ការប្រារព្ធពិធី បុណ្យអ៊ីស្ទើរ
ខណៈពេលកំពុងនឹកចាំថាវាអំពីនរណា
ប្រពៃណីបុណ្យអ៊ីស្ទើរចំនួន ៦ មកពីជុំវិញពិភពលោក និងរបៀបដែលប្រពៃណីទាំងនេះអាចជួយយើងចងចាំព្រះយេស៊ូវគ្រីស្ទ ។
រចនារូបភាពដោយ ជូឌី ប្លូមហ្វីល
|
ប្រពៃណី |
ការភ្ជាប់ទំនាក់ទំនងជាមួយនឹងព្រះគ្រីស្ទ |
|---|---|
|
១. ស៊ុតនៃ បុណ្យអ៊ីស្ទើរ ស៊ុត ស៊ុត ស៊ុត ។ នៅជុំវិញពិភពលោក ស៊ុតនៃបុណ្យអ៊ីស្ទើរត្រូវបានតុបតែង ស្វែងរក រមៀល បំបែក និងបរិភោគ ។ នៅប្រទេសអាល្លឺម៉ង់ និងអូទ្រីស ស៊ុតនៃបុណ្យអ៊ីស្ទើរត្រូវបានគេព្យួរនៅលើដើមឈើ ( Ostereierbaum ) ។ នៅប្រទេសម៉ិកស៊ិក ស៊ុតត្រូវបានគេចោះប្រហោង និងញាត់ទៅវិញជាមួយនឹងក្រដាស ( cascarones ) ហើយបន្ទាប់មកបំបែកលើក្បាលនរណាម្នាក់ ។ |
ជាទូទៅ មនុស្សជាច្រើនប្រើស៊ុតដើម្បីប្រារព្ធពិធីបុណ្យអ៊ីស្ទើរ ដោយមិនផ្តោតលើព្រះអង្គសង្គ្រោះទាល់តែសោះ ។ វាអាស្រ័យទៅលើយើងដើម្បីផ្តោតលើព្រះអង្គសង្គ្រោះនៅក្នុងប្រពៃណីបុណ្យអ៊ីស្ទើររបស់យើង ។ ស៊ុតអាចជានិមិត្តរូបនៃជីវិតថ្មី ការតភ្ជាប់រហ័សមួយទៅនឹងការរស់ឡើងវិញ ។ ថ្នាំជ្រលក់ពណ៌ក្រហមត្រូវបានគេប្រើនៅក្នុងវប្បធម៌មួយចំនួន ដើម្បីតំណាងឲ្យការលះបង់របស់ព្រះអង្គសង្គ្រោះ ។ ហើយនៅពេលដែលស៊ុតត្រូវបានបំបែក សំបកអាចរំឭកយើងអំពីផ្នូរទទេ និងព្រះអង្គសង្រ្គោះដែលបានមានព្រះជន្មរស់ឡើងវិញ ។ ប្រសិនបើអ្នកមិនបានធ្វើការភ្ជាប់ប្រពៃណីបុណ្យអ៊ីស្ទើររបស់អ្នកទៅនឹងទ្រង់ទេ ឥឡូវនេះជាឱកាសដើម្បី ចាប់ផ្តើមហើយ ! |
|
២. ភ្លើងនៃបុណ្យអ៊ីស្ទើរ ការមានភ្លើងគប់គឺជាប្រពៃណីបុណ្យអ៊ីស្ទើរទូទៅមួយ ជាពិសេសនៅក្នុងប្រទេសអាល្លឺម៉ង់ ហូឡង់ ក្រូអាត និងប្រទេសហ្វាំងឡង់ ។ |
ភ្លើងនៅថ្ងៃបុណ្យអ៊ីស្ទើរអាចរំឭកយើងឲ្យសម្លឹងមើលទៅព្រះអង្គសង្គ្រោះ ដែលបាននាំមកនូវពន្លឺ និងភាពកក់ក្តៅដល់ពិភពលោក ហើយជាការពិតណាស់ ទ្រង់ជាពន្លឺនៃពិភពលោកផ្ទាល់ ( សូមមើល យ៉ូហាន ៨:១២ ) ។ |
|
៣. ម្ហូបអាហារពិសេស នៅជុំវិញពិភពលោកនៅថ្ងៃបុណ្យអ៊ីស្ទើរ និមិត្តរូបម្ហូបអាហារពីរមុខដែលត្រូវបានគេបរិភោគម្តងហើយម្តងទៀត ៖ សាច់ចៀម និងនំបុ័ង ។ |
សាច់ចៀមអាចចង្អុលទៅកូនចៀមនៃព្រះ—ព្រះអង្គសង្គ្រោះផ្ទាល់ ។ នំបុ័ងអាចរំឭកយើងអំពីព្រះយេស៊ូវគ្រីស្ទ ដែលជានំបុ័ងជីវិត ( សូមមើល យ៉ូហាន ៦:៣៥ ) ។ |
|
៤. ការត្បាញស្លឹកដូង នៅក្នុងប្រទេសមួយចំនួន ដូចជាអ៊ីតាលី អេស្ប៉ាញ ហ្វីលីពីន ម៉ិកស៊ិក អេហ្ស៊ីប និងអេត្យូពី មនុស្សត្បាញស្លឹកដូង ឬរុក្ខជាតិផ្សេងទៀតនៅថ្ងៃអាទិត្យធាងចាក ។ |
ថ្ងៃអាទិត្យធាងចាក គឺជាថ្ងៃអាទិត្យមុនពេលបុណ្យអ៊ីស្ទើរ និងការអបអរសាទរជ័យជម្នះរបស់ព្រះយេស៊ូវយាងចូលទៅក្នុងទីក្រុង យេរ៉ូសាឡឹម នៅពេលដែលមនុស្សបានរាយស្លឹកធាងចាកពាសពេញនៅចំពោះមុខទ្រង់ ។ |
|
៥. ខ្លែងហោះ នៅ ប៊ឺមូដា នៅថ្ងៃបុណ្យអ៊ីស្ទើរ មនុស្សបង្ហោះខ្លែងចម្រុះពណ៌ ! |
ប្រពៃណីនេះគឺជាការរំឭកដ៏រីករាយមួយអំពីការរស់ឡើងវិញរបស់ព្រះអង្គសង្គ្រោះ និងរបៀបដែលក្រោយមកទ្រង់បានមានព្រះជន្មរស់ឡើងវិញ ហើយយាងឡើងទៅស្ថានសួគ៌ ។ |
|
៦. ការថ្វាយបង្គំនៅព្រះវិហារ ចូរកុំភ្លេចប្រពៃណីបុណ្យអ៊ីស្ទើរដ៏សំខាន់បំផុតមួយ—ការទៅព្រះវិហារ ! យើងទៅព្រះវិហារនៅថ្ងៃអាទិត្យបុណ្យអ៊ីស្ទើរ ដើម្បីទទួលទានសាក្រាម៉ង់ ហើយចងចាំព្រះអង្គសង្គ្រោះ ។ ( ប្រសិនបើសន្និសីទទូទៅនៅថ្ងៃបុណ្យអ៊ីស្ទើរ នោះយើងអាចចងចាំទ្រង់ដោយការស្តាប់សន្និសីទ—បន្ទាប់មកទទួលទានសាក្រាម៉ង់ម្តងទៀតនៅសប្តាហ៍បន្ទាប់) ។ |
នៅពេលយើងរក្សាសេចក្តីសញ្ញាទាំងឡាយរបស់យើង ហើយបន្តរក្សាវាតាមរយៈពិធីសាក្រាម៉ង់ នោះយើងមានពរជ័យដែលមានព្រះវិញ្ញាណគង់នៅជាមួយយើងជានិច្ច ។ ការណ៍នេះអាចជួយយើងតភ្ជាប់ជាមួយនឹងព្រះអង្គសង្គ្រោះនៅថ្ងៃបុណ្យអ៊ីស្ទើរ និងជារៀងរាល់ថ្ងៃផ្សេងទៀតផងដែរ ។ |
យុវជនកំពុងចូលរួមចំណែក ៖ ប្រពៃណីបុណ្យអ៊ីស្ទើរផ្ទាល់ខ្លួន
« ខ្ញុំផ្តល់ស៊ុតសូកូឡាបុណ្យអ៊ីស្ទើរទៅដល់ពួកអ្នកផ្សព្វផ្សាយសាសនានៅក្នុងវួដរបស់ខ្ញុំ » ។
ជេននីហ្វឺរ អិម អាយុ ២៣ ឆ្នាំ ភើណែមប៊ូកូ ប្រទេសប្រេស៊ីល
« គ្រួសាររបស់យើងបានធ្វើអាហារពេលល្ងាចចុងក្រោយ ហើយយើងបានព្យាយាមធ្វើឲ្យវាជាប្រពៃណីតាមដែលអាចធ្វើទៅបាន » ។
អាលីស អេហ្វ អាយុ ១៦ ឆ្នាំ រដ្ឋយូថាហ៍ ស.រ.អា.
« គ្រួសារខ្ញុំ និងខ្ញុំទៅទីបញ្ចុះសពមួយកន្លែង ច្រៀងទំនុកតម្កើងជាមួយគ្នា ហើយធ្វើទីបន្ទាល់របស់យើង » ។
រ៉ាជែល ជី អាយុ ១៩ ឆ្នាំ រដ្ឋវើរជីញ៉ា ស.រ.អា.
« ខ្ញុំបានទៅព្រះវិហារបរិសុទ្ធសម្រាប់ចុងសប្តាហ៍នៃបុណ្យអ៊ីស្ទើរ » ។
អេវើរី អេ អាយុ ១៧ ឆ្នាំ រដ្ឋណាវ៉ាដា ស.រ.អា.
« ខ្ញុំបានអានដំណឹងល្អ និងប្រវត្តិនៃព្រះជន្មរបស់ព្រះយេស៊ូវ ! វាជាសេចក្តីអំណរដ៏អស្ចារ្យក្នុងការរៀនសូត្រអំពីទ្រង់ក្នុងអំឡុងពេលបុណ្យអ៊ីស្ទើរ » ។
អេស្តេបាន អេ អាយុ ១៥ ឆ្នាំ សេនហូហ្សេ ប្រទេសកូស្តារីកា
« នៅ បារាំងផូលីនេស៊ី យើងមានការប្រគុំតន្ត្រីបុណ្យអ៊ីស្ទើរមួយ សម្រាប់យុវវ័យអន្តរសាសនា ។ តាមរយៈព្យុះ និងទឹកជំនន់ ព្រះអម្ចាស់បានធ្វើឲ្យវាជារាត្រីមួយនៃអព្ភូតហេតុ សេចក្តីអំណរ និងការបង្រួបបង្រួម » ។
តេហីណា ស៊ី ធី អាយុ ២៤ ឆ្នាំ ធូប៉ូវាយ ប៉ូលីណេស៊ី បារាំង
« ឆ្នាំនេះខ្ញុំផ្តោតលើការសិក្សាអ្វីដែលព្រះគ្រីស្ទបានធ្វើក្នុងអំឡុងសប្តាហ៍ដ៏បរិសុទ្ធ » ។
ម៉ាឌីសែន អរ អាយុ១៨ឆ្នាំ មកពីរដ្ឋយូថាហ៍ ស.រ.អា