ភ្ជាប់ទំនាក់ទំនង
អាណាវ៉ាអ៊ី អេច
អាយុ ១៧ឆ្នាំ មកពី កោះតាហ៊ីទី ហ្វ្រែន ប៉ូលីនេស្សា
រូបថតដោយ ស្តេផាន សាយីប
ឪពុកម្តាយរបស់ខ្ញុំបានលែងលះគ្នា ហើយវាជាព្រឹត្តិការណ៍ដ៏សោកសៅដែលធ្វើឲ្យប៉ះពាល់ដួងចិត្តដ៏ក្មេងខ្ចីរបស់ខ្ញុំ ។ វាជាការពិបាកខ្លាំងណាស់សម្រាប់ខ្ញុំ ព្រោះខ្ញុំមិនចង់ឲ្យពួកគាត់បែកគ្នាទេ ប៉ុន្ដែខ្ញុំបានស្វែងរកការលួងលោមចិត្តដែលខ្ញុំត្រូវការនៅក្នុងព្រះគ្រីស្ទ ។ វាពិតជាបទពិសោធន៍ខាងវិញ្ញាណដ៏ជ្រាលជ្រៅមួយសម្រាប់ខ្ញុំ !
ក្នុងអំឡុងពេលដ៏លំបាកទាំងនោះ ខ្ញុំបានរកឃើញអំណាចនៅក្នុងព្រះបន្ទូលរបស់ព្រះគ្រីស្ទ ។ មេរៀនទាំងឡាយដែលខ្ញុំទទួលបានពីឪពុកម្តាយ និងថ្នាក់ដឹកនាំរបស់ខ្ញុំ បានជួយខ្ញុំឲ្យផ្តោតអារម្មណ៍លើការបង្រៀនរបស់ទ្រង់ ។ ដំណឹងល្អបានក្លាយជាបន្ទាយមួយដែលខ្ញុំអាចទាញយកកម្លាំង—ជាកម្លាំងដែលខ្ញុំត្រូវការដើម្បីរក្សាសេចក្ដីជំនឿរបស់ខ្ញុំ ទោះបីជាមានព្យុះភ្លៀងនៅក្នុងគ្រួសារខ្ញុំក៏ដោយ ។
សព្វថ្ងៃនេះ ខ្ញុំបន្តស្វែងរកសេចក្តីអំណរចេញពីដំណឹងល្អ និងតាមរយៈបទពិសោធន៍នៅក្នុងព្រះវិហារបរិសុទ្ថ ។ ខ្ញុំចង់រៀនបន្ថែមទៀតអំពីព្រះគ្រីស្ទ ។ ខ្ញុំចង់ស្គាល់ទ្រង់ឲ្យកាន់តែច្បាស់ថែមទៀត លើសពីនេះ ខ្ញុំចង់ដើរតាមដានព្រះបាទាទ្រង់ ។ ខ្ញុំមានទីបន្ទាល់ថា ព្រះគ្រីស្ទដឹកនាំផ្លូវយើង ហើយទ្រង់នឹងជួយយើងឲ្យផ្តោតយកចិត្តទុកដាក់លើទ្រង់ បើទោះបីជាមានការសាកល្បងយ៉ាងណាក៏ដោយ ។