Anij Ekar Kōnono n̄an Armej ro Rekwojarjar kar M̧oktata—Ej Ke Kōnono n̄an Eō?

Jar eo Ettā an Josep

Eaar ijjino kōn juon kajjitōk. Im ekar erom̧ ta eo Elder Alexander Dushku jān Doulul eo an Jiljilimjuonn̄oul eo kar kōmeļeļeiki āinwōt juon “m̧ōkaj an peļļok meram eo im m̧ool eo.” Jar eo ettā an Josep Smith eaar tōl n̄an juon aiboojoj in lotok jān Jemedwōj Ilan̄ im Jisōs Kraist (lale Josep Smith—Bwebwenato 1:14–17). Āinwōt pin in tōmak āinwōt an naaj kar n̄an kōnono ippān Anij ilo jelm̧ae doon, men kein jar jeļā rej jeja im kokwōjarjar.

Tōre in me ejjab aolepād naaj wōr an iien jeja jokkin wōt juōn āinwōt kar Josep, “jej barāinwōt maron̄ wōr ad make jurōn meram—juon meram eļapļo̧k juon ilo̧k juon.” N̄e jej kajjitōk juon kajjitōk im bukwelōlō ilo jar kōn bōro ettā, jenaaj bōk uwaak jān Anij jān Jetōb Kwojarjar.

Pija in jikin kōpeptaij ilo Ogden Utah Tampeļ

Kajoor eo an Tampeļ eo

Armej ro Rekwojarjar ilo Kirtland, Ohio, rekar kōjekdo̧o̧n iien, jāān, im jerbal n̄an kalōk m̧weo im̧ōn Irooj. Ilo aje eo an Kirtland Temple, Josep Smith eaar jar bwe Anij enaaj kōjeraam̧m̧ane Armej rein retiljek kōn kajoor āinwōt aer kar deļo̧n̄ im kar kabun̄jar (lale Katak im Bujen Ko 109:13). Tampeļ eo ej “juon im̧ōn jar, juon im̧ōn jitlo̧k, juon im̧ōn tōmak, juon im̧ōn aiboojoj im n̄an Anij” (Katak im Bujen Ko 109:16).

Ilo raan ko āliktata, jekar jeraam̧m̧an kōn tampeļ ko ilo aolepān peļaakin laļ in. Kōj ro kar kallim̧uri er bwe jenaaj bōk revelesōn ilo ad etal n̄an tampeļ eo. Būreejtōn Russell M. Nelson ekar ba kiiōļo̧k bwe “ilo tampeļ eo jemaron̄ ‘bōk juon tarlep in Jetōb Kwojarjar eo’ [Katak im Bujen Ko 109:15]. Ļōmņak ta ņe meļeļein kallim̧ur ilo tōōm̧ ko kōn an lan̄ ko repeļļo̧k n̄an kajjojo rikapukot ro rem̧ool an m̧ool eo ejjeļo̧k jem̧ļo̧kin .”

Kajjitōk eo an Hyrum n̄an Rikanaan eo

Kwonan̄in ke baj bwilōn̄ enaaj ewi jōkjōkin n̄an kajjitōk ippān rikanaan eo n̄an kōnono n̄an Anij n̄an eok? Hyrum, eo jein ak jatin em̧aan n̄an Rikanaan Josep, eaar baj kōm̧m̧ane men eo. Ekar bōk kapilōk eo an jān Irooj ilo Josep: “Lo kwe kwōj Hyrum, nejū m̧aan; pukot aelōn̄ in Anij, im aolep men kein naaj kobaiki ekkar n̄an men eo ejim̧we” (Katak im Bujen Ko 11:23).

Jet iien, im̧we ej itok jen ro jet. Būreejtōn Russell M. Nelson eaar kapilōk kōj n̄an “pukōt tōl jān ainikien ko kwoj lōki—jān rikanaan ro, rilolo ro, im rikwaļo̧k revelesōn ro im jān unoojdikdik ko an Jetōb Kwojarjar.” Ilo iien in jejjab aolep maron̄ kajjitōk ippān rikanaan eo kajjitōk ko reiookļo̧k e, jemaron̄ in wōt bōk uwaak ko n̄an kajjitōk ko ad make.

Pija in Oliver Cowdery jān Lewis A. Ramsey

Katak in Tōmak eo an Oliver

Oliver Cowdery eaar juon armej eļap jen jon̄an an aorōk an jipan̄ n̄an Josep ilo iien ukook eo an Bok in Mormon. Ak ilo 1829, ekar inepata. Etke ekar jab ekar jab ukook? Irooj ekar leļo̧k n̄an Oliver jejjo̧ naan in kapilōk kōn ewi wāween an bōk juon uwaak n̄an kajjitōk eo an—kapilōk in ej jerbal wōt n̄an kōj rainin.

N̄e ewōr ad kajjitōk, kar rōjan̄ kōj n̄an katak im etale, wōr tōmak, im pedped ioon en̄jake ko (lale Katak im Bujen Ko 9:6–9). En̄jake ko ad remaron̄ itok ilo jekjek in en̄jake ko jet, en̄jake ko rokm̧āāņān, ak aenōm̧m̧an in kōļmenļo̧kjeņ. Āinwōt an Elder Mathias Held jān Jiljilimjuonn̄oul eo kar ba, “N̄e [kōļmeļokjen eo ewōr unin im en̄jaake eo n̄an ello̧wetak eo an Jetōb Kwojarjar.] rej innem kar ko̧ba ilo jetōb ko ad, juon pija elikio ej kwaļo̧k m̧oolin kōn men ko āinwōt aer lukkuun m̧ool.”

