សំឡេងយុវវ័យ
ការរៀនសូត្របន្ទាប់ពីការបាត់បង់លោកយាយរបស់ខ្ញុំ
រចនារូបភាពដោយ ខេតលីន បឺច
ការបាត់បង់លោកយាយរបស់ខ្ញុំគឺជាឧបសគ្គមួយសម្រាប់ខ្ញុំ ។ យើងជិតស្និទ្ធនឹងគ្នាណាស់ ។ ខ្ញុំមានអារម្មណ៍សោកសៅណាស់ ។ ខ្ញុំមានអារម្មណ៍ថាក្តីសង្ឃឹមដែលខ្ញុំត្រូវការបានរលាយបាត់ទៅហើយ ។
មុនពេលគាត់ទទួលមរណភាព ខ្ញុំពិតជាមិនសូវរឹងមាំប៉ុន្មានទេនៅក្នុងដំណឹងល្អនៃព្រះយេស៊ូវគ្រីស្ទ ។ ខ្ញុំបានពឹងផ្អែកទៅលើទីបន្ទាល់របស់អ្នកដទៃ ។ ប៉ុន្តែក្នុងអំឡុងសប្តាហ៍ដំបូងនៃទុក្ខសោកនេះ ខ្ញុំបានទៅថ្នាក់សាសនាមួយដែលគ្រូម្នាក់បានបង្រៀនអំពីដង្វាយធួនរបស់ព្រះយេស៊ូវគ្រីស្ទ និងផែនការសង្គ្រោះរបស់ព្រះវរបិតា ។ ខ្ញុំបានដឹងថាខ្ញុំអាចជួបលោកយាយរបស់ខ្ញុំម្តងទៀត ។ យើងអាចជួបជុំគ្នាក្នុងជីវិតក្រោយតាមរយៈពិធីបរិសុទ្ធក្នុងព្រះវិហារបរិសុទ្ធ ។
ថ្នាក់នេះបានពង្រឹងទីបន្ទាល់របស់ខ្ញុំ ។ ខ្ញុំបានចាប់ផ្តើមផ្តោតលើព្រះអង្គសង្គ្រោះព្រះយេស៊ូវគ្រីស្ទ របស់ខ្ញុំ និងស្វែងយល់បន្ថែមអំពីដំណឹងល្អរបស់ទ្រង់ ។ ឥឡូវនេះ ខ្ញុំស្វែងរកចម្លើយតាមរយៈបទគម្ពីរ និងសៀវភៅ ចូរមកតាមខ្ញុំ ។ ខ្ញុំចូលចិត្តស្តាប់សុន្ទរកថាសន្និសីទ ជាពិសេសពីព្យាការី គឺ ប្រធាន រ័សុល អិម ណិលសុន ។ កាលខ្ញុំស្តាប់សុន្ទរកថាពឹងផ្អែកលើបទគម្ពីរ អធិស្ឋាន និងពិចារណា និងទូលសូមព្រះវិញ្ញាណបរិសុទ្ធ នោះទីបន្ទាល់របស់ខ្ញុំកាន់តែរឹងមាំ ។
ថ្នាក់សិក្ខាសាលាក៏បានជួយខ្ញុំរៀន និងព្យាយាមធ្វើដូចព្រះអង្គសង្គ្រោះរបស់យើង គឺព្រះយេស៊ូវគ្រីស្ទ កាលខ្ញុំបានធ្វើសកម្មភាពដោយសេចក្តីជំនឿ មើលគ្រប់ការណ៍ទាំងអស់ចេញ ពីទស្សនៈវិស័យដ៏អស់កល្ប និងស្វែងរកចំណេះដឹងបន្ថែមតាមរយៈប្រភពដែលបានតែងតាំង ។
ទុកចិត្តព្រះវរបិតាសួគ៌ និងព្រះយេស៊ូវគ្រីស្ទ កុំពឹងផ្អែកតែលើចំណេះដឹងផ្ទាល់ខ្លួនរបស់អ្នកតែប៉ុណ្ណោះ ប៉ុន្តែពឹងលើទ្រង់ទាំងទ្វេ ។ ពួកទ្រង់អាចជួយយើង និងណែនាំយើងឆ្លងកាត់ការសាកល្បង ឬទុក្ខលំបាកណាមួយដែលយើងអាចប្រឈមមុខ ។
ស៊ូហ្សាន ឃ្យូ អាយុ ១៧ ឆ្នាំ សេនត្រូល ឌីវិសិន ហ្វីជី
ចូលចិត្តគូរគំនូរ សិប្បកម្ម គំនូរ ការរចនា រៀនអំពីប្រវត្តិសាស្រ្ត និងលេងបាល់បោះ ។