Tauaveina o le Suafa o Iesu Keriso

Ua mafai ai ona tatou vaaia pe ā ma le lima faatusatusaga i faagasologa lea tatou te tauaveina ai i o tatou lava luga le suafa o Iesu Keriso. …

O le faatusatusaga muamua o le faailoaga. … A tatou tauaveina i o tatou lava luga le suafa o Iesu Keriso, ua tatou faafesoota’ia o tatou igoa i Lona suafa. Ua tatou faailoa faatasi ma Ia. …

E fesootai vavalalata i le faailoaga ma se isi faatusatusaga o le—manatuaina. … Mo i tatou, o le aai ma feinu i le faamanatuga i vaiaso taitasi e fesoasoani tatou te manatua ai Iesu Keriso i le vaiaso atoa. …

… E tusa lava foi pe a faatumuina i tatou i isi mataupu, e tumau lava lo tatou mafaufau ia te Ia, pei lava ona tatou manatua ō tatou lava igoa, tusa lava pe o a isi mea tatou te taula’i atu i ai.

O se taunuuga o le manatuaina o mea na faia e le Faaola mo i tatou o se faatusatusaga lona tolu—faaa’oa’o. … Mo i tatou, o le tele ona tatou faailoa faatasi ma manatua Iesu Keriso, o le tele foi lea o lo tatou mananao ia avea e pei o Ia. …

O le faaa’oa’o ia Iesu Keriso e taitai atu ai i tatou i se faatusatusaga lona fa—faaogatusa ma Ona faamoemoega. Tatou te auai faatasi ma Ia i Lana galuega. …

… O le faia o nei mea e fa e taitai atu ai tatou i se faatusatusaga lona lima—faamamanaina. … Tatou te maua le mana ma faamanuiaga a le Atua i o tatou olaga. …

A o tatou osia feagaiga faaopoopo ma le Atua, tatou te tauaveina ma le atoatoa sili atu i o tatou lava luga le suafa o Iesu Keriso. O lea la, e faamanuiaina i tatou e le Atua i le tele o Lona mana. …

… O mai i lo tatou Tama Faalelagi. Ave i ou lava luga le suafa o Iesu Keriso. … O le a avea oe o se suli faaeaina i le malo o lo tatou Tama i le Lagi, o se suli-faatasi ma Lana Ulumatua, lo tatou Faaola ma le Togiola pele.