Ial eo Aō n̄an Kijenmej

Pija in rijeje eo jān Shaun Sutton

Ke ikar ro̧o̧l n̄an m̧weeo iturilik in Philippines ilo 2016 ālkin jerbale juon mijen eo eutiej ilo turear in Philippines, ikar reim̧aanļo̧k n̄an aō deļo̧n̄e Brigham Young University—Hawaii im kajjieon̄ jeļā im ekatak aolep m̧akūtkūt ko jet rej pojak n̄an rūm̧m̧an ded ro.

Ejjab etto, ijoke, ikar jino aidikļo̧k. Taktō eo aō eaar kalikkar nan̄inmej in thyroid eo aō. Eaar kamijak eō kōn naan in rōjan̄ ko eļan̄n̄e nan̄inmej in enaaj etal im ejjeļo̧k kōm̧adm̧ōd n̄an e.

Kōn an ejjeļo̧k uno, ānbwinnū ekar jino oktak. Meja eaar jino m̧ōjņo̧ļo̧k, im iaar jino aedikļo̧k. Iaar m̧akoko bwe ren pijaik eō im bar kalimjōk kūlaaj eo kōn wōt paoktokū.

Uno ko raar jino jipan̄. Ak jilu iiō tokālik, eaar alikkar aō nan̄inmej kōn nan̄inmej eo kein karuo—edodo kin inepata eļap. Nan̄inmej kein ruo raar kakkure lōke eo aō make. Iaar m̧ōjņo̧ in jerkak jān peet eo aō n̄an etal n̄an jikuuļ, iaar en̄jake ijjab maron̄ jerbal ilo Kabun̄ in.

Ikar illu bwe Anij ekar kōtļo̧k bwe menin en waļo̧k. Ikar bwilōn̄ etke ij aikuj jerbal kōn aolepān būruwō im aō eļan̄n̄e kōm̧m̧an ko aō rej bōktok wōt jorrāān? Ikar bōk aenōm̧m̧an, ijoke, jān naan kein jān Būreejtōn Jeffrey R. Holland, Ripenej Jenkwan Būreejtōn eo an Doulul eo an Rijilōk ro Jon̄oulruo: “Ļōmņak eo erup maron̄ bar mour āinwōt an dii ko rub im bōro ko rub rej bar mour.” Ikar jan̄ ke ikar ron̄ naan kein. Ewōr juon aō ļōmņak eo erup me ej aikuj kōmour.

Ikar rūttoļo̧k ilo juon kapijuknen eo eļap tōmak ilowaan, im lōke eo aō ilo Jemedwōj Ilan̄ im Jisōs Kraist eaar pād wōt im tōt men̄e metak im pere. Jidik kōn jidik, ikar errā im kōm̧m̧an oktak ilo jekjek ko aō rōkāāl.

Kiiō, ralitōk iiō tokālik, ejakoļo̧k aō raļo̧k itok wōt jen nan̄inmej eo aō. Ikar būki āinwōt m̧ōttan mour e aō. Ij en̄jake aō mour ļo̧k. Imaron̄ jerbal im mour kōn mour anemkoj, ilo ājmour mālijjon̄ ko remaron̄ wōnm̧aanļo̧k wōt ilo aolepān mour eo aō. Ikar jeļā bwe kijenmej im likatōttōt ej m̧ōttan wōt mour in (lale Katak im Bujen Ko 121:7–8). Ij katak kilen idaak kab eo nimō emeo̧ im pād wōt ilo kajoor.

N̄a kiiō ij jerbal ilo personnel department eo an artificial intelligence company eo im ebbōk kūlaaj ko ilo online ilo bon̄ jān Brigham Young University–Pathway Worldwide. Ikar bōjrak aō kajjitōk “Etke n̄a?” im kar jino kajjitōk “Ta eo imaron̄ katak? Ewi wāween aō jeraam̧m̧an jān ta in iaar en̄jake?”

Reilikļo̧k, ij loe bwe Jemedwōj Ilan̄ im Jisōs Kraist raar pād wōt ippa ilo aolepān iien eo. Wōnm̧aanļo̧k wōt, ijeļā wōn imaron̄ in lōke (lale Jabōn Kōnnaan Ko 3:5–6; 2 Nipai 4:34).