ចំគោលដៅ
ហេតុអ្វីបានជាបទគម្ពីរនិយាយអំពីការបង្កបង្កើតផែនដី ?
ការបង្កបង្កើត ដោយ អានី ហែនរី ណេឌើរ
បទគម្ពីរនិយាយអំពីការបង្កបង្កើតដើម្បីបង្រៀនយើងពី គោលបំណង នៅពីក្រោយការបង្កបង្កើតនោះ ជាជាង ដំណើរការ ដែលមានរួមបញ្ជូលនៅក្នុងនោះ ។
នៅពេលដែលលោកម៉ូសេបានទូលសុំព្រះអម្ចាស់ដើម្បី« ប្រាប់ [ គាត់ ] អំពីផែនដីនេះ … និងអំពីផ្ទៃមេឃផងដែរ » ព្រះអម្ចាស់បានមានបន្ទូលថា « នេះគឺជាកិច្ចការរបស់យើង និងសិរីល្អរបស់យើង—គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ( ម៉ូសេ ១:៣៦, ៣៩ ) ។
នៅពេលដែលព្រះអម្ចាស់បានបង្រៀនអ័ប្រាហាំអំពីការបង្កបង្កើត ទ្រង់បានបង្ហាញក្រុមប្រឹក្សានៅស្ថានសួគ៌ដល់គាត់ ដែលជាកន្លែងដែលកូនវិញ្ញាណរបស់ព្រះត្រូវបានប្រមូលផ្តុំគ្នា ។ អ័ប្រាហាំបានឃើញជីវិតមុនការបង្កបង្កើត ព្រះយេស៊ូវគ្រីស្ទពន្យល់ ៖
« យើងនឹងចុះទៅ ដ្បិតមានកន្លែងទំនេរនៅទីនោះ ហើយយើងនឹងយកវត្ថុទាំងឡាយនេះទៅ ហើយយើងនឹងធ្វើផែនដីដើម្បីឲ្យពួកគេទាំងនេះអាចរស់នៅលើ ។
« ហើយយើងនឹងសាកល្បងពួកគេមើល បើសិនជាពួកគេនឹងប្រព្រឹត្តនូវអ្វីៗគ្រប់យ៉ាង ដែលព្រះអម្ចាស់ដ៏ជាព្រះរបស់ពួកគេនឹងបញ្ជាដល់ពួកគេ ។
« … ហើយអស់អ្នកណាដែលរក្សាសណ្ឋានទីពីររបស់ខ្លួននោះនឹងបានសិរីល្អទៅបន្ថែមលើក្បាលគេជារៀងរហូតតទៅ » ( អ័ប្រាហាំ ៣:២៤–២៦ ) ។
ការបង្កបង្កើតដ៏ធំ និងរុងរឿងរបស់ព្រះ រួមទាំងផែនដីនេះ គឺជាផ្នែកមួយនៃផែនការរបស់ទ្រង់ដើម្បី យើង ដែលជាកូនចៅរបស់ទ្រង់ទទួលបានសេចក្តីសង្គ្រោះ និងភាពតម្កើងឡើង ។