Democratic Republic eo an Congo

Ro rar oktak jinointata ilo Democratic Republic eo an Congo rekar peptaij itulikin jikin in m̧okta jān ro̧o̧l n̄an aelōn̄ ko aer im tilmake tōmak eo aer ippān ro jet. Iien eo mijenede ro raar tōkāākļo̧k ilo DRC ilo 1986, eaar wōr kadede m̧ōņjar n̄an kurup in rioktak ro kajjojo wiik. Stake eo kein kajuon eaar ejaak ilo 1996, im tampeļ eo jinoin ilo laļ eņ eaar aje ilo 2019. Rainin, Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo Democratic Republic eo an Congo ewōr:

• 115,000 membōr ro (iturinļo̧k)

• 27 stake ko, 289 ward ko im branch ko, 5 mijen ko

• 1 tampeļ (Kinshasa) im 3 kar kōjjeļļā kaki (Lubumbashi, Kananga, im Mbuji-Mayi)

Kam̧m̧oolol elap kōn Karōk in Lo̧mo̧o̧r eo

Ke John Lwamba jān Lubumbashi eaar jerbale juon mijen, ļaddik eo jein ekar mej. Ej ba, “Ekar jidik pen n̄an n̄a bwe in bōk ilo meļeļe kōnke e eaar armej eo jinointata ilo baam̧le eo aō n̄an bōk kakkije. Kōn jipan̄ eo an mijen būreejtōn eo aō im jeje ko rekwojarjar, iaar maron̄ bōke, im jen raan eo, en̄jake in eaar kepaakļo̧k eō n̄an Rilo̧mo̧o̧r. Ijeļā bwe ilo An kar jerkak, aolep ro uwaan baam̧le eo aō ro rekar mej renaaj bar jerkakpeje.”