“Kushikilia Maagano Yetu,” Liahona, Machi 2025.
Kutumia Majarida ya Kanisa
Kushikilia Maagano Yetu
Makala katika majarida ya Kanisa ya mwezi huu yanaweza kukusaidia unapotafuta “kuyashikilia maagano” ambayo umeyafanya (Mafundisho na Maagano 25:13).
Kujifunza kutoka kwenye Toleo Hili
Sikia Sauti ya Mbinguni
Kwenye ukurasa wa 2, Mzee Neil L. Andersen wa Akidi ya Mitume Kumi na Wawili anatukumbusha kwamba kelele za ulimwengu zinaweza kutuvuruga kutoka kwenye sauti ya Roho. Je, kuna vivuta mawazo katika maisha yako ambavyo vinafanya iwe vigumu kwako kuungana na Mungu? Ungeweza kuweka lengo mwezi huu la kupunguza vivuruga mawazo hivi, kama vile kutumia muda mwingi kuabudu hekaluni au kufanya mfungo kutoka kwenye mitandao ya kijamii.
Wasaidie Wengine Kupokea Baraka za Mungu
Makala kwenye ukurasa wa 18 inajadili jinsi waumini wa Kanisa wanavyoweza kupata shangwe na kuwa sehemu ya hekalu la Bwana, bila kujali hali ya ndoa. Unaweza kufanya nini ili kuwasaidia Watakatifu wenzako kuelewa na kupokea baraka ambazo Baba wa Mbinguni ametoa kwa watoto Wake wote ambao wanashika maagano naye?
Pokea na Tambua Ufunuo
Soma makala kwenye ukurasa wa 44 na Mzee Christophe G. Giraud-Carrier wa Wale Sabini ili kupata mawazo matano ya kupokea na kutambua ufunuo. Ni katika maeneo gani ya maisha yako unahitaji mwongozo mtakatifu? Fikiria kutumia kanuni zilizofundishwa na Mzee Giraud-Carrier unapotafuta mwongozo wa kiungu kutoka kwa Mungu mwezi huu.