En̄jake ilo Al in Kwojkwoj eo

Enan̄in aolep wiik, ij pād ilo Kweilo̧k in Kwojkwoj eo ilo ward eo am n̄an bōk m̧ōttan kwojkwoj eo n̄an kōkāāl bujen peptaij eo aō im bōk juon jeo̧rļo̧k in bōd kōn jerawiwi ko aō. Emakijkij aō loe an pidodo kōtļo̧k kain̄i in ekwojarjar bwe en erom iminene, juon men ij kōm̧m̧ane ilo aō jab lukkun ļōmņake. Ak kōn emakijkij in, Irooj eaar kōjeraam̧m̧an eō kōn juon jetōbin en̄jake ekajoor eo ej pād ippa.

Kain en̄jake in eaar waļo̧k ilo juon iien kweilo̧k eo eļap an ward ilo Park Ridge 1st Ward Australia Beenleigh Stake. Ilo iien eo, iaar jerbal āinwōt juon rijipan̄ stake kūļōk, eddoin rekoot ko an Stake history. Iaar etal n̄an kweilo̧k eo kōn bok in jeje eo aō, pojak in kōm̧m̧ane jerbal eo aō, ak iaar en̄jake juon mejatoto ekāāl kōn jibadbad im peran.

Ke jarlepju eo rej al #191, “Behold the Great Redeemer Die,” jaar lo naan kein:

“Father, from me remove this cup.

Yet if thou wilt I’ll drink it up,

I’ve done the work thou gavest me,

I’ve done the work thou gavest me,

Receive my spirit unto thee.”

Āliktata, naan kein raar un̄iir būruwō.

Ļōmņak eo aō eaar oktaļo̧k n̄an apan̄ ko me n̄a im kōrā eo ippa kom̧ro kar iooni ilo iiō ko ļo̧k. Iiō ko remootļo̧k, ājmour eo ekar mokaj an oktak jen em̧m̧an n̄an nana ālikin an baj kar mej, kōm̧m̧an bwe en to kitien en̄taan ko ilo ānbwin me eaar kōm̧m̧an bwe en kōjerbal wiiļjea. Ium̧win jon̄oul iiō, iaar juon an rikōjparok, jipan̄ e dipuk apan̄ kein ilo aō barāinwōt dipuk apan̄ ko aō make ikijeen jejjo aō nan̄inmej. Ippān doon, komro kar en̄jake elōn̄ eddo, ekoba būrom̧ōj ilo bōro kōn am lo an jet iaan ajri ro nejim im jibum etal jān gospel in. Jet iien, “kab” eo nimō eaar obrak.

Iar kile ke aolepād ewōr ad jerbal n̄an kōm̧m̧ani ilo mour in. Kar letok n̄an kōj kajjojo kab ko ad make bwe jen idaak. Men̄e āinwōt juon baba, m̧am̧a, ajri, ak ilo jikin jerbal, jikuuļ, kūr, ak eddo ko an baam̧le, jej aolep ioon apan̄ ko me remaron̄ mālijjon̄e kōj. Jet iien, kab in emaron̄ pen n̄an bōke.

Iaar ļōmņak kōn ro remaron̄ ioon apan̄ ko ilo ānbwin, ro rej luji jerbal, pen auia ilo jikuuļ, an̄ūrlep, ak jerbal ko reddo n̄an ineeki, nan̄inmej, ak utam̧we in ānbwin ilo baam̧le eo. Apan̄ kein, āinwōt ilo aer eppen, rej m̧ōttan jerbal eo an Irooj eaar letok n̄an kōj. Rej iien ko rem̧m̧an n̄an kam̧ool ad iakwe n̄an E im n̄an ro ipeļaakid.

Ilo iien eo, iaar kajjitōkin eō make kajjitōk in: “Ipojak ke in ‘idaake kab eo?’”

Waanjon̄ak eo an Rilo̧mo̧o̧r eaar itok n̄an ļōmņak eo aō. Ilo jikin Kallib Getsemane, E eaar bar ioon eddodo kōn kab eo An make, eaar ba, “Jema, n̄e ekkar, bōkļo̧k kab in.” Im aaet, ilo wūjlepļo̧k eo eweeppān, Eaar ba, “A en jab ankil Aō a Aṃ wōt.”

Ļōmņak in eaar letok n̄an eō juon ijjino eo eperan n̄an bun̄ m̧aanļo̧k kōn tōmak. Iaar ļōmņak kōn raan eo ij kōjatdikdik n̄an jutak im̧aan mejen Irooj n̄an ron̄jake naan ko, “Ededeļo̧k, kwoj rikarejar eo em̧m̧an im etiljek. N̄an tōpr raan eņ, ijeļā ij aikuj wōnm̧aanļo̧k wōt im idaak jen kab eo an Irooj ekar letok n̄an eō, men̄e e meo.

Waanjon̄ak eo an Rilo̧mo̧o̧r eaar katakin eō bwe apan̄ ko jej jelm̧aiki rejjab n̄an kakkure kōj ak n̄an kōkāāl kōj. Iaar jino meļeļe bwe “kab” eo an Irooj ej letok n̄an kōj kajjojo ejjab wōt mālijjon̄e ad tōmak ak ej barāinwōt juon kūr n̄an mije wōt Pinmuur eo eļapļo̧k im n̄an lōke indeeo eo An ejjeļo̧k jem̧ļo̧kin. Āinwōt Job ilo Kallim̧ur M̧okta, iaar bōk peran kōn jeļāļo̧kjeņ bwe Anij ejeļā ta eo ij aikuji n̄an kōkāāl eō, men̄e ijjab. Im n̄e eddodo ko aō ekkā en̄jaki reddo, imaron̄ ba ilo ejjeļo̧k āliklik ke ejjeļo̧k aorōkier n̄an keidi en̄taan eo an Rilo̧mo̧o̧r n̄an kōj.

En̄jake kein raar kam̧wilaļļo̧k iakwe eo aō n̄an kōrā eo ippa n̄an kōkajoorļo̧k aō kōm̧m̧an n̄an juon waanjon̄ak eo em̧m̧anļo̧k n̄an ajri ro neju. Raar barāinwōt katakin eō bwe in lo kwojkwoj eo kōn māj ekāāl, ilo aō kōļmenļo̧kjeņ kōn an ānbwinin Rilo̧mo̧o̧r metak im bōtōktōkin im keememej pokake eo An eweeppān kar kōm̧m̧an bwe en pidodo bwe in jelmae apan̄ ko aō make. Iaar liaajļo̧ļ elōn̄ iiō ko, eļaptata ilo iien ko reppen, ak ilo iien ko, iaar lo̧kjak im ba, men̄e metak kein: “En jab ankilaaō, ak En ankilaam̧.”

Ilo 76 iiō kiiō, em̧ōj aō kōm̧m̧ane elōn̄ men ko rem̧m̧an. Ijjab jeļā m̧ōttan jete aō iiō, ak ij kōjatdikdik bwe in tiljek n̄an jemļo̧kin. Jekdo̧o̧n “kab” rot eo Irooj ej kepooje n̄an eō, inaaj idaak kōn m̧ōņōņō, jeļā bwe Rilo̧mo̧o̧r ekar idaak jen kab eo emeo̧ n̄an kōj aolep. Kōn wōt E, jeban make ļo̧k iaad.