Liesi, Pelisiume

Ngalingali naʻe fuofua tūʻuta ʻa e ongoongolelei ʻo Sīsū Kalaisi kuo fakafoki maí ki Pelisiume ʻi he taimi naʻe kamata akoʻi ai ʻe ha papi ului ʻo e Siasí mei Toake ko Misikā Mākou, ʻa e fāmili ʻEselimaní ʻi he 1888. Hili honau papitaisó, naʻe kamata ngāue leva ʻa e kau faifekau ʻi Suisalani mo Siamané ʻi Pelisiume. ʻI ha māhina pē ua, naʻe kau ha kakai ʻe toko 80 ki he Siasí, pea naʻe fokotuʻu leva ha ngaahi haʻofanga lotu ʻi Liesi, Palāsolo pea mo ʻEnituepi. Ko e ʻaho ní, kuo maʻu ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Pelisiume ha:

• kāingalotu (fakafuofua ki he) toko 6,600

• siteiki ʻe 2 (uooti ʻe 11, kolo ʻe 2)

• temipale ʻe 1 (naʻe fanongonongo ʻi he 2021, ke langa ʻi Palāsolo)

Ngaahi Tāpuaki ʻo e Ako Folofolá

ʻOku pehē ʻe Kēleni Ueili ʻo e Uooti Nameá fekauʻaki mo hono fāmilí: “ʻOku mau ako fakataha ʻemau folofolá mo fevahevaheʻaki ʻemau fakakaukaú mo e ueʻi fakalaumālié. ʻOku mau fakaʻaongaʻi ʻa e folofolá kae pehē foki ki he ngaahi vitioó mo ha ngaahi maʻuʻanga tokoni kehe, hangē ko e makasini Ko e Kaumeʻá, ke tokoni ke mahino lelei ange ki heʻema fānaú ʻa e tokāteliné. Ko e ola lelei lahi taha kuó ma maʻú ko e tupulekina ʻa e uouangatahá ʻi homau ʻapí.”