Jāāk e Kōjam̧ in Wōrwōr eo

Pija in rijeje eo ilo jikin tāāp menin mour eo jān Shaun Sutton

Iturin ļo̧k jem̧ļo̧kin iien ko aō āinwōt juon service mijenede eo edik, ikar ļoor kūle eo ippa n̄an jerbal ruo raan ko ilo juon wiik ilo juon jikin kakūjje bajjōk kar jikin tāāp menin mour ilo Utah n̄an ritariņae im baam̧le ko remour rar jo̧o̧r. Ekar ejjeļo̧k aō o̧o jeļā kōn jabdewōt jekdoon ko rejelet lale jikin tāāp menin mour, ak iar itok limoū.

Im̧anļo̧k ilo raan ko aō ijeņ, kar kajjitōk ippa bwe in karreoki jikin kōppād an kidia ko. Eo m̧ōtta em̧m̧an im kōmpānien ippān eo ikar etal in katakin ilo joteen eo, Elder Saltern, ear jitōn̄e n̄an kwaļo̧k n̄an eō ta in kōm̧m̧ane.

Juon eo raan ilo aō tōprakļo̧k m̧ōn kidia eo āliktata n̄an karreoiki, ikar ļoore Elder Saltern ilo. Ilo kōļmenļo̧kjeņ eo aō ikar bōk būlo̧ņ eo emera n̄an kajjitōk n̄an kiili kōjem̧ in wōrwōr eo itulikūm̧ro. Ikar jurjurļo̧k ļōmņak eo im aikuj n̄an jerbal in karreo.

Kidia eo ilowaan im̧eo jikin, Shrek, ekar juon iaan kidia ko rekileptata ilo jikin tāāp menin mour eo. Ear jino an em̧m̧akūtkūt ilo an mijak ke kōm̧ij karreo. Ejjab etto, Shrek ear m̧ōkaj an duwōj jān mājen wōrwōr eo ilo imeo̧ jikin im kar ettōr m̧ōkajļo̧k im le jān kidia ko jet nabōj ilo aer ippān doon.

Lukkun kam̧m̧oolol, juon iaan em̧m̧aan ro ewōr aer imminene ilo jikin tāāp menin mour eo ear bōk juon bōkaj in oak ko ilowaan im kerim kwaļoki n̄an kōro̧o̧ltok kidia eo. Ke ej kadeļo̧n̄e Shrek ilowaan m̧weo̧ jikin, ekar reitok n̄an n̄a im kajjitōk ilo an laudin̄din̄, “Ta eo jekar ekkatak?”

Jeļā eo kar katak ear n̄an aolep iien kiil kōjem in wōrwōr eo. Kar maron̄ kakeememej eō kōn juon eoon ikar riiti jibbon̄ eo me ekar katakin eō n̄an kōtļo̧k “n̄an karreelel ko an Jetōb Kwojarjar” (Mosaia 3:19).

Ke Elder Saltern im n̄an kar deļo̧n̄e jikin kōppād eo an Shrek, ikar kōjekdo̧o̧n juon kakemejmej jān Jetōb Kwojarjar eo n̄an kiili kōjem̧ in wōrwōr eo. Ikar kun jān aō tōmak Jetōb eo ilo an letok kapilōk eō kōn ta eo ikar ļōmņak men ko an “jetōb” rejlet jeje ko rekwojarjar ak kien ko. Menin iar katak jāne ear kōttāik eō. Iar kemejmej ke jeļāļo̧kjeņ eo an Jetōb ear ļapļo̧k jān eo aō ikar kūle—jekdoon ta eo ej itok n̄an pād ilo jikin tāāp menin mour in!

Būreejtōn Thomas S. Monson (1927–2018) ear katakin, “Keememej bwe jerbal in ejjab am̧ im aō make. … N̄e jej pād ioon jerbal eo an Irooj; ewōr ijo ad n̄an jipan̄ ko an Irooj.”

Imaron̄ jab kar katakin gospel eo ilo jikin tāāp menin mour eo, āinwōt aō naaj kar joteen eo ippān Elder Saltern, ak ear wōt ijo aō n̄an kōmeļeļeik jipan̄ im iaļan tōl—men̄e ilo iien karreoiki m̧weo̧ jikin kidia ko.