Pija jān Craig Alan Shelley

Kōjeraam̧m̧an in Patriak ko an Baam̧le eo an Smith

Kōjeraam̧m̧an in patriak ko rekar m̧ōttan wōt Kabun̄ in jān Kallim̧ur M̧okta (lale Jenesis 48). Tōre eo Kabun̄ in ekar ejaak ilo raan ko āliktata, Anij ear jiron̄ Josep n̄an kūr jemān, Josep Smith Sr., āinwōt juon petriak ilo 1834. Jilu raan tokālik, baam̧le eo an Smith rekar kuktok ippān doon bwe Joseph Smith Sr. en maron̄ leļo̧k kōjeraam̧m̧an in patriak eo n̄an kajjojo iaan ajri ro nejin im kōrā ro pāleer. Kōjeraam̧m̧an kein kar leļo̧k kapilōk im kaenōm̧m̧an n̄an mour ko aer.

Ilo kakobaba n̄an kein kam̧ool eo ej kwaļo̧k bwij eo, juon petriak in kōjeraam̧m̧an “ej jeje ko rekwojarjar am̧ make n̄an eok.” Ilo ad aolep iien katak kōn kōjeraam̧m̧an in patriak ko ad make, jej “aikuj dāpij naan ko raorōk, ļōmņak kaki, im mour n̄an erre eo n̄an bōk kōjeraam̧m̧an ko kar kallim̧ur kaki ilo mour in im ilo mour indeeo.”

Pija in Emma Smith jān Lee Greene Richards

Tōl eo an Emma Make jān Anij

Āinwōt kōrā eo ippān rikanaan eo, Emma Smith ekkā an kar kate kōn mālijjon̄ ko im poktak ko kar kajjitōk ippān baam̧le eo an n̄an ineeki. Ilo Katak im Bujen Ko 25, jemaron̄ riiti naan in kaenōm̧m̧an im kōkajoorļo̧k ko an Jemedwōj Ilan̄ n̄an Emma.

N̄e jej pukōt naan ko ad make kōn kaenōm̧m̧an jān Jemedwōj Ilan̄, jemaron̄ kajjitōk kōn kōjeraam̧m̧an eo an priesthood. Āinwōt Būreejtōn James E. Faust (1920–2007), Rikakpilōklōk eo Kein Karuo ilo Būreejtōnji eo Kein Kajuon, ekar kwaļo̧k: “Priesthood Kōjeraam̧m̧an ko remaron̄ jipan̄ kōj ilo kāālet ko reddik im reļļap ilo mour ko ad. Eļan̄n̄e, kōn kōjeraam̧m̧an ko an priesthood, jemaron̄ in kile wōt juon m̧ōttan jidikdik jān armej eo Anij ej lōmņake kōj n̄an āinwōt, jenaaj maron̄ luuj ad mijak im jamin bar pere bar juon alen.”

Pija in Joseph F. Smith jān Albert Salzbrenner

Katak kōn Jeje ko Rekwojarjar an Joseph F. Smith

N̄e nan̄inmej, tariņae, im mej kar kakkure laļ in ilo 1918, rikanaan Joseph F. Smith eaar oktakļo̧k n̄an jeje ko rekwojarjar n̄an uwaak ko. Ālkin katak kōn naan ko an Piter ilo Kallim̧ur Ekāāl, eaar jino kōļmeļo̧kjen im ļōmņak kaki. Kar po̧o̧kļo̧k e ettoļo̧k ilo juon visōn n̄an Kabun̄ in ijo eaar loe Rilo̧mo̧o̧r eo ej ejake jerbal in mijenede ilo laļ eo an jetōb. (Lale Katak im Bujen Ko 138.)

Āinwōt Elder Robert D. Hales (1932–2017) jān Doulul eo an Rijilōk ro Jon̄oulruo kar katakin: “N̄e jej kōņaan in kōnono n̄an Anij, jej jar. Im n̄e jej kōņaan bwe E en kōnono n̄an kōj, jej riiti jeje ko rekwojarjar.” Jeje ko rekwojarjar rej naan ko an Anij kar kōjparok ilo jeje, im ilo epepen kein an digital, rekar jab lukkuun ļap an pidodo tōpari n̄an kōj. Ilo ad riit im ļōmņak kōn jeje ko rekwojarjar, jenaaj loe jipan̄ jān lan̄ eo me jej aikuji.

Pija jān John McKinney

Unin Kijejeto ko n̄an Ron̄jake E

Būreejtōn Nelson ekar katakin: “Ilo ad kappukot n̄an erom̧ rikaļoor ro an Jisōs Kraist, kijejeto ko ad n̄an ron̄jake E aikuj bwe en wōr unin elapļo̧k. Ebōk iien im kijejeto ko repen n̄an kobrak mour ko ad kajjojo raan kōn naan ko An, katak ko An, m̧ool ko An.” Āinwōt Armej ro Rekwojarjar m̧okta, jej maron̄ bōk ennaan ko jān Anij me rej ad make im m̧oolin.

Anij ekar kōnono n̄an er. Enaaj kōnono n̄an kōj. Kōj jej aikuj in ron̄jake E.