Ripapelika Temokarasi o Congo

O uluai tagata liliu mai i le Ripapelika Temokarasi o Congo na papatisoina i fafo atu o le atunuu a o lei toe foi atu i lo latou atunuu ma faasoa atu lo latou faatuatuaga i isi. Ina ua taunuu faifeautalai i le DRC i le 1986, ua uma ona i ai ni vaega o tagata liliu mai e feiloai i vaiaso taitasi. O le siteki muamua na faavaeina i le 1996, ma o le uluai malumalu i le atunuu na faapaiaina i le 2019. O le asō, ua i ai i Le Ekalesia a Iesu Keriso o le Au Paia o Aso e Gata Ai i le Ripapelika Temokarasi o Congo:

• 115,000 (pe a) tagata o le ekalesia

• 27 siteki, 289 uarota ma paranesi, 5 misiona

• 1 malumalu (Kinshasa) ma le 3 na faasilasila mai (Lubumbashi, Kananga, ma Mbuji-Mayi)

Faafetai mo le Ata o le Faaolataga

A o auauna atu John Lwamba mai Lubumbashi i se misiona, na maliu lona uso matua. Fai mai a ia, “Sa fai si faigata ia te a’u ona talia aua o ia o le tagata muamua i lo’u aiga na maliu. Faatasi ai ma le fesoasoani a lo’u peresitene o le misiona ma tusitusiga paia, sa mafai ai ona ou taliaina, ma talu mai lena aso, o lenei aafiaga ua ou latalata atili atu ai i le Faaola. Ou te iloa a o toetu mai o Ia, o le a toetutu mai tagata uma o lo’u aiga ua maliliu.”