Aliuzwa Misri

Yusufu alikuwa mtoto mpendwa wa Yakobo. Yakobo alimtengenezea Yusufu koti maalum. Kaka zake Yusufu walimwonea wivu. (Haikuwapendeza kwamba Yusufu alioteshwa ndoto zilizokuwa na mwongozo wa kiungu kutoka kwa Mungu kwamba siku moja angewatawala.)

Kaka zake Yusufu walimuuza kwa watu waliokuwa wakienda Misri na kumwambia Yakobo kwamba Yusufu alikuwa amefariki. Huko Misri, Yusufu alikuwa mtumwa na alitupwa gerezani kwa kosa ambalo hakufanya. Daima alikuwa mwaminifu kwa Mungu, na Bwana alikuwa pamoja naye na akambariki.

Hatimaye, Yusufu alitafsiri ndoto ya Farao na kumpa ushauri wa kujiandaa kwa ajili ya njaa ijayo. Farao alimfanya Yusufu kuwa mtawala huko Misri. Punde, kaka zake walikuja Misri kununua nafaka. Hawakutambua kuwa walikuwa wakiomba msaada kutoka kwa ndugu waliyekuwa wamemuuza!

Yusufu hatimaye alijifunua mwenyewe kwa kaka zake na kuwapa chakula na makazi huko Misri. Aliwasamehe na kuokoa familia yake. Kaka hawa hawa wakawa makabila 12 ya Israeli.