សំឡេងយុវវ័យ
ការគោរពដល់រូបកាយរបស់ខ្ញុំ
រចនារូបភាពដោយ ខេតលីន បឺច
ខ្ញុំទៅសាលារៀនដែលក្មេងស្រីៗជាច្រើនមានទំនោរស្លៀកពាក់បញ្ចេញសាច់ ផឹកកាហ្វេ និងធ្វើការជ្រើសរើសដែលមិនស្របនឹងតម្លៃរបស់ខ្ញុំ ។
សៀវភៅណែនាំ ដើម្បីកម្លាំងនៃយុវជន បានជួយខ្ញុំឲ្យបន្តស្មោះត្រង់ចំពោះបទបញ្ញត្តិ និងសេចក្តីជំនឿរបស់ខ្ញុំ ។ ឧទាហរណ៍ ខ្ញុំធ្វើតាមពាក្យសម្ដីនៃប្រាជ្ញាវាងវៃ ដូច្នេះពេលមិត្តរបស់ខ្ញុំអញ្ជើញខ្ញុំផឹកការហ្វេ ខ្ញុំបានបដិសេធទាំងគួរសម ។ នៅពេលពួកគេផ្តល់យោបល់អំពីម៉ូតសម្លៀកបំពាក់មួយចំនួនខ្ញុំជ្រើសរើសសម្លៀកបំពាក់ដែលស្រួលពាក់ និងសុភាពរម្យទម ។ ខ្ញុំជឿថាភាពរម្យទមមានសារៈសំខាន់ណាស់ពីព្រោះរូបកាយរបស់យើងគឺជាព្រះវិហារបរិសុទ្ធ ។ នៅពេលខ្ញុំជ្រើសរើសស្លៀកពាក់សមរម្យ ខ្ញុំបានបង្ហាញនូវការគោរពចំពោះរូបកាយ និងគារវភាពរបស់ខ្ញុំចំពោះព្រះ ។
ខ្ញុំព្យាយាមអនុវត្តតាមការបង្រៀននៃដំណឹងល្អនៅក្នុងជីវិតប្រចាំថ្ងៃរបស់ខ្ញុំ ហើយពេលខ្ញុំប្រឈមមុខនឹងបញ្ហា ខ្ញុំងាកទៅរកការសិក្សាព្រះគម្ពីរសម្រាប់ការណែនាំ និងវិវរណៈ ។ ខ្ញុំដឹងថា ព្រះវរបិតាសួគ៌ និងព្រះយេស៊ូវគ្រីស្ទក៏ស្រឡាញ់យើងផងដែរ ។ ព្រះវរបិតាសួគ៌នឹងដឹកនាំ ហើយការពារយើងជានិច្ចនៅពេលយើងស្វែងរកទ្រង់ ។ ទ្រង់ប្រទានពរដល់យើងរាល់ថ្ងៃ ទោះបីជារឿងតូចតាចក្តី ។
ម៉ាមេឡូ អិម អាយុ១៦ឆ្នាំ មកពី ខេត្ត ហ្គាតេង អាហ្វ្រិកខាងត្បូង
ចូលចិត្តលេងអុក ដុតនំ លេងឧបករណ៍តន្ត្រី រៀនភាសាផ្សេងៗ សិក្សាផ្នែកតារាសាស្ត្រ កីឡាវាយកូនបាល់លើទីលាន និងគូគំនូរសិល្បៈ ។