“Eddāp n̄an Bujen Ko Ad,” Liaona, M̧aaj. 2025.
Kōjerbal Māākjiin ko an Kabun̄ in
Eddāp n̄an Bujen Ko Ad
Ennaan eo an māākjiin ko an Kabun̄ in ilo allōn̄ in enaaj jipan̄ kwe ilo am̧ kappukot n̄an “eddāp n̄an bujen ko” kwaar kōm̧m̧ani (Katak im Bujen Ko 25:13).
Katak jān Māākjiin In
Ron̄jake Ainikien Lan̄
Ilo peij 2, Elder Neil L. Andersen eo jān Doulul eo an Jon̄oulruo Rijilōk ro ej kakeememej kōj bwe ainikien eo jān laļ emaron̄ kōm̧ad kōj jān ainikien eo an Jetōb. Ewōr ke menin kōm̧ad ko ilo mour eo am̧ me ej kōm̧m̧an an pen am̧ ekkeijeļļo̧k ippān Anij? Kwomaron̄ kōm̧m̧ane juon kōttōpar allōn̄ in n̄an kadikļo̧k menin kōm̧ad kein, āinwōt joļo̧k eļapļo̧k iien kabun̄jar ilo tampeļ ak kōm̧m̧ane juon iien am̧ jitlo̧k jān social media.
Jipan̄ Ro Jet Bōk Kōjeraam̧m̧an Ko An Anij
Ennaan eo ilo peij 18 ej kōmļeļeik wāween an membōr ro an Kabun̄ in maron̄ loe lan̄lōn̄ im bōk koņaer ilo tampeļ eo an Irooj, jekdo̧o̧n jekjek in m̧are rot eo. Ta eo kwomaron̄ kōm̧m̧ane n̄an jipan̄ Armej ro Rekwojarjar m̧ōttam̧ meļeļe im bōk kōjeraam̧m̧an ko Jemedwōj Ilan̄ ekar leļo̧k n̄an aolep ro Nejin ro rej kōjparok bujen ko Ippān?
Bōk im Kūle Revelesōn
Riiti bwebwenato eo ilo peij 44 jān Elder Christophe G. Giraud-Carrier eo an Jiljilimjuonn̄oul eo n̄an pukōt ļalem kōļmeļo̧kjen ko n̄an bōk im kūle revelesōn. Ilo eria ta ko ilo mour eo am̧ kwoj aikuji tōl eo ekwojarjar? Ļōmņak in mour kake pedped in katak eo jān Elder Giraud-Carrier ilo am̧ kappukot im̧we jān Anij ilo allōn̄ in.