ចូលឆ្នាំថ្មី
ដល់ខែមករាហើយ ! ចូលឆ្នាំថ្មី ។ ជាពេលវេលានៃការចាប់ផ្តើមជាថ្មី ។
ប្រហែលជាក្មួយៗនឹងត្រូវដាក់គោលដៅសម្រាប់ឆ្នាំថ្មីនេះ ។ មនុស្សមួយចំនួនជ្រើសរើសពាក្យមួយម៉ាត់ដើម្បីតំណាងឲ្យចេតនារបស់ពួកគេសម្រាប់ឆ្នាំខាងមុខ ។ ឆ្នាំនេះ យុវវ័យទូទាំងពិភពលោកនឹងផ្តោតលើខគម្ពីរដូចគ្នា ៖ ម៉ូសេ ៦:៣៤ « ចូរដើរជាមួយនឹងយើងចុះ » ។ នេះគឺជាការអញ្ជើញដែលបានផ្តល់ដល់ព្យាការី ហេណុក ។
កាលដែលហេណុកធ្វើដំណើរឆ្លងកាត់ដែនដី ព្រះវិញ្ញាណនៃព្រះបានសណ្ឋិតលើលោក ។ បន្ទាប់មកព្រះអម្ចាស់បានមានបន្ទូលទៅលោក ។ ទ្រង់បានបង្រៀនលោកអំពីផែនការនៃសុភមង្គលរបស់ទ្រង់ ដែលនឹងផ្តល់គោលបំណង និងអត្ថន័យដល់ជីវិត ។ ពេលព្រះអម្ចាស់បញ្ចប់ការពិពណ៌នាពីផែនការរបស់ទ្រង់ ទ្រង់បានអញ្ជើញហេណុក ៖ « ចូរដើរជាមួយនឹងយើងចុះ » ។
កាលក្មួយៗធ្វើដំណើរឆ្លងកាត់ឆ្នាំថ្មីនេះ ប្រហែលជាក្មួយៗកំពុងស្វែងរកសុភមង្គលគោលបំណង និងអត្ថន័យនោះដោយខ្លួនឯង ។ ក្មួយៗអាចរៀនអំពីដំណើររឿងរបស់ហេណុក ហើយអញ្ជើញព្រះអម្ចាស់ឲ្យក្លាយជាផ្នែកមួយក្នុងការធ្វើដំណើររបស់ក្មួយៗក្នុងឆ្នាំនេះ ។
ក្មួយៗអាចជ្រើសរើសដើរជាមួយទ្រង់ ។ កាលក្មួយៗធ្វើដូច្នេះ នោះពរជ័យកំពុងរង់ចាំក្មួយៗ ។
វានឹងជាឆ្នាំដ៏ល្អ ។
ដោយក្តីស្រឡាញ់
អេមីលី ប៊ែល ហ្វ្រីមែន
ប្រធានយុវនារីទូទៅ