Fai Lau Vaega ma Lou Loto Atoa

I se faaupuga faigofie, o le avea ma soo e manaomia ai le lotopulea. …

… O lo tatou faatuatua, o lo tatou faamaoni lea i le Faaola, e oo ina malosi atu a o tofotofoina e faasaga i mea faafeagai tatou te fetaiai iinei i le olaga faaletino. E tumau ona o loo tatou fafagaina pea, o loo tatou faaaogaina pea, ma tatou te le fiu ai lava.

I se isi itu, afai tatou te le faaaogaina le faatuatua ma lona mana faatalitonuina, o le a faaitiitia lo tatou mautinoa i mea sa tatou mafaufau i ai e paia—tau le talitonu i mea sa tatou iloa e moni. …

O le afi o le molimau o ananafi e na o se taimi lava tatou te mafanafana ai. …

Na pau le ala e faalautele ma faateleina ai a tatou meaalofa o lo tatou faaaogaina lea. …

Atonu e moni o a tatou meaalofa faaleagaga e le o taimi uma e mataina ai, ae e le faapea e itiiti ai o latou tāua. …

O lea ia tatou faia ai a tatou vaega itiiti. …

Ia manatua, ua uma ona fai e Iesu Keriso le vaega paoa ina ua Ia manumalo i le oti ma le agasala.

O la tatou vaega o le mulimuli lea i le Keriso. …

A vaivai le faatuatua, amata i se faamoemoe ia Keriso Iesu ma i Lona mana e faamama ma faaleleia. …

Ua tatou iloa o a tatou taumafaiga na’o i latou e le mafai ona tatou selesitila ai. Ae e mafai ona tatou faamaoni ma tuuto ia Iesu Keriso, ma e mafai ona Ia faaselesitilaina i tatou. …

… Tatou te faafetai mo laa sa tatou faia ananafi, ae tatou te le gata ai iina. Ua tatou iloa o loo i ai le tatou ala umi e ui ai, ae tatou te le tuu lena mea e faavaivaia i tatou.

O le ute lena o ituaiga o tagata e i ai i tatou—o ni soo o Keriso.