ការធ្លាក់ ៖ លោកអ័ដាម និងនាងអេវ៉ា

ម៉ូសេ ២–៤; លោកុប្បត្តិ ២–៣

ដំណើររឿងរបស់ពួកលោក

សួនច្បារ

លោកអ័ដាម និងនាងអេវ៉ារស់នៅក្នុងសួនច្បារអេដែន—សួនច្បារដ៏ស្រស់ស្អាតមួយដែលពួកគេនឹងពុំមានបទពិសោធន៍នៃការឈឺចាប់ ការលំបាក ការស្លាប់ ឬក្តីអំណរទេ ។ ពួកគេក៏អាចរីករាយជាមួយវត្តមានរបស់ព្រះផងដែរ ។

ការល្បួង

ព្រះវរបិតាសួគ៌បានបញ្ជាឲ្យពួកគេបង្កើតកូន និងមិនឲ្យបរិភោគផ្លែឈើ ពី « ដើមសម្រាប់ដឹងខុស » ។ សាតាំងបានល្បួងលោកអ័ដាម និងនាងអេវ៉ាឲ្យបរិភោគផ្លែឈើនោះ ។

ជម្រើស

នាងអេវ៉ា និងលោកអ័ដាម បានជ្រើសបរិភោគផ្លែឈើនោះ ។ ពួកគេនឹងត្រូវចាកចេញពីសួនច្បារ និងពីវត្តមានរបស់ព្រះ ឆ្លងកាត់ការលំបាក និងសេចក្តីស្លាប់នៅទីបំផុត ។ ប៉ុន្តែពួកគេក៏នឹងអាចមានអំណរដោយការគោរពតាមបទបញ្ញត្តិរបស់ព្រះដើម្បីបង្កើតកូនចៅ និងរីកចម្រើនឆ្ពោះទៅរកជីវិតអស់កល្បជានិច្ច ។

ផែនការ

ដំបូងលោកអ័ដាម និងនាងអេវ៉ាបានលាក់ខ្លួនពួកគេ ។ ប៉ុន្តែការរៀនអំពីផែនការរបស់ព្រះវរបិតាសួគ៌ ធ្វើឲ្យពួកគេដឹងថាជម្រើសរបស់ពួកគេអនុញ្ញាតឲ្យបុត្រាបុត្រីរបស់ព្រះវរបិតាសួគ៌បានមកកាន់ផែនដី ។ ពួកគេបានរៀនថាព្រះវរបិតាសួគ៌នឹងបញ្ជូនព្រះយេស៊ូវគ្រីស្ទមកដើម្បីជួយសង្គ្រោះពួកគេ ( និងយើង ) ពីអំពើបាប និងសេចក្តីស្លាប់របស់យើង ។

ដំណើររឿងរបស់ប្អូន

ដូចលោកអ័ដាម និងនាងអេវ៉ា ដែរបងប្អូនរស់នៅក្នុងពិភពដ៏លំបាក និងការល្បួង ហើយពេលខ្លះបងប្អូនប្រហែលជាមានអារម្មណ៍ចង់រត់ពួន ឬមានអារម្មណ៍ភ័យខ្លាច ។ ប៉ុន្តែដោយសារតែព្រះយេស៊ូវគ្រីស្ទ ប្អូនអាចប្រែចិត្តនិងផ្លាស់ប្តូរ ។ ថ្ងៃណាមួយបងប្អូននឹងបានរស់ឡើងវិញ ហើយអាចត្រឡប់ទៅរស់នៅជាមួយទ្រង់វិញ ។