“Pād Wōt Ippān Rilo̧mo̧o̧r eo,” Liaona, M̧aaj. 2025.
Ainikien Armej ro Rekwojarjar ilo Raan Ko Āliktata
Pād Wōt Ippān Rilo̧mo̧o̧r eo
Ke kōmij jino wōtļo̧k, em̧ōkaj an jema im sister eo aō diwōj jen wa eo!
Kōmeļeļe jān David Miles
Juon jōm̧ar baam̧le eo aō raar etal n̄an juon iien kakkije n̄an turear in China, ijo kōm̧ kar iuwe ioon waan terrain ko (ATVs) wa ko ibulōn wōjke ko. Ke kōmij tōparļo̧k ATV in kāām eo, kōm̧ kar bwilōn̄ ke rijineet eo ej letok n̄an kōm nuknuk in kōjparok ānbwinnim̧ im at im māj. Āinwōt ekar jidik pen kilen kōņaki bwe ekar lukkuun bwiļ, juon raan em̧ōlawi, ak kōm kar baj kōņaki wōt.
Ālkin am bōk kōmeļeļe ko n̄an kilen kattōr, kōm̧ kar em̧m̧akūt im waļo̧kļo̧k kar tōpar ijo eutiej jidik ilo iaļ eo am. Kōn kar bōjrak jidik im idaak aebōj im irļo̧k menokadu in turin mejam̧
Rijineet eo am eaar kōmeļeļeiki ke ijo laļļo̧k eo enaaj kaipokpok jidik. Kōm̧ij aikuj epaake wōt doon n̄an ejake juon ATV train, jān kajjojo ATV rej itaak ippān wa eo im̧aan im itu likin n̄an an wa eo jokkin wōt juon.
Ke kōm̧ kar jino walaļļo̧k, kōm̧ kar kūr doon n̄an lale am̧ wanlaļļo̧k. Kōm̧ kar jidik jepelļo̧k jen doon, ijoke, likūt jidik kōta ikōtaan wa eo waaō im ATV eo eo jema ej kattōre im leddik eo jatū, Vivi. Āliktata Vivi im jema raar diwōj jān wa eo waer! Jema eaar kelo̧k ioon Vivi iien eo wōt n̄an bōbraeiki jān an ATV eo bun̄ūti.
Kōm kar lukkuun kam̧m̧oolol tōre eo kōm kar loe an jema im Vivi jutak im pookļo̧k bun̄al jen aetok ne ko aer. Kam̧m̧oolol n̄an nuknuk in kōjparok ko aer raar kōņaki, jema ekar ikinejnej wōt. Vivi eaar lukkkuun leln̄on̄ bōtaab eaar jab jorrāān. Ke kōm̧ kar bar aiintok doon, rijineet eo eaar kakeememej kōm̧ ilo juon aenikien ekajoor bwe kōm̧ij aikuj pād wōt ippān doon ilo ATV ko bwe kōmin jab bar wōtļo̧k.
Ilo mour jet iien jej po in ļōmņak n̄an kōm̧m̧ani men ko ad make. Jej ļōmņak jejjab aikuj in kōņak nuknuk in kōjparok ko an gospel in, eo emaron̄ letok en̄jake eo ejjab em̧m̧an. Barāinwōt, jemaron̄ loe an apan̄ kajjojo iien ko n̄an pād im pād wōt ippān Jemedwōj Ilan̄. N̄e jej likjab in kōm̧m̧ane men kein, jej pād ilo iaļen kauwōtata in im iaļ ko an laļin kōn kōj make, leļo̧k n̄an jorrāān ko reļļap ilo mour in jetōb.
Eļan̄n̄e jenaaj kōjerbal kein kōjparok ko an gospel in kar letok n̄an pād ippān Jemedwōj Ilan̄ im Jisōs Kraist, jenaaj jelm̧ae apan̄ ko repād im̧aan ilo mour ko ad. Jekdo̧o̧n ewi jon̄an an kamijak ak nana iaļ in, kōn Er jemaron̄ tōprak.