មានអំណរគុណចំពោះព្យាការីម្នាក់

ប្រធាន រ័សុល អិម ណិលសុន ចាប់ដៃជាមួយស្ត្រីម្នាក់នៅរដ្ឋហាវ៉ៃ — ប្រធាន រ័សុល អិម ណិលសុន ស្វាគមន៍ពួកបរិសុទ្ធថ្ងៃចុងក្រោយនៅទីក្រុងឃូណា រដ្ឋហាវ៉ៃ កាលពីថ្ងៃទី ១៦ ខែ ឧសភា ឆ្នាំ ២០១៩ ក្នុងដំណើរទស្សនកិច្ចការងារបម្រើរបស់លោកនៅប៉ាស៊ីហ្វិក ។

ជូនចំពោះមាតាបិតា

នៅខែនេះប្រធាន រ័សុល អិម ណិលសុន ប្រារព្ធខួបកំណើតលើកទី ១០០ របស់លោក ។ អត្ថបទក្នុងច្បាប់នេះគូសបញ្ជាក់ពីរបៀបដែលលោក និងព្យាការីដទៃទៀតចង្អុលបង្ហាញយើងទៅកាន់ព្រះយេស៊ូវគ្រីស្ទ ។

វិធីមួយដែលយុវវ័យអាចធ្វើតាមព្យាការីគឺដោយការឆ្លើយតបទៅនឹងការអញ្ជើញរបស់លោកឲ្យចូលរួមថ្នាក់សិក្ខាសាលាជាទៀងទាត់ ហើយអានព្រះគម្ពីរជារៀងរាល់ថ្ងៃ ។ លោកបានសន្យានូវពរជ័យដ៏អស្ចារ្យដល់អ្នកដែលធ្វើដូច្នោះ រួមមានការរៀនទទួលវិវរណៈផ្ទាល់ខ្លួន ស្វែងរកចម្លើយចំពោះសំណួរដ៏លំបាកៗក្នុងជីវិត និងមកស្គាល់ព្រះអង្គសង្គ្រោះ ។ តើកូនជំទង់ៗរបស់បងប្អូនបានឮការអញ្ជើញពីព្យាការីនេះឬទេ ? សូមចូលទៅកាន់ seminary.ChurchofJesusChrist.org ដើម្បីស្វែងរកព័ត៌មានបន្ថែមទៀត ។

ការពិភាក្សាអំពីដំណឹងល្អ

ចងចាំសេចក្ដីសញ្ញារបស់បងប្អូន

នៅក្នុងអត្ថបទរបស់ប្រធាន ជែហ្វ្រី អ័រ ហូឡិន នៅ ទំព័រ ៤ យើងរៀនពីរបៀបដែលការរក្សាសេចក្ដីសញ្ញារបស់យើង និងការពាក់សម្លៀកបំពាក់ពិសិដ្ឋនៃបព្វជិតភាពបរិសុទ្ធបន្ទាប់ពីយើងទទួលអំណោយទានពិសិដ្ឋ ផ្ដល់ដល់យើងនូវការការពារ ហើយរក្សាយើងឲ្យនៅជិតព្រះវិញ្ញាណ ។ បងប្អូនអាចចែកចាយជាមួយគ្រួសាររបស់បងប្អូននូវការដកស្រង់ពីអត្ថបទនោះ ហើយពិភាក្សាអំពីរបៀបដែលការពាក់សម្លៀកបំពាក់ពិសិដ្ឋ « គឺជាការបង្ហាញចេញមកខាងក្រៅនូវការតាំងចិត្តខាងក្នុងខ្លួន » ។ តើការបង្ហាញចេញមកខាងក្រៅអ្វីខ្លះដែលយើងធ្វើ ដើម្បីបង្ហាញពីការតាំងចិត្តរបស់យើងក្នុងការធ្វើជាសិស្ស ?

គោរពតាមព្រះបញ្ញត្តិទាំងឡាយ

អែលឌើរ អាយស៊ីក ខេ ម៉ូរីសុន បានសូមសារផ្ទាល់ខ្លួនមួយពីប្រធាន ណិលសុន សម្រាប់ភរិយា និងកូនៗរបស់លោក ។ ការឆ្លើយតបរបស់ព្យាការីគឺ « កាន់តាមបញ្ញត្តិ » ។ ( សូមមើល ទំព័រ ២០ ) ។ បងប្អូនអាចសួរកូនៗរបស់បងប្អូន ៖ តើជម្រើសរបស់កូនអាចខុសគ្នាយ៉ាងដូចម្ដេច ប្រសិនបើព្យាការីអង្គុយនៅតុជាមួយកូន ហើយសុំឲ្យកូនកាន់តាមបញ្ញត្តិនោះ ?

ធ្វើតាមព្យាការី

ប្រធាន ណិលសុន ឈានចូលអាយុ ១០០ ឆ្នាំ ក្នុងខែនេះ ! ប្រធាន ដាល្លិន អេក អូក ចែកចាយមេរៀនមួយចំនួនដែលលោកបានរៀនពីព្យាការី ( សូមមើល ទំព័រ ១២ ) ។ តើកូនៗរបស់បងប្អូនបានរៀនអ្វីខ្លះពីព្យាការី ? តើមានសុន្ទរកថា ឬការប្រជុំធម្មនិដ្ឋានជាក់លាក់ណាមួយដែលលេចធ្លោចំពោះពួកគេដែរឬទេ ? ចែកចាយគំនិតរបស់បងប្អូន ។ បងប្អូនអាចមើលសារវីដេអូពីលោក ។

ចូរមកតាមខ្ញុំ ការកម្សាន្តសប្បាយប្រចាំគ្រួសារ

ការស្តាប់ឮព្រះសូរសៀងរបស់ព្រះ

នីហ្វៃទី៣ ១១:៥

នៅក្នុង នីហ្វៃទី៣ ១១ យើងអានពីរបៀបដែលពួកសាសន៍នីហ្វៃមិនអាចឮព្រះសូរសៀងរបស់ព្រះ រហូតដល់ពួកគេបែរភ្នែករបស់ពួកគេឆ្ពោះទៅរកសំឡេង ហើយបើកត្រចៀករបស់ពួកគេ ។

ឈរទល់មុខនរណាម្នាក់ ។ បែរខ្នងដាក់គ្នា ដើម្បីបងប្អូនមិនមើលគ្នាទៅវិញទៅមក ។
មនុស្សម្នាក់ជាអ្នកនិយាយ ហើយម្នាក់ទៀតគឺជាអ្នកស្តាប់ ។ សូមឲ្យអ្នកស្តាប់ខ្ទប់ត្រចៀករបស់គាត់ ។
ឲ្យអ្នកនិយាយនិយាយឃ្លាមួយក្នុងសំឡេងស្ងប់ស្ងាត់ដូចជា « ខ្ញុំកំពុងព្យាយាមធ្វើដូចព្រះយេស៊ូវដែរ » ។
មើលថាតើអ្នកស្តាប់អាចប្រាប់ពីអ្វីដែលអ្នកនិយាយកំពុងនិយាយឬទេ ។
ឥឡូវនេះ ឲ្យអ្នកស្តាប់បើកត្រចៀករបស់គាត់ ហើយបែរទៅរកមនុស្សដែលនិយាយ ។
អ្នកនិយាយនិយាយឡើងវិញនូវឃ្លាដដែលនោះ ។

ការពិភាក្សា ៖ តើវាងាយឮសំឡេងជាងទេ នៅពេលដែលអ្នកស្តាប់បានឈរទល់មុខនឹងអ្នកនិយាយ ? សូមអាន នីហ្វៃទី៣ ១១:៥ ។ តើបងប្អូនអាចបែរភ្នែករបស់បងប្អូន ហើយបើកត្រចៀករបស់បងប្អូនទៅព្រះសូរសៀងរបស់ព្រះនៅថ្ងៃនេះយ៉ាងដូចម្ដេច ?

មកពីទស្សនាវដ្តី ដើម្បីកម្លាំងនៃយុវជន

ដើរក្នុងពន្លឺព្រះអង្គសង្រ្គោះ

រៀនពីអែលឌើរ ឌៀថើរ អេហ្វ អុជដូហ្វ របៀបដែលអំណាចនៃការព្យាបាល និងការពង្រឹងរបស់ព្រះអង្គសង្គ្រោះអាចនាំបងប្អូនចេញពីភាពងងឹតនៅពេលដែលបងប្អូនប្រែចិត្ត ។

ធ្វើឲ្យសុខភាពផ្លូវចិត្តប្រសើរឡើង

បងស្រី ថាម៉ារ៉ា ដាប់បលយូ រុននៀ ចែកចាយគំនិតមួយចំនួនដើម្បីកែលម្អ និងរក្សាសុខភាពផ្លូវចិត្តឲ្យល្អ និងនៅជិតព្រះវិញ្ញាណ ។

មិនតែងតែមានប្រជាប្រិយភាពទេ តែតែងតែជាការព្យាករដ៏ឆុត

ដូចជាសាំយូអែលជាសាសន៍លេមិនបានបង្រៀន ព្យាការីមិនតែងតែមានប្រជាប្រិយភាពនោះទេ ប៉ុន្តែពួកលោកបង្រៀនយើងពីអ្វីដែលយើងត្រូវការឮ ។

មកពីទស្សនាវដ្ដី ប្រិយមិត្ត

ការរៀនប្រែចិត្ត

អានសារលិខិតមួយពីប្រធាន ដាល្លិន អេក អូក ដើម្បីជួយកូនៗរបស់បងប្អូនឲ្យរៀនអំពីការប្រែចិត្ត ។

ជម្រាបសួរពីប្រទេសហ្ស៊ីមបាវ៉េ !

ជួបជាមួយមិត្តរបស់យើង សារ៉ាយ មកពីប្រទេសហ្ស៊ីមបាវ៉េ ហើយរៀនពីរបៀបដែលនាងធ្វើតាមព្រះយេស៊ូវគ្រីស្ទ ។

ជំនួយមកពី ចូរមកតាមខ្ញុំ

ស្វែងរកសកម្មភាពប្រចាំសប្តាហ៍សប្បាយៗ ដើម្បីជួយគ្រួសាររបស់បងប្អូនឲ្យរៀនចេញពីព្រះគម្ពីរមរមន ។

គំនិត និងចិត្តដែលមានសុខភាពល្អ

នៅក្នុងផ្នែករបស់ក្មេងធំៗ សូមរកមើលរឿង និងធនធានដែលត្រូវនឹងកុមារអំពីសុខភាពផ្លូវចិត្ត ។