n̄an kiiō pād ijo Anij ear kūr eō bwe in bed ie.

Tok ālik, ālkin jet wōt allōn̄ ko in aō pād ijen, ear jidimkij aer bōk eō jān armej ro im laļ eo elap aō kar iakwe. Ikar en̄jake āinwōt men otemjej kar bōkļo̧k jān eō.

Ikar en̄jake kar ketak eō. Ikar kajjitikin eō ilo m̧ool make eļan̄n̄e menin ekar juon kar kālet em̧m̧an.

Kin ejjeļo̧k maron̄, iar kelo̧k n̄an m̧weo im̧ō Texas. Em̧m̧akūt eo aō ear ejjeļo̧k ejeļā kake me jema im ajri ro jeiū im jatū raar jab pād āt in pād ilo erboot eo n̄an karuwaineneik tok eō ilo kabijuknen.

Juon Jeraam̧m̧an in Kōjparok

Jejjo wōt raan ko ālkin aō kar em̧m̧akūt jān mijen eo aō, ikar bwilōn̄ tōre eo juon aetwerōk ekauwōtata ear waļok epaakeļo̧k ijo ikar jerbal ie. Ilo iien eo, ikar kile ke ļoore rikanaan eo ear dāpij eō ilo kōjparok ilo juon wāween eo ekūr em̧ool. Ikar obrak kōn kam̧m̧oolol kōn rikanaan eo im im̧we eo an.

Iar kōm̧m̧ane kallim̧ur eo n̄an n̄a make ke inaaj kar ron̄jake wōt ta eo rikanaan eo ear ba, men̄e ear jab en̄jaake eo emeļeļe ilo iien eo.

Elder Ulisses Soares jān Doulul eo an Rijilōk ro Jon̄oulruo kiiō ba: “An wōr rikanaan ej juon kōkkaļļe an Anij iakwe n̄an ajri ro Nejin. Rej kōm̧m̧an bwe jen jeļā kallim̧ur ko im kien m̧ool eo an Anij im an Jisōs Kraist n̄an armej ro Aer.”

Ij lukkuun tōmak ke Būreejtōn Russell M. Nelson ej m̧ōttan tooļ in kenono an Irooj. Ej jerbal iok ļo̧k Jemedwōj Ilan̄ im Rilo̧mo̧o̧r eo n̄an tōl kōj n̄an kōjparok im letok Kōjatdikdik im n̄an tōl ilo iien ko rapan̄.

Kōjeraam̧m̧an ko n̄an Ļoore Rikanaan eo

Eļan̄n̄e kwōj ļōmņak wōt n̄e rikanaan eo eaar kūr jān Anij, aō naan in kapilōk ej n̄an mour kake karuwainene eo an. Kajjieon̄ riit naan ko an Būreejtōn Nelson jen kweilo̧k eo ej kab jemļo̧kļo̧k im katak eoon ko eaar ba. Ļoor karuwainene ko an im katak kōjeraam̧m̧an ko ej kallim̧ur kaki ippān ļo̧k karuwainene kein.

Elder Soares barāinwōt ekar kwaļo̧k, “n̄an ļoor [rikanaan ro], mour ko ad renaaj m̧ōņōņōļo̧k im dikļo̧k apan̄, apan̄ ko ad im būrabōļm̧ ko renaaj pidodoļo̧k n̄an ineeki, innām jej kōņak kein tariņa ipeļaakid.”

Em̧ōj aō lo kōjeraam̧m̧an kein ilo mour e aō ilo aō kar ļoore kapilōk eo an rikanaan eo. Ijeļā ke kōjeraam̧m̧an kein rej pād n̄an aolep ro rej likūt aer lōke ilo Anij im rikanaan eo An.