2024 nga Report sa Departamento sa Pag-awdit sa Simbahan
Ngadto sa Unang Kapangulohan sa Ang Simbahan ni Jesukristo sa mga Santos sa Ulahing mga Adlaw
Minahal nga Kaigsoonan: Gidirekta pinaagi sa pagpadayag, sumala sa narekord diha sa seksiyon 120 sa Doktrina ug mga Pakigsaad, ang Konseho sa Paggasto sa mga Ikapulo—gilangkoban sa Unang Kapangulohan, sa Korum sa Napulog Duha ka Apostoles, ug sa Presiding Bishopric—nagtugot sa paggasto sa mga pundo sa Simbahan. Ang mga departamento sa Simbahan mogasto sa mga pundo nga pinasubay sa giaprobahan nga mga badyet, mga palisiya, ug mga pamaagi.
Ang Pag-awdit sa Simbahan, nga gilangkoban sa mga propesyonal nga adunay mga kredensiyal ug independente sa tanang ubang mga departamento sa Simbahan, adunay responsibilidad sa pagpahigayon og mga pag-awdit alang ka katuyoan sa paghatag og resonable nga kasiguroan kabahin sa mga amot nga nadawat, mga galastohan nga nahimo, ug sa pagbantay sa mga kabtangan sa Simbahan.
Base sa mga pag-awdit nga gihimo, ang Tig-awdit sa Simbahan nagtuo nga, ang tanang importanteng detalye, ang mga amot nga nadawat, mga paggasto nga gihimo, ug mga kabtangan sa Simbahan alang sa tuig 2024 narekord ug nadumala sumala sa giaprobahan sa Simbahan nga mga badyet, mga pamaagi sa accounting, ug mga palisiya. Ang Simbahan nagsunod sa mga pagtulun-an nga gitudlo ngadto sa mga miyembro niini nga magpuyo sumala sa usa ka badyet, molikay sa utang, ug magtigom alang sa panahon sa panginahanglan.
Matinahorong gisumiter,
Departamento sa Pag-awdit sa Simbahan
Jared B. Larson
Tigdumalang Direktor