E Leai Se Tasi e Nofo Na o Ia

I le faataoto i le Samaria agalelei, ua valaaulia ai e Iesu i tatou e o mai e le tasi i le isi ma ia te Ia i Lona faletalimalo—Lana Ekalesia. …

O le agaga o le “potu i le faletalimalo” e aofia ai “le leai se tasi e nofo na o ia.” A e sau i le lotu, a e vaai atu o nofo toatasi se tagata, pe mafai faamolemole ona e fai atu talofa ma nofo ifo i lalo faatasi ma ia? …

O le “Leai se tasi e nofo na ia” o lona uiga foi ia leai se tasi e nofo na o ia faalelagona pe faaleagaga. I se tasi taimi, sa ma o ma se tamā lotonutimomoia e asi lona atalii. I nai tausaga ua mavae, sa sagisagi fiafia le atalii e avea o se tiakono fou. Mo lea faamoemoe, na faatauina ai e le aiga mo ia sana uluai pea seevae fou.

Ae i le lotu, sa taliē atu ai tiakono ia te ia ma ona seevae. Sa fou ona seevae, ae lē o le sitaili fou. I lona maasiasi ma le tiga, sa fai mai ai le tiakono talavou o le a lē toe alu lava o ia i le lotu. O loo nutimomoia pea lo’u loto mo ia ma lona aiga. …

I Lana Ekalesia toefuataiina, e sili atu lo tatou lelei pe a leai se tasi e nofo na o ia. Aua nei na ona tatou faaaofia mai pe faapalepale. Ia tatou talileleia ma le faamaoni, faailoa, ma auauna atu, alofa. …

O nei ona po, e toatele ua lagona le tuulafoaiina ma le tuuatoatasi. …

E tele mafuaaga tatou te ono lagonaina ai ua le fetaui tatou i le lotu—i se tala faafaatusa, ua tatou nonofo na’o i tatou. …

Ua valaaulia i tatou e leMosaea 18:21 ina ia lalagaina faatasi o tatou loto i le alofa. Ou te valaaulia outou ia tuuitiitia le popole, tuuitiitia le faamasinosino, tuuitiitia le fai faamalosi o isi,—ma, a oo ina moomia, ia tuuitiitia le faafaigata mo i tatou lava. …

O le avea ma ni ō le feagaiga e faalolotoina ao tatou o mai i le Alii ma le tasi ma le isi i Lona Faletalimalo. E faamanuiaina i tatou uma e le Alii pe a leai se tasi e nofo na o ia